Amose 9:5 - AHYERƐLƐ KRONGRON

⁵ AWURADE, Asafo Nyameɛ, ye yeɛ ɔfa ye sa kã aseɛ maa ohuro, maa aseɛ ne aso ama mukoraa bedi aworabɔlɛ, ná aseɛ ne amukoraa huhu kyɛ asue Naele, ná ɔtwe kyɛ Misraim asue Naele ɔ.

Amose 9:5 Iomraidhean Croise

Edwein 104:32

Ɔto ye nye nea aseɛ a, aseɛ woso, ná ɔte ye sa kã mmokaa a, betu nwosina ɔ!

Edwein 144:5

Ao AWURADE, wɔ ewienu ne, bobɔ ná dwu bra ase; fa wɔ sa kã mmokaa maa betu nwosina.

Edwein 32:6

Yiti ebiala bɔ ɔtengyɛ ne, odi kyɛ ɔbɔ mbaeɛ okyire wɔ. Amaneɛnwunɛ mmerɛ nu, sɛ amaneɛnwunɛ ba ye so kyɛ asue bɔ wayi bɔ ɔse wuruwuru a, ye de ɔngoto ye.

Edwein 46:6

Amaen maen mɔ bɛteatea nu, ahennie mɔ batete bapanzam; ɔbobɔ nu kurudududu, na aseɛ woso.

Edwein 97:5

Mmokaa huro kyɛ nguɛ wɔ AWURADE nyunu, wɔ aseɛ amukoraa AWURADE ye nyunu.

Yesaya 64:1

O, sɛ ahaa ekosunzua ewienu nu ná ekodwu ase maa mmokaa kopusu wɔ wɔ nyunu a!

Yeremia 12:4

Aseɛ ne kɔbɔ awuye koodwu kyinzu, na eboo biala so ndire kɔkese maa okoodwu kyinzu? Ofikyɛ aseɛ ne aso ama, b’amumuyɛɛ ti, ngaka ne nnomaa batu bamini, ofikyɛ mmenia nwa, “Ongonwu y’ayieleɛ.”

Hosea 4:3

Yiti aseɛ ne di aworabɔlɛ, na bɔ ɔwɔ so amukoraa ayɛ hodwoo: eburo ngaka, ewienu nnomaa, yeɛ ɛpo nu naen po bekoyie.

Amose 8:8

Ɔnate sɔ ati, aso aseɛ ngɔwoso anaa, na so ama amukoraa, aso bengoli aworabɔlɛ anaa? Aseɛ ne amukoraa kohuhu kyɛ asue Naele bɔ wayi ɔ, bekohuruhuru ye, na afei ɔkɔhwe kyɛ Misraim asue Naele.

Nahum 1:5

Mmokaa nemɔ woso wɔ ye nyunu, na pambaa nemɔ behuro, aseɛ yera wɔ ye nyunu, amba, wiase ne bɔ ɔwɔ nu amukoraa.

Nahum 1:6

Nwa yeɛ ɔkɔhora kogyina ye ahonehulɛ ne nyunu ɔ? Nwa yeɛ ɔkɔhora kogyina ye yaa noa hyerɛhyerɛ ne noa ɔ? Ye yaafɛlɛ ne hwie gua kyɛ see, na ɔma nyɔbotaen mɔ nu dwudwa.

Habakuku 3:10

Mmokaa mɔ nwuni wɔ, na bɛ nwo wosowosole bɛ. Asue bɔ ɔsẽ wuruwuru ɔ pɛle nu hɔle, buma mane ye komvi so teateane nu, na ɔmane ye sa so hɔle anwuro.

Mateo 7:27

Esue piri bie tɔle, na nzue yili, mvrama tuli oofini sua ne, na obuli, na obuli gyirigorɔɔ.”

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.