Amose 8:9 - AHYERƐLƐ KRONGRON

⁹ Na AWURADE nwa nyoo, “Ɔkɔwa kyɛ, sɔ kyẽa ne, ngɔma eyia kɔɔtɔ eyiagyina, na ngɔma awosii kɔwa aseɛ so eyia petee.

Amose 8:9 Iomraidhean Croise

YOB NWOMAA NE 5:14

Awosii to bɛ alehyeleɛ nu, na befuafua eyia ketee kyɛ kɔngɔen ahɔ ne.

Yesaya 13:10

Ofikyɛ ewienu nzramaa ne nzramaa kure kure mɔ bɛngɔta, eyia pukye a, ɔkɔyɛ tunn, yeɛ ɛsraen koso ngɔta.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Yeremia 15:9

Braa bɔ wawo nzoo ne, wayɛ hodwoo, ye nye so aburu ye, ye anyelasoɛ atu amini wɔ aberɛ bɔ aleɛ onnya ɔssane ɔ, bagua ye nyunu ase basopa ye; na bɛ ngaa nemɔ, ngɔmaa bɛkɔtotɔ ngrandɛ noa wɔ bɛ pɔfoɛ mɔ anyunu, AWURADE noa dwirɛ ɛne.

Hesekiel 32:7

Sɛ menua wɔ boso a, ngɔkata ewienu, na ngɔma nzramaa mɔ kɔyɛ tunn; ngɔfa munungum ngɔkata eyia nyunu, na ɛsraen ngɔta.

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Amose 5:8

Ye bɔ ɔbɔle nzramaa kure ne Akɔtaen-ne-ye-mma, ye bɔ ɔkakyi awosii tunn maa ɔyɛ ngyerɛmɔ, ná ɔma eyia yɛ tunn kyɛ kɔngɔen, ye bɔ ɔfrɛfrɛ ɛpo nu nzue, ná ohwie gua aseɛ nyunu ne, ye dumaa ole AWURADE.

Mika 3:6

Yiti aleɛ kɔsã ɛmɔ, bɔ ɛmɔngonwu nyekyire biala ɔ, awosii kɔto ɛmɔ, bɔ ɛmɔngɔhyɛ ngɔm biala ɔ. Eyia bɔ ɔta ma ngɔmhyɛlɛfoɛ nemɔ ne ɔkɔɔtɔ, na alehyeleɛ kɔkakyi bɛ so awosii tunn.

Sakaria 14:7

Ɔkɔyɛ kyẽa sonongo bɔ AWURADE yeɛ ɔse ɔ. Nna alehyeleɛ ɔ, yeɛ nna alesaleɛ ɔ; na ɔkɔwa kyɛ, nɔsoa ne, ɔkɔyɛ hyireinn.

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Mateo 27:45

Na ofi eyia duabien mmerɛ ne, awosii katale aseɛ so amukoraa maa ɔɔbɔle eyia nnɔnmmiɛnza.

Marko 15:33

Na ɔbɔle eyia duabien ne, awosii katale aseɛ ne amukoraa so maa ɔɔbɔle eyia nnɔnmmiɛnza.

Luka 23:44

Kɔyɛ eyiagyina ne, awosii katale aseɛ so amukoraa maa oodwuli nnɔnmmiɛnza.

Nyekyire 6:12

Na ɔtele nzɔanoɛ bɔ ɔtɔ so nzia ne noa ne, nneane, na yieee, aseɛ wosole serɛserɛ; na eyia yɛle tunn kyɛ brisie, na ɛsraen yɛle kyɛ mogya;

Nyekyire 8:12

Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.