Amose 9:10 - AHYERƐLƐ KRONGRON

¹⁰ Me maen nu bɔnefoɛ amukoraa bɛkɔtotɔ ngrandɛ noa; bɛ yeɛ bɛkekã kyɛ, ‘Musue biala ngɔto yɛ anaa ɔngɔhora yɛ’ ne.

Amose 9:10 Iomraidhean Croise

Edwein 10:11

Ɔka ye wɔ ye ti anu kyɛ, “Nyameɛ wora afi, wafa ye nyunu wafea, na ongonwu ye le.”

Nworɛ Dwirɛhanɛniɛ 8:11

Na ɔnate kyɛ bɔne yɔleɛ nwo akatuaa ɔmma ndɛndɛ so ne ati, kuro sona ama bɔne yɔleɛ ali ye ti.

Yesaya 33:14

Ɛserɛ ahã bɔnefoɛ bɔ bɛwɔ Sion ɔ, ahunundetelɛ atɔ bɛ bɔ benzuro Nyameɛ ɔ so. (Bɛnwa:) “Yɛ nu nwa yeɛ ɔkɔhora ɔne see bɔ ogye wuronyiwuronyi ne bɛkɔtena ɔ? Yɛ nu nwa yeɛ ɔkɔhora ɔne see wuronyiwuronyi bɔ ogye afebɔɔ ne bɛkɔtena ɔ?”

Yesaya 5:19

bɛ bɔ bɛnwa, “Ma ye nwo yɛ nyera e, maa ɔyɔ ye adwuma ne ndɛndɛ ma yɛnea e; Yisrael Krongronniɛ ne, ma ye botaeɛ ne opingye ma yɛnea e!”

Yesaya 56:12

“Bɛkã kyɛ, ‘Ɛmɔbra, mekwaafa nzaa meba, ɛ́mɔma yɛ́no nzaa serɛ yɛ́bo, na ɛhema koso ɔkɔyɛ kyɛ ɛnɛ ala, na ɔkɔtra so po!’ ”

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Yeremia 23:17

Bɛkɔ so bɛkã bekyire bɛ bɔ bebu me animtia ne kyɛ AWURADE nwa nyoo, ‘Ɛmɔkonya asomdwee’; na bɛkã bekyire ebiala bɔ odi ye ti piri ɔyɛ asoserɛ ne kyɛ, ‘Musue biala ngɔto ɛmɔ.’ ”

Yeremia 29:32

yiti AWURADE nwa nyoo: Tie, ngɔhwe Nehelamniɛ Semaya ne ye bosofoɛ bɛ so. Ongonya ye nwoniɛ bɔ ɔkɔtena maen he anu, bɔ okonwu nikye paa bɔ mebaayɔ mema me maen ɔ, AWURADE noa dwirɛ ɛne; ofikyɛ wahã ɛlɔenyɛlɛ dwirɛ watia AWURADE.’ ”

Hesekiel 20:38

Na mmenia bɔ bayɛ lɔen, ɔne bɛ bɔ bɛto me mmeraa ne, ngɔpa nu ngɔye bɛ ngofi ɛmɔ nu. Ngɔɔye bɛ ngofi aseɛ bɔ bɛtete so ne aso de, nakoso bɛ gya baa ngotia Yisrael aseɛ so. Na afei ɛmɔkonwu kyɛ me ole AWURADE.

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Amose 6:3

Ɛmɔ bɔ ɛmɔtu kyẽa tɛɛ ne bɛhyɛ dedeede, nakoso ɛmɔ yɔleɛ de, basabasa yeɛ ɔfa ba ɔ!

Amose 9:8

Tie, AWURADE Nyameɛ watu ye nye wasie ahennie bɔ bɔne ali ye ti ne aso, na ngonua ye boso ngofi aseɛ ye aso. Nakoso mengonua Yakob awuro ama boso bɔkɔɔ,” AWURADE noa dwirɛ ɛne.

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Sakaria 1:6

Nakoso me dwirɛ ne me nhyehyɛleɛ bɔ mva nduale me somvoɛ ngɔmhyɛlɛfoɛ nemɔ noa ne, aso bɛ nwo asohwenɛ wamma ɛmɔ nana mɔ so anaa? Yiti bɛsakyerale b’adwene, na besele kyɛ, ‘Kyɛbɔ Asafo AWURADE yɛle ye adwene kyɛ ɔne yɛ koli wɔ yɛ atee ne yɛ yɔleɛ nwo ne, sɔ ala yeɛ wamaa wato yɛ ɔ.’ ”

Malaki 3:15

Na afei de, yɛbu ahandaenfoɛ kyɛ bɛ yeɛ banya saleɛ ɔ; amba, bɛ bɔ bɛbɔ bra tɛɛ ne yeɛ benya ngɔsoɛ ɔ; amba, bɛ bɔ beso Nyameɛ bɛnea ne yeɛ benya bɛ ti bedidi nu ɔ.’ ”

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.