Amose 9:6 - AHYERƐLƐ KRONGRON

⁶ Ye bɔ osi ye aborɔsaen wɔ ewienu, ná ɔfa ye ngatasoɛ obutu aseɛ so; ye bɔ ɔfrɛfrɛ ɛpo nu nzue, ná ohwie bɛ gua aseɛ ye aso ne, ye dumaa ole AWURADE.

Amose 9:6 Iomraidhean Croise

Gyenesise 2:1

Yiti sɔ yeɛ Nyameɛ bɔle anwuro ne aseɛ ne bɛ nu nningyein mukoraa yiele ɔ.

Edwein 104:13

Efi w’atenaleɛ berɛ yeɛ eguagua mmokaa nemɔ aso nzue ɔ; na wɔ sa noa nnwumaa yi aseɛ so tɛkyɛ.

Edwein 104:3

Wɔ sua mbuna mɔ, begyigyi nzue mɔ so, ɛfa munungum yɛ wɔ teaseɛnam, na mvrama ye ndaa so yeɛ ɛnate ɔ.

Yeremia 5:22

“Aso ɛmɔnzuro me? AWURADE noa dwirɛ ɛne. Aso ɛmɔ nwo nwosowoso ɛmɔ wɔ me nyunu? Me bɔ mvale anweaa ndole ɛwɛen mmane ɛpo, ɛwɛen bɔ otimu berɛ afebɔɔ bɔ ɔngora ye tra ɔ; ɔwɔ nu kyɛ asorɔkye bɔ, nakoso ɔngora mmɔ ndra ye; asorɔkye bu fa so, nakoso ɔngora mmu mva ɛwɛen ne aso.

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Amose 5:8

Ye bɔ ɔbɔle nzramaa kure ne Akɔtaen-ne-ye-mma, ye bɔ ɔkakyi awosii tunn maa ɔyɛ ngyerɛmɔ, ná ɔma eyia yɛ tunn kyɛ kɔngɔen, ye bɔ ɔfrɛfrɛ ɛpo nu nzue, ná ohwie gua aseɛ nyunu ne, ye dumaa ole AWURADE.