Amose 9:11 - AHYERƐLƐ KRONGRON

¹¹ “Sɔ kyẽa ne, Dawide ɛtena sua bɔ watɔ ase ne, ngɔpagya ngosie berɛ, na ngɔpomba ye nekaa bɔ wasunzua nemɔ; ngɔpagya bɔ wabubu wagua ase ne ngogyina berɛ, ná masa masi ye kyɛbɔ né ɔte daa tete ne ala;

Amose 9:11 Iomraidhean Croise

YOB NWOMAA NE 1:10

Ye nwo waen, ye abusua nwo waen, ɔne nikyee biala bɔ ole ye ɔ nwo waen bɔ abɔ abra ayia ne, aso nna ye ti ɔ? Ayira ye sa noa adwuma so, na ye nyɛmmoa bata pee wɔ aseɛ ne aso.

Edwein 143:5

Mekaye daa tete ne, medwenedwene wɔ nnwumaa amukoraa nwo. Mekayekaye wɔ sa noa nnwumaa.

Edwein 80:12

Na nzu ati yeɛ abubu ye nwo fasue mɔ agua ye maa ebiala bɔ ɔpɛ nu kɔ ne, ɔtete ye mma ne bie e?

Edwein 89:40

Abɔngyebɔngye ye fasue amukoraa nu ndokuro, na adwiri ye anwoserɛ afealeɛ mɔ agua ase.

Yesaya 16:5

yeɛ bɛkɔfa ahennie bia ne bekotimu berɛ wɔ ɔdɔ nu ɔ, na ɔkɔtena so nahorɛlilɛ nu wɔ Dawide ɛtena sua nu, ɔte ebie bɔ ɔfa pɛpɛɛpɛyɛlɛ obu maen ɔ, na okobua ndɛen turoloo ndɛndɛ.

Yesaya 5:5

Afei de, bɔ ngɔfa ngɔyɔ me bobe boo ne, mebaahã mekyire ɛmɔ. Ngotutu ye nwo waen ne maa ngaka kooli; ngodwiri ye nwo fasue ne ngogua maa bekotiatia bobe ne aso.

Yesaya 58:12

Wɔ nu ama kosa kɔkyekye wɔ kurofoen nemɔ, aworɛ ndoatoasoɛ daa daa nemɔ, ekosa kosi bɛ fapem nemɔ; na bɛkɔfrɛ wɔ: Bɔ osa si fasue bɔ wabubu ɔ, bɔ osiesie mmorɔnoɛ ma mmenia bɛtena so ɔ.

Yesaya 63:11

Na afei ɔkayele daa tete mmerɛ ne, Mose ne ye maen, na obisale kyɛ, Ye bɔ ɔyele bɛ fili ɛpo nu, bɔ ɔte ye mmoaen so neafoɛ ne, ɔwɔ nisua? Ye bɔ ɔfale ye Sunzum krongron ne ɔɔtenane bɛ nu ne, ɔwɔ nisua?

Yesaya 65:9

Ngɔye bosofoɛ mɔ ngofi Yakob nu, yeɛ ngɔye bɛ bɔ me mmokaa nemɔ kɔɔyɛ bɛ deɛ ɔ ngofi Yuda; bɛ bɔ maneanea nu maye bɛ ne yeɛ ɔkɔyɛ bɛ deɛ ɔ, na berɛ yeɛ me somvoɛ mɔ bɛkɔtena ɔ.

Yeremia 18:9

Na sɛ ɔba ye kyɛ mekã mefa maen bie anaa ahennie bie anwo kyɛ ngɔkyekye ná ngɔmaa okogyina,

Yeremia 30:9

Na mmom bɛkɔso AWURADE bɛ Nyameɛ ne bɛ hene Dawide bɔ ngosiesie ye ngɔma bɛ ne.

Yeremia 46:26

Na ngɔfa bɛ ngowura bɛ bɔ bɛpena bɛ beku bɛ ɔ nemɔ sa, yeɛ Babilɔn hene Nebukadenesa ne ye somvoɛ mɔ sa. Na ye si ye, mmenia kɔtena Misraim kyɛ daa ne ala, AWURADE noa dwirɛ ɛne.

Awuye 5:21

Ao AWURADE, ma yɛ nye osa kakyi ɔbra wɔ berɛ, na yɛkosa yɛkɔwa. Maa yɛsa yɛpe yɛ daa nu.

Hesekiel 17:24

Eburo mmakaa mukoraa bekonwu kyɛ me, AWURADE, me yeɛ mema bakaa tendenn yɛ tikaa, ná mesa mema bakaa tikaa yɛ tendenn ɔ; me yeɛ mema bakaa monɛ yɛ wuruwaa, ná mesa mema bakaa wuruwaa fefɛ ɔ. Me, AWURADE, me yeɛ mahã ɔ, na ngɔyɔ.”

Hesekiel 36:11

Ngɔma mmenia ne ngaka bɛkɔta pee wɔ ɛmɔ so; bɛkɔwowo bɛkɔsone pee. Ngɔmaa mmenia kɔtenatena ɛmɔ so kyɛ daa ne ala, na ngɔlo ɛmɔ ngɔtra bɔ nyɛle ɛmɔ daa ne, na afei ɛmɔkonwu kyɛ me ole AWURADE.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Obadia 1:17

Nakoso Sion bokaa so yeɛ bɛ bɔ banya bɛ ti badidi nu ne bɛkɔtena ɔ; berɛ kɔyɛ krongron, na Yakob boso ama bɛ sa kɔhã b’agyapadeɛ.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Mika 7:11

Kyẽa bɔ odi kyɛ besi wɔ fasue nemɔ nen, sɔ kyẽa ne yeɛ bɛkɔtrɛ ɛwɛen ne anu bɛkɔhɔ dedeede ɔ.

Mika 7:14

Wɔ pɔmaa ne, fa nea wɔ maen so, mmoaen kure bɔ bɛte w’agyapadeɛ, bɔ bɛ ngome bɛte ɛhɔayeɛ ne anu, wɔ Kamɛl so ne; maa bedidi wɔ Basan ne Gileade, kyɛ daa tete ne ala.

Mika 7:8

Wɔ, me pɔfoɛ, nnɛdi me nwo ahurusi; sɛ mefi ase a, ngodwɔso, sɛ nde awosii nu a, AWURADE yeɛ ɔkɔyɛ me kanea ɔ.

Sakaria 12:7

“AWURADE koli moa kɔpepɛ kole Yuda ɛtena sua mɔ, amaa ɔnate so Dawide awuro ama animnyam ne Yerusalemfoɛ b’animnyam bambagya bandra Yuda.

Sakaria 14:10

Aseɛ ne amukoraa kɔkakyi aseɛ frɛtɛɛ ofi Geba okoodwu Rimon wɔ Yerusalem ngwaen. Nakoso Yerusalem de, ɔkɔha bokaa so wɔ ye boso, ofi Benyamin pambim ne maa okoodwu pambim bɔ oli moa ne, maa okoodwu ndweasoɛ pambim ne; na okofi Hananel abandenden ne okoodwu ɛhene ne kumaa bɔ betwi nu nzaa ne.

Sakaria 6:12

ná se ye kyɛ, Asafo AWURADE nwa nyoo: Tie, biaa bɔ ye dumaa li ‘MMAEN’ ne, ye ɛhe. Ɔkɔfefɛ kofi ye boso, na okosi AWURADE asɔneyɛɛ sua ne.

Numeri 24:18

Edom kɔyɛ ye pɔfoɛ deɛ na Sɛre koso, ɔkɔyɛ ye pɔfoɛ deɛ, nakoso Yisrael de, ɔkɔhɔ so koli ngonim.