Amose 9:7 - AHYERƐLƐ KRONGRON

⁷ “Ao Yisraelfoɛ, ɛmɔ, aso ɛmɔ bɛtte kyɛ Yitiopiafoɛ bɛmma me anaa? AWURADE noa dwirɛ ɛne. Aso manye Yisrael mamvi Misraim aseɛ so anaa? Aso manye Filistifoɛ mamvi Kafito, yeɛ manye Siriafoɛ mamvi Kire anaa?

Amose 9:7 Iomraidhean Croise

2 Ahemvo 16:9

Asiria hene tiele Ahase dwirɛ ne, yiti Asiria hene fale koɛ ɔɔtetale Damasko, na olili so ngonim. Ɔhyele Damasko nu mmenia nnure fale bɛ hɔle Kire, na ohuni Resin.

2 Aberɛso Dwirɛ 14:12

Yiti AWURADE lili Yitiopiafoɛ nemɔ aso ngonim mane Asa ne Yuda maen, na Yitiopiafoɛ nemɔ nwatili.

2 Aberɛso Dwirɛ 14:9

Yitiopianiɛ Sera fale koɛhonɛfoɛ apepesrala ko yeɛ teaseɛnam ɛyaa nza, na ɔfale koɛ ɔɔtoale Yuda. Ɔwale alaa oodwuli Maresa.

Ɛksadɔso 12:51

Na AWURADE yele Yisraelfoɛ ɛlɔen kure kure ne fili Misraim aseɛ so sɔ kyẽa ne.

Yesaya 20:4

sɔ ala yeɛ Asiria hene kɔhye Misraimfoɛ nnure, ná wasa wahye Yitiopiafoɛ nnure wahɔ ɔ. Ɔkɔhye mmerandeɛ ne mbanyi, bɛ nwo kɔlela so, bɛ gya kogua ase, bɛ bo kɔlela so, na Misraim nyunu kogua ase.

Yesaya 22:6

Na Elam fale agyaen ndokue sini, ɔne teaseɛnam mɔ ne pɔngɔhanɛfoɛ bɛ́ba, yeɛ Kire waye akokyɛm wafite.

Yesaya 43:3

Ofikyɛ me ole AWURADE wɔ Nyameɛ, Yisrael Krongronniɛ ne, wɔ Defoɛ ne, Mafa Misraim mayɛ wɔ ti nyɔboɛ mapɔ wɔ, Mafa Yitiopia ne Seba masesã wɔ.

Yeremia 13:23

Aso Yitiopianiɛ kɔhora kɔsesã ye wereɛ, anaa aboa kɔhora kɔsesã ye nwo kyerekyerɛɛ ne? Ahaa ye de, ɛmɔ bɔ bɔne ali ɛmɔ ti ne, ɛmɔ koso ɛmɔkɔhora bɛkɔyɔ bɔ ɔte paa ɔ.

Yeremia 47:4

ɔnate kyẽa bɔ ɔbaahũhũ Filistifoɛ amukoraa ne ati, ɔne kyɛ ɔbaanua bokafoɛ biala bɔ waha wɔ Tiro ne Sidon ɔ, bɛ bo. Ofikyɛ AWURADE kohũhũ Filistifoɛ bɔ bɛ ole Kafito supɔ ngaa nemɔ ne.

Hosea 12:13

Na AWURADE nate ngɔmhyɛlɛniɛ so yele Yisrael fili Misraim, na ɔnate ngɔmhyɛlɛniɛ so ɔbɔle ye nwo waen.

Amose 1:5

Ngobubu buralɛ bɔ ɔbrambram Damasko pambim nemɔ asi ne, na bɛ bɔ bɛte Awen bɔnza ne anu ne, ngɔpɛ bɛ asue ngofi berɛ. Bɔ otira hɔtɔ ne, ngotu ye ngofi Bete Eden, na bɛkɔhye Siriafoɛ nnure bɛkɔhɔ Kire,” AWURADE noa dwirɛ ɛne.

Amose 2:10

Afei koso, nyele ɛmɔ mvili Misraim aseɛ so, na nnili ɛmɔ nyunu mvale ɛmɔ mvale ɛserɛ so afoɛ aburanna, kyɛ ɛmɔɔfa Amoriniɛ n’aseɛ ne bɛyɛ ɛmɔ deɛ.

Deuteronomi 2:23

Na Awifoɛ koso bɔ né bɛtete namue nemɔ anu wɔ Gasa mbɔtam ne, Kafitorimfoɛ bɔ befi Kafito bɛwale ne huhuni bɛ, na bɛtenane b’aseɛ ne aso.)