Amose 9:8 - AHYERƐLƐ KRONGRON

⁸ Tie, AWURADE Nyameɛ watu ye nye wasie ahennie bɔ bɔne ali ye ti ne aso, na ngonua ye boso ngofi aseɛ ye aso. Nakoso mengonua Yakob awuro ama boso bɔkɔɔ,” AWURADE noa dwirɛ ɛne.

Amose 9:8 Iomraidhean Croise

Gyenesise 6:7

Yiti AWURADE hane kyɛ, “Ngonua kuro sona bɔ mabɔ ye ne boso ngofi aseɛ ye aso: mmenia ne ngaka mbiri ne ngaka bɔ bɛtwe bɛ nwo ase ne ewienu nnomaa, ofikyɛ manu me nwo kyɛ nyɔle bɛ ɔ.”

Gyenesise 7:4

Ofikyɛ waha ɛlɛsoo né metɔ nzue megua aseɛ so eyia ne kɔngɔen sɔ alaa eleburanna. Na nikyee biala bɔ mayɔ bɔ ngoa wɔ nu ne, ngokyikyi ngofi aseɛ so.

1 Ahemvo 13:34

Sɔ nikyee bɔ Yeroboam yɔle ne, ɔɔyɛle bɔne tɔle ye abusuafoɛ so, maa ɔnate so bɛ boso nuane fili aseɛ ye aso.

Anyandera 15:3

AWURADE nye wɔ nekaa biala, na ɔnea bɔnefoɛ ne mmeni paa.

Anyandera 5:21

Ofikyɛ bɔ sona yɔ ne, ɔla AWURADE nyunu, na ɔneanea ye atee bɔ ɔnate so amukoraa nu.

Yeremia 30:11

Ofikyɛ ngyi wɔ si kyɛ ngɔpepɛ ngole wɔ, AWURADE noa dwirɛ ɛne; na maen maen amukoraa bɔ mabɔ wɔ masande maagua so ne, ngɔbɔ bɛ tɔɔ, nakoso wɔ de, mengɔbɔ wɔ tɔɔ. Na mmom ngɔhwe wɔ so kyɛbɔ ɔfata ɔ, na mengɔma ɛngɔfa wɔ nwo ngoli tɔtorɔtɔɔ.

Yeremia 44:27

Ɛ́mɔtie, ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ; na Yuda mmienzua amukoraa bɔ bɛwɔ Misraim aseɛ so ne, bɛkɔtotɔ wɔ ngrandɛ noa, na ɛhɔen kohũhũ bɛ maa bekowuwu, kɔpem kyɛ bɛ boso konua ɔ.

Yeremia 46:28

Ao me somvoɛ Yakob, nnɛsuro ofikyɛ ngyi wɔ si, AWURADE noa dwirɛ ɛne. Maen maen amukoraa bɔ mafoa wɔ mahɔ so ne, ngonua bɛ boso. Nakoso wɔ de, mengonua wɔ boso, na mmom ngɔhwe wɔ so kyɛbɔ ɔfata ɔ, na mengɔyakyi wɔ maa ɛngɔfa wɔ nwo ngoli tɔtorɔtɔɔ.”

Yeremia 5:10

“Ɛ́mɔfo bɛhɔ ye bobe boo nemɔ anu bɛɛsɛkye bɛ, nakoso nnɛma ɛmɔsɛkye ye mukoraa bɔkɔɔ; ɛ́mɔpomba ye maen nemɔ, ofikyɛ nna AWURADE deɛ ɔ.

Hosea 1:4

Na AWURADE sele Hosea kyɛ, “To ye dumaa Yesreel; ofikyɛ ɔngɔhyɛ biala, ngɔtɔ Yehu awuro ama so wereɛ wɔ Yesreel mogya nwo, na ngɔma Yisrael awuro ama ahennie so kɔpɛ.”

Hosea 1:6

Osa nwonzɛle, na ɔwole baa brasua. Na AWURADE sele Hosea kyɛ, “To ye dumaa Lo Ruhama, ofikyɛ mengonwu Yisrael awuro ama anwumvoin ko bɔ ɔkɔmaa ngɔfa bɛ bɔne ngɔhyɛ bɛ bieku ɔ.

Yoel 2:32

Na ɔkɔwa kyɛ ebiala bɔ ɔkɔfa ye nwo kɔto AWURADE dumaa so ne, okonya ye ti kodidi nu, ofikyɛ Sion bokaa so ne Yerusalem yeɛ bɛ bɔ banya bɛ ti badidi nu ne bɛkɔtena ɔ, kyɛbɔ AWURADE ahã ne ala, na bɛ bɔ AWURADE frɛ bɛ ne, bɛkɔboka bɛ bɔ banya bɛ ti badidi nu ne aso.”

Amose 3:12

Bɔ AWURADE kã hɔ ɛhe: “Kyɛbɔ mmoaenneafoɛ ɔpepɛ de agyirɛ nyɔ anaa asoɛ bue fi gyata noa nu ne, sɔ ala yeɛ bɛkɔpepɛ bekole Yisraelfoɛ bɔ bɛtete Samaria wɔ mba ndweasoɛ so ne bɛen bue so ɔ.

Amose 7:17

Yiti AWURADE nwa nyoo, ‘Ɛye kɔyɛ gyanderaniɛ wɔ kuro ne anu, na wɔ mma mmienzua ne wɔ mma mmrasua kɔtotɔ ngrandɛ noa, bɛkɔfa ɛwɛen bɛkɔto w’aseɛ nu bɛkɔhyɛ bɛkɔfa, ekowu wɔ aseɛ bɔ ye nwo agua fiɛ ɔ so, na amba, bɛkɔhye Yisrael nnure bekofi ye aseɛ so bɛkɔhɔ.’ ”

Amose 9:10

Me maen nu bɔnefoɛ amukoraa bɛkɔtotɔ ngrandɛ noa; bɛ yeɛ bɛkekã kyɛ, ‘Musue biala ngɔto yɛ anaa ɔngɔhora yɛ’ ne.

Amose 9:4

Sɛ bɛkye bɛ nnure bɛkɔ bɛ pɔfoɛ mɔ nyunu po a, dɔ yeɛ ngɔhyɛ ngrandɛ maa okohũhũ bɛ ɔ; na ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ.”

Deuteronomi 4:31

Na ɔnate kyɛ AWURADE wɔ Nyameɛ te anwumvoinnwunɛ Nyameɛ ne ati, ɔngɔyakyi wɔ nu, yeɛ ongohu wɔ; na ɔne wɔ nana mɔ apam bɔ bɛyɛle, bɔ ɔfale ndaen foale so ne, ye wora ngofi.

Deuteronomi 6:15

ofikyɛ AWURADE wɔ Nyameɛ bɔ ɔne wɔ nate ne, ɔte nungunɛ Nyameɛ. AWURADE wɔ Nyameɛ kɔfɛ wɔ so yaa piri paa, na okohu wɔ kokyikyi wɔ boso kofi aseɛ ye aso.