Anyandera 1:11 - AHYERƐLƐ KRONGRON

¹¹ Sɛ bɛkã kyɛ, “Bra maa yɛɛtetɛ yɛli awue, bɛ bɔ bedi be ne, maa yɛɛtɛ atunu yɛhu bɛ mbaen;

Anyandera 1:11 Iomraidhean Croise

Edwein 17:12

Bɛte kyɛ gyata bɔ ɔpena kaka bie kye ye ɔ; bɛte kyɛ gyata akrɔngrɔma bɔ wafea ɔtetɛ ɔ.

Edwein 35:7

Ofikyɛ basua me ngaen wɔ aberɛ bɔ nnyɔle hwee ɔ; bapɛ kumaa bama me kra wɔ aberɛ bɔ nnyɔle hwee ɔ.

Edwein 56:6

Bɛboa bɛ noa, bɛtetɛ me; beli me mvanvando, na bɛpena me ne ewue.

Anyandera 1:16

ofikyɛ amirika yeɛ betu bekodi bɔne ɔ, na bɛma bɛ nwo yɛ nyera bedi awue.

Anyandera 1:18

Nakoso sɔ mmenia nemɔ bɛtetɛ bedi bɛ bɔbɔ bɛ nwo awue, na bɛtetɛ bekuku bɛ nwo.

Anyandera 12:6

Bɔnefoɛ noa dwirɛ, ɔtetɛ sona di ye awue, nakoso teneneeniɛ de, ye noa dwirɛ pepɛ de mmenia.

Anyandera 24:15

O, bɔnefoɛ, nnɛtɛ teneneeniɛ wɔ ye awuro, nnɛbɔ apaa wɔ ye nekaa bɔ ɔte ɔ,

Anyandera 29:24

Ebiala bɔ ɔne awueniɛ bekotu nu ne, ɔpɔ ye bɔbɔ ye kra, ɔte amoenwaa ne de, nakoso ɔnga nahorɛ.

Anyandera 30:14

Mmenia biemɔ wɔ berɛ a, bɛ gye te kyɛ ngrandɛ, bɛ gye bɔ ɔwɔ bɛ nnaalɔ dɔ ne, ɔte kyɛ dadeɛ ba, bɔ bɛfa bekuku mmenia bɔ bɛyɛ anwumvo ɔ befi aseɛ ye aso, ɔne ehiafoɛ befi adasa nu ɔ.

Yeremia 11:19

Nakoso né nde kyɛ boaen akrɔngrɔma brɛfo bɔ bɛ́fa ye bɛ́kɔ akumyɛɛ ɔ. Na né menze kyɛ babɔ me ti so porɛ kyɛ, “Ɛ́mɔma yɛsɛkye bakaa ne, ɔne ye mma ne, ɛ́mɔma yɛ́bu ye yɛ́fi ateasefoɛ aseɛ so, amaa ɔnate so bangaye ye dumaa ko!”

Yeremia 5:26

Ofikyɛ bɔnefoɛ bafra me mmenia nu; bɛtetɛ kyɛ ebie bɔ osua nnomaa ngaen ɔ, besunzua ngaen bɛfa bɛkye mmenia.

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Yohane 15:25

Na ɛhe ama edwirɛ bɔ bahyerɛ ye wɔ bɛ mmeraa ne anu ne wawa nu kyɛ, ‘Bɛpɔle me mbaen.’

Asomafoɛ 23:15

Yiti ɛmɔ ne badwafoɛ ne bɛbɔ nu bɛsoma ma beese Roman safohene ne kyɛ ɔma bɛfa Pɔɔlo bɛbrɛ ɛmɔ; kyɛ ɛmɔpena kyɛ ɛmɔneanea ye dwirɛ ne anu yé. Na yɛ de, kyɛ ɔyɛ na oodwu wa ne, né yahu ye dadaada.”

Asomafoɛ 25:3

na bɛsrɛle ye kyɛ ɔlo bɛ ná ɔsoma ma bɛfa Pɔɔlo bɛbra Yerusalem; ɔnate kyɛ né babɔ porɛ kyɛ bɛkɔtɛ ye atunu bekohu ye.