Amose 9:4 - AHYERƐLƐ KRONGRON

⁴ Sɛ bɛkye bɛ nnure bɛkɔ bɛ pɔfoɛ mɔ nyunu po a, dɔ yeɛ ngɔhyɛ ngrandɛ maa okohũhũ bɛ ɔ; na ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ.”

Amose 9:4 Iomraidhean Croise

Gyenesise 44:21

Yeɛ esele wɔ ngoaa kyɛ, ‘Ɛ́mɔfa ye bɛ́brɛ me maa nwu ye.’

2 Aberɛso Dwirɛ 16:9

Ofikyɛ AWURADE nye bɔ mborɔkaa wɔ aseɛ ye aso amukoraa, kyɛ bɛ bɔ bedi nahorɛ bɛma ye ne, okogyina bɛ si. Bɔ ayɔ ye, ali ngwaseasɛm. Yiti ofi sɔ mmerɛ ye bɔ ɔkɔ ɔ, koɛ kɔtaataa wɔ.”

Edwein 34:17

Sɛ teneneefoɛ besu bɛpena mmokalɛ a, AWURADE tie bɛ sufrɛ, na ɔpepɛ de bɛ fi b’amaneɛ amukoraa nu.

Ɛksadɔso 14:24

Na alebahyene ne, AWURADE tole ye nye fale see ningɔnn ne munungum ne anu neane Misraim asraafoɛ ne, na ɔmane Misraim asraafoɛ nemɔ nye so tanene bɛ.

Yeremia 12:12

Ɛserɛ so mmokaa pralaa ne amukoraa so, yeɛ sɛkyefoɛ nemɔ bawa ɔ, ofikyɛ AWURADE ngrandɛ ne okũkũ mmenia, fi aseɛ ne noa kɔkã ye noa; asomdwee nne berɛ mma sona biala.

Yeremia 21:10

Ofikyɛ matu me nye masie kuro he aso kyɛ ngɔfa bɔ ɔtte mayee ɔ ngoli ye, na mmom nna paa ɔ, AWURADE noa dwirɛ ɛne. Bɛkɔfa bekowura Babilɔn hene sa, na ɔkɔfa see kɔyera ye.’

Yeremia 24:6

Bɛ yeeyɛlɛ ti, ngɔma me nye kɔhɔ bɛ nwo, na ngosa ngɔfa bɛ ngɔwa aseɛ he aso. Ngɔmaa bɛ bo kotimu, na mengɔma bɛngɔtɔ ase. Ngolua bɛ, na mengotutu bɛ bo.

Yeremia 39:12

“Fa ye, te wɔ nye nea ye, nnɛyɔ ye tɛɛ biala, na bɔ ɔkɔhã kohyire wɔ biala, yɔ ma ye.”

Yeremia 39:16

“Kɔ ná kɔhã kyire Yitiopianiɛ Ebede Meleke kyɛ, ‘Asafo AWURADE, Yisrael Nyameɛ nwa nyoo: Tie, me dwirɛ bɔ mahã mafa kuro he anwo, kyɛ ngɔfa bɔ ɔtte mayee ngoli ye, na mmom nna paa ahɔ nen, ɔkɔwa nu wɔ wɔ nyunu sɔ kyẽa ne.

Yeremia 44:11

Yiti Asafo AWURADE, Yisrael Nyameɛ nwa nyoo: Ɛ́mɔtie, ngotu me nye ngosie ɛmɔ so maa musue kɔto ɛmɔ, na ɔnate so ngonua Yuda amukoraa bɛ boso.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Hesekiel 5:2

Nu ngyɛmuɛ nza nu ko ne, mmerɛ bɔ kuro ne tualɛ ne kɔwa ayieleɛ ne, fa see yera ye wɔ kuro n’afia berɛ. Ngyɛmuɛ nza nu ko wora, fa ngrandɛ pepɛ nu wɔ kuro ne anwo bra yia. Yeɛ ngyɛmuɛ nza bɔ waha ne koso, pete gua mvrama nu, na ngɔhwe ngrandɛ ngɔfa ngɔfoa bɛ.

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Amose 9:8

Tie, AWURADE Nyameɛ watu ye nye wasie ahennie bɔ bɔne ali ye ti ne aso, na ngonua ye boso ngofi aseɛ ye aso. Nakoso mengonua Yakob awuro ama boso bɔkɔɔ,” AWURADE noa dwirɛ ɛne.

Sakaria 8:10

Ofikyɛ, anzana sɔ mmerɛ ne baawa ne, né akatuaa biala nne berɛ mma sona, yeɛ né ebie koso nne berɛ mma kaka. Na sɛ né ebie ɔkɔ oo, anaa ɔba oo, pɔfoɛ ne ati, né olle asomdwee biala, ofikyɛ nganyane sona biala maa odwɔso tiale obiɛngo.