Amose 9:13 - AHYERƐLƐ KRONGRON

¹³ “Tie, mmerɛ bie ɔ́ba bɔ sona bɔ ofundam aseɛ ne, ye nwo kɔyɛ nyera kɔtra bɔ ɔte nnɔbaeɛ ɔ; bɔ otwi bobe nzaa ne, ye nwo kɔyɛ nyera kɔtra bɔ odua mmakaammaa ɔ; mmokaa nemɔ kɔpe nzaa menemene, na ɔkɔtengyɛ kɔfa pambaa nemɔ amukoraa so, AWURADE noa dwirɛ ɛne.

Amose 9:13 Iomraidhean Croise

Gyenesise 49:11

Na ɔkɔmenda ye pɔngɔ akrɔngrɔma kɔbɔ bobe nu, na wamenda ye afunum ba wabɔ bobe paa nu, na ɔpo ye ndaadeɛ wɔ nzaa nu, na wapo ye tena wɔ bobe nzaa bɔ ɔyɛ fɛ nu;

Edwein 97:5

Mmokaa huro kyɛ nguɛ wɔ AWURADE nyunu, wɔ aseɛ amukoraa AWURADE ye nyunu.

Yesaya 16:10

Baye anika ne anigye bafi eboo bɔ aleɛ wɔ nu ne anu, yeɛ bobe boo nemɔ anu koso, bɛndo anigye dwein wɔ nu ko, bɛmmɔ ese wɔ nu ko, kumaa bɔ betwi nzaa wɔ nu ne, bendwi nzaa berɛ ko, mmakaammaa telɛ nwo esebɔlɛ ne, mama ye bo apɛ.

Yesaya 55:13

Nekaa bɔ ɛfone wɔ ne, ɛframmire kofifi berɛ kosi ye gya nu, sesea kofifi kosi agurɛ gya nu, na ɛhe kɔma AWURADE dumaa so, ɔkɔyɛ nzɛngyerɛnneɛ afebɔɔ bɔ ye bo ngɔpɛ ɔ.”

Hesekiel 28:26

Bɛkɔtena so asomdwee nu, na bekosisi sua bɛkɔyɔ bobe boo mɔ. Na maen maen amukoraa bɔ bapɛ bɛ nwo bayia, bɔ bebu bɛ animtia ne, sɛ metwe bɛ so a, bɛkɔtena asomdwee nu. Na bekonwu kyɛ me ole AWURADE bɛ Nyameɛ.”

Hesekiel 36:35

Na bekose kyɛ, ‘Aseɛ he bɔ né ɔla berɛ mbaen ye, ye yeɛ wakakyi kyɛ Eden turo e! Yeɛ nguro bɔ né babɔ bayɛ kurofoen ne, yeɛ afei mmenia tete so, bɔ bato bɛ nwo fasue e!’

Yoel 2:24

Nekaa bɔ bɛboro aburoo ne, aburoo koyi berɛ to, na nzaa ne ngoo koyi angora nemɔ maa okobu kɔfa so.

Yoel 3:18

“Na sɔ kyẽa ne, mmokaa nemɔ kɔpepe nzaa monɛ, nyɔfonesue kɔtengyɛ wɔ pambaa nemɔ aso, nzue kɔtengyɛ wɔ Yuda asue amukoraa nu, na asue ti kofite wɔ AWURADE awuro ne anu kɔɔloaloa Sitim bɔnza ne anu.

Yoel 3:20

Nakoso Yuda de, ɔkɔtena berɛ afebɔɔ, yeɛ Yerusalem kɔtena berɛ aworɛ ndoatoasoɛ amukoraa nu.

Lewitikɔso 26:5

Ɛmɔkɔhɔ so bɛkɔboro aburoo alaa maa okoodwu mmerɛ bɔ ɛmɔte bobe ɔ, na ɛmɔkɔhɔ so bɛkɔte bobe alaa maa okoodwu mmerɛ bɔ ɛmɔdua aburoo ɔ. Ɛmɔkodidi maa ɛmɔ ko koyi, ná ɛmɔatena aseɛ ne aso asomdwee nu.

Amose 9:5

AWURADE, Asafo Nyameɛ, ye yeɛ ɔfa ye sa kã aseɛ maa ohuro, maa aseɛ ne aso ama mukoraa bedi aworabɔlɛ, ná aseɛ ne amukoraa huhu kyɛ asue Naele, ná ɔtwe kyɛ Misraim asue Naele ɔ.

Yohane 4:35

Ɔyɛ a ɛmɔnga kyɛ, ‘Waha bosome nna né buberɛ adwu’? Ɛ́mɔtie, mekã mekyire ɛmɔ kyɛ, ɛ́mɔma ɛmɔ ti so, ná ɛ́mɔnea fieso, kyɛ nningyein nemɔ bati kyɛ bebu ɔ.

Maenbulɛfoɛ 5:5

Mmokaa wosole serɛserɛ wɔ AWURADE Sinai Nyameɛ ne nyunu, bɛwosole wɔ AWURADE Yisrael Nyameɛ nyunu.