Amose 9:12 - AHYERƐLƐ KRONGRON

¹² amaa ɔnate so bafa Edom ngaa ne bayɛ bɛ deɛ, ɔne maen maen amukoraa bɔ me dumaa la bɛ so ne bayɛ bɛ deɛ,” AWURADE bɔ ɔyɔ sɔ ne, ye noa dwirɛ ɛne.

Amose 9:12 Iomraidhean Croise

Gyenesise 27:29

Ɔ́ma mmenia so wɔ, na maen maen bɛkoto wɔ. Ɔ́ma ɛyɛ eliɛma mɔ so meneɛ, Na eni amma mɔ bɛkoto wɔ. Bɛkɔnoma ebiala bɔ ɔkɔnoma wɔ ɔ, Na saleɛ yɛ ebiala bɔ okoyira wɔ ɔ deɛ!”

Gyenesise 27:37

Na Yisake buale Yisɔ kyɛ “Mafa ye mayɛ wɔ mene, na mafa oliɛma mɔ amu mayɛ ye ngoaa. Mayira ye kyɛ onya aburoo ne nzaa pee. Na mma, wɔ de nzu yeɛ ngɔhora ngɔyɔ ngɔma wɔ ɔ?”

Edwein 60:8

Moabo te me nyanzɛen, Edom so yeɛ mefindi me mbaboa megua ɔ; na Filistia so yeɛ mebɔ ngonimlilɛ ese ɔ.”

Yesaya 11:14

Na mmom bɛkɔhɔ Filistifoɛ so wɔ eyia atɔleɛ bue nu dɔ, bɛkɔbɔ nu bɛkɔfẽ eyia afiteleɛ maen maen mɔ bɛ nningyein. Bekoli Edom ne Moabo so ngonim, na Amonfoɛ kɔbrɛ bɛ nwo ase bekowura bɛ bo.

Yesaya 43:7

ebiala bɔ bɛfa me dumaa bɛfrɛ ye ɔ, bɔ mmɔle ye kyɛ ɔhyɛ me animnyam ɔ, bɔ nwone ye, ná nyɔle ye ɔ.”

Yesaya 63:19

Yayɛ kyɛ mmenia bɔ ellili bɛ so hene le ɔ, yayɛ kyɛ mmenia bɔ bɛmva wɔ dumaa bɛmvrɛ bɛ ɔ.

Yesaya 65:1

“Nyɛle kyɛ ngotie bɛ bɔ bɛmbena me boso ne, nyɛle kyɛ ngɔma bɛ bɔ bɛmbena me si atee ne bekonwu me. Na ngane kyɛ, ‘Me ɛhe, me ɛhe!’ ngyirele maen bɔ wanye me dumaa ayɛ ne.

Yeremia 14:9

Nzu ati yeɛ ayɛ kyɛ ebie bɔ ye adwene ayɛ ye nwunyaenn ɔ, kyɛ katakyie bɔ ɔngora mbepɛ nne mmenia ɔ? Nakoso, ao AWURADE, ɛne yɛ yeɛ yɛte ɔ, na wɔ dumaa yeɛ ɔla yɛ so ɔ; nnɛyakyi yɛ nu!”

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Yoel 3:8

Ngɔtɔne ɛmɔ mma mmienzua ne ɛmɔ mma mmrasua nemɔ ngɔfa bɛ ngowura Yudafoɛ sa, na bɛ koso bɛkɔtɔne bɛ bɛkɔma Sabeafoɛ bɔ bɛte maen bɔ bɛwɔ dedeede ne, ofikyɛ edwirɛ bɔ AWURADE ahã hɔ ɛne.”

Malaki 1:4

Na sɛ Edom kã kyɛ, “Babɔ yɛ maen ne de, nakoso yɛkosa yɛkosi bɔ badwiri bagua ne” a, bɔ Asafo AWURADE ɔkã ole kyɛ, “Bekosi de, nakoso ngodwiri ngogua. Na mmenia kɔto bɛ dumaa kyɛ, “Amumuyɛɛfoɛ maen,” ne “Maen bɔ AWURADE afɛ bɛ so yaa afebɔɔ ɔ.”

Asomafoɛ 15:17

amaa ɔnate so mmenia bɔ baha ne, yeɛ Amaenmaensofoɛ bɔ mafrɛ bɛ kyɛ bɛyɛ me deɛ ne, bapena Awurade si atee.

Asomafoɛ 15:18

Awurade bɔ ɔmaa yɛnwuni ɛhe fili tetetete ne, ye noa dwirɛ ɛne.’ ”