Anyandera 1:18 - AHYERƐLƐ KRONGRON

¹⁸ Nakoso sɔ mmenia nemɔ bɛtetɛ bedi bɛ bɔbɔ bɛ nwo awue, na bɛtetɛ bekuku bɛ nwo.

Anyandera 1:18 Iomraidhean Croise

Ɛseta 7:10

Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

Edwein 55:23

Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.

Edwein 9:16

AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.

Anyandera 1:11

Sɛ bɛkã kyɛ, “Bra maa yɛɛtetɛ yɛli awue, bɛ bɔ bedi be ne, maa yɛɛtɛ atunu yɛhu bɛ mbaen;

Anyandera 1:17

Ofikyɛ, sɛ anomaa biala nye tua kyɛ asua ye ngaen a, asua ngaen ne mbaen.

Anyandera 11:19

Sona bɔ ye bra tengyɛ ne, onya ngoa, nakoso bɔ odi bɔne si ne de, onya ewue.

Anyandera 11:5

Sona bɔ ye bra te sannwuu ne, ye tenenee ma ye atee tengyɛ, nakoso bɔnefoɛ de, ye bɔbɔ ye bɔne yeɛ okotua ye kerɛ ɔ.

Anyandera 28:17

Sɛ ebie di obiɛngo wue nwo fɔ a, ɔkɔnwati toonn kɔfa kɔhɔ ewue nu, na nnɛma ebiala si ye ate.

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?