Amose 9:1 - AHYERƐLƐ KRONGRON

¹ Nwuni AWURADE kyɛ ogyi afɔleɛ bokyea ne aso, na ɔhane kyɛ, “Bonima abotire ne, fa nikyee bɔ so maa aponnwaa nemɔ bɛwoso, ná dwiri gua bɛ mukoraa bɛ ti so, na ngɔfa ngrandɛ ngohũhũ bɛ bɔ baha ne’. Bɔ ɔkɔyɛ kyɛ ɔnwati biala, ɔngɔhora nwati, yeɛ bɔ okofi nu kofite biala, ongonya ye ti ngodidi nu.

Amose 9:1 Iomraidhean Croise

2 Aberɛso Dwirɛ 18:18

Yeɛ Mikaya sele kyɛ, “Nzaade tie AWURADE noa dwirɛ ee: Nwuni kyɛ AWURADE te ye ahennie bia so bɔ nyameɛso koɛhonɛfoɛ amukoraa begyigyi ye bɛen ne ye famaa ɔ.

Edwein 68:21

Nakoso Nyameɛ ye pɔfoɛ mɔ de, ɔkɔpɛkyɛ bɛ ti, bɛ bɔ bɛnate bɔne atee so ne, ɔkɔpakyepakye bɛ ti kwangoa.

Edwein 68:22

AWURADE nwa: “Ngosa ngɔfa bɛ ngofi Basan ngɔwa, ngosa ngɔye bɛ ngofi ɛpo ye bo dɔ paa ngɔwa,

Yesaya 30:16

na mmom ɛmɔhane kyɛ, “Daabi, yɛkɔtena mbɔngɔ so yɛkɔnwati yɛkɔhɔ.” Amba, ɛnwatilɛ ala yeɛ ɛmɔkɔnwati ɔ! (Ɛmɔnwa:) “Mbɔngɔ bɔ bɛ nwo yɛ nyera ɔ yeɛ yɛkɔtena so yɛkɔhɔ ɔ.” Na ɔnate sɔ ati, bɛ bɔ bɛfoa ɛmɔ ne, bɛ nwo kɔyɛ nyera.

Yesaya 6:1

Afoɛ bɔ Nana Yusia wuli ne anu, nwuni AWURADE kyɛ ɔte ahennie bia bɔ so ma paa ɔ so. Né ye ataadeɛ ne noa wayi asɔneyɛɛ sua ne anu tɛkyɛ.

Yeremia 11:11

Yiti bɔ AWURADE kã ɛhe: Nahorɛ nu, mebaaprapra musue bɔ bɛngɔhora bɛngɔnwati bengofi nu ɔ megua bɛ so; ɔwɔ nu kyɛ bekosu bɛkɔfrɛ me, nakoso mengɔtɛ bɛ so.

Yeremia 42:16

ye de ngrandɛ bɔ ɛmɔsuro ne, ɔkɔpo ɛmɔ so kɔɔto ɛmɔ wɔ Misraim aseɛ so, na ɛhɔen bɔ ɛmɔsuro ne, okoli ɛmɔ si pɛɛ kɔhɔ Misraim; na dɔ yeɛ ɛmɔkowuwu ɔ.

Yeremia 48:44

Bɔ ɔkɔnwati ahunundetelɛ ne, ɔkɔtɔ kumaa ne anu, yeɛ bɔ ɔkɔfo kofi kumaa ne anu ne, ngaen ne kɔhye ye. Ofikyɛ ngɔma sɔ nningyein nemɔ kɔwa Moabo so, wɔ b’asohwenɛ afoɛ ne anu, AWURADE noa dwirɛ ɛne.

Hesekiel 1:28

Na kyɛbɔ nyangondoen bɔ ɔwɔ munungum nu, wɔ kyẽa bɔ esue tɔ ɔ osi te ne, sɔ ala yeɛ ye nwo bɔ né wata hyireinn wabra wayia ne, ɔte ɔ. Ye sɛso ne, osoma AWURADE animnyam ne. Na nwuni ye ne, mvale me nyunu mmutuli berɛ, na ndele bɔ odwudwo ne komvi.

Hesekiel 10:4

Yeɛ AWURADE animnyam ne mane ye nwo so fili kɛrubim nemɔ aso hɔle awuro ne anoa nu dɔ, munungum ne yili awuro berɛ tɛkyɛ, na AWURADE animnyam ne yili aluo berɛ tɛkyɛ mane berɛ tale hyireinn.

Hesekiel 15:7

Ngotu me nye ngosie bɛ so. Ɔwɔ nu kyɛ benyane bɛ ti bedidili nu befili see nu de, nakoso see foforɛ kɔyera bɛ; na sɛ metu me nye mesie bɛ so a, ɛmɔkonwu kyɛ me ole AWURADE.

Hesekiel 9:2

Na nwuni mmienzua nzia bie; befili anwuro dɔ anoa piri bɔ ye nye kyire sorɔ dɔ atee ne aso ne anu bɛwale. Né bɛ nu biala tira ye kodiawu akodeɛ; né biaa bie bɔ ɔhera nwera ɔ ɔboka bɛ so, na né wafa nikyee bɔ bɛfa bɛkyerɛ ɔ wasĩ. Na bewurale nu beegyinane kɔɔbere afɔleɛ bokyea ne anwo berɛ.

Amose 3:14

“Kyẽa bɔ ngɔhwe Yisrael so wɔ ye mmeraatolɛ nwo ne, ngɔhwe Betel afɔleɛ mmokyea nemɔ koso bɛ so, na bɛkɔpepɛ afɔleɛ mmokyea mmɛen nemɔ maa bekogua ase.

Amose 7:17

Yiti AWURADE nwa nyoo, ‘Ɛye kɔyɛ gyanderaniɛ wɔ kuro ne anu, na wɔ mma mmienzua ne wɔ mma mmrasua kɔtotɔ ngrandɛ noa, bɛkɔfa ɛwɛen bɛkɔto w’aseɛ nu bɛkɔhyɛ bɛkɔfa, ekowu wɔ aseɛ bɔ ye nwo agua fiɛ ɔ so, na amba, bɛkɔhye Yisrael nnure bekofi ye aseɛ so bɛkɔhɔ.’ ”

Amose 7:9

Yisake asɔneyɛɛ nemɔ kɔkakyi kurofoen, Yisrael nekaa krongron nemɔ kɔkakyi aseɛ pralaa, na ngɔfa ngrandɛ ngɔho ngotia Yeroboam awuro ama.”

Habakuku 3:13

Efite hɔle kyɛ ɛfa ngoalelɛ brɛ wɔ maen, kyɛ ɛfa brɛ wɔ sona bɔ apopa ye ngoo ne. Nzɛmmɔneniɛ n’awuro ne aso panyi ne, ɛpɛkyɛle ye, na ɛmane ye nwo lale so fi ye gya bo kodwu ye ti so.

Sefania 1:12

Sɔ mmerɛ ne, ngɔfa kanea ngohyini ngɔneanea Yerusalem nu, na ngɔhwe bɛ bɔ bafa bɔne bayɛ bɛ nwo buru ne nnu nemɔ bɛ so, bɛ bɔ bɛkã ye bɛ ti anu kyɛ, ‘AWURADE ngɔyɔ ye nwo huu, kyɛ paa oo, anaa tɛɛ oo.’

Sefania 2:14

Ngaka kure kure kɔɔlela nu, maen maen mɔ nu ngaka mukoraa: nandwinoma ne mbɛsɛ kɔtena ye sua buburuwaa nemɔ aso, bɛkɔte nnomaa suɛ wɔ ye mboma nemɔ anu, ye aponnwaa nemɔ kodwiri kogua, ofikyɛ ye sida bakaa mbuna nemɔ nwo kɔlela berɛ.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 1:32

Na Yohane lili adanzeɛ kyɛ, “Nwuni Sunzum ne kyɛ ofi nyameɛso odwu ba ase kyɛ abubure ɔ, na ɔtenane ye so.

Asomafoɛ 26:13

Atee ne anu, eyiagyina, Nana, yeɛ nwuni kyɛ kanea bie bɔ ɔta tra eyia fi nyameɛso wale ɔɔpɛle me ne me mmango bɔ me ne bɛ nate ne nwo bra yiale ɔ.

Yosua 10:18

Na Yosua sele kyɛ, “Ɛ́mɔmunu nyɔbotaen bétua nyɔboɛ bɔ wasi sua ne noa, ná ɛ́mɔma mmenia gyinagyina ye nwo bɛ́wɛne.

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

Nyekyire 8:3

Na abɔfo foforɛ bɔ otira sikaa kɔkorɛ ɛyɛɛ kulie ɔ oogyinane afɔleɛ bokyea ne anwo; na bɛmane ye ɛyɛɛ pee kyɛ ɔfa boka anwoteefoɛ amukoraa mbaeɛ so ɔbɔ afɔleɛ, wɔ sikaa kɔkorɛ afɔleɛ bokyea bɔ ɔwɔ ahennie bia ne nyunu ne aso.