Amose 8:8 - AHYERƐLƐ KRONGRON

⁸ Ɔnate sɔ ati, aso aseɛ ngɔwoso anaa, na so ama amukoraa, aso bengoli aworabɔlɛ anaa? Aseɛ ne amukoraa kohuhu kyɛ asue Naele bɔ wayi ɔ, bekohuruhuru ye, na afei ɔkɔhwe kyɛ Misraim asue Naele.

Amose 8:8 Iomraidhean Croise

Edwein 18:7

Yeɛ aseɛ pusuli, na ɔwosole; mmokaa mɔ nyinasoɛ ye bo kekane, na ɔwosole, ɔnate kyɛ ye ahone huli.

Yesaya 5:25

Yiti AWURADE fɛle ye maen so yaa piri paa, odwɔso tiale bɛ huhuni bɛ, mmokaa mɔ wosole, na bɛ fuin mɔ to petene kyɛ fofoɛ bɔ ogua dwaaso ɔ. Na ɛhemɔ amukoraa nu po ne, wanyakyi bɛ so yaafɛlɛ, na ɔtɛ dwɔso tia bɛ.

Yeremia 12:4

Aseɛ ne kɔbɔ awuye koodwu kyinzu, na eboo biala so ndire kɔkese maa okoodwu kyinzu? Ofikyɛ aseɛ ne aso ama, b’amumuyɛɛ ti, ngaka ne nnomaa batu bamini, ofikyɛ mmenia nwa, “Ongonwu y’ayieleɛ.”

Yeremia 46:7

Nwa yeɛ ɔ́ba kyɛ asue Naele, bɔ ye nzue bu fa so kyɛ asue mɔ ye?

Yeremia 46:8

Misraim ma ye nwo so kyɛ Naele, kyɛ asue mɔ bɔ bayi bebu bɛfa so ɔ. Ɔnwa: Ngoyi ngɔkata aseɛ so; ngɔsɛkye kuro ne, ɔne nu ama mɔ.

Yeremia 51:29

Na aseɛ ne woso di aworabɔlɛ, ofikyɛ AWURADE nhyehyɛleɛ biala bɔ ɔfa Babilɔn nwo ne, wawa nu, kyɛ ɔkɔmaa Babilɔn aseɛ ne kɔyɛ kurofoen, bɔ sona fee ɔtte so ɔ.

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 4:3

Yiti aseɛ ne di aworabɔlɛ, na bɔ ɔwɔ so amukoraa ayɛ hodwoo: eburo ngaka, ewienu nnomaa, yeɛ ɛpo nu naen po bekoyie.

Amose 8:10

Ngɔkakyi ɛmɔ poentolɛ nemɔ aworabɔlɛlilɛ, yeɛ ɛmɔ dwein amukoraa awuyebɔlɛ; ngɔma ebiala kɔhera ɛsɛen tena, ná mama ebiala abɔ tikwa. Ngɔmaa ɔkɔyɛ kyɛ bahorɛ wue nwo aworabɔlɛlilɛ, ayieleɛ ne kɔyɛ kyɛ aworabɔlɛ kyẽa.

Amose 9:5

AWURADE, Asafo Nyameɛ, ye yeɛ ɔfa ye sa kã aseɛ maa ohuro, maa aseɛ ne aso ama mukoraa bedi aworabɔlɛ, ná aseɛ ne amukoraa huhu kyɛ asue Naele, ná ɔtwe kyɛ Misraim asue Naele ɔ.

Nahum 1:8

Nakoso bɛ bɔ bekyi ye de, ɔkɔfa nzue bɔ oyi bu fa so ɔ konua bɛ boso, na ɔkɔfoa ye pɔfoɛ mɔ kɔhɔ awosii nu.

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.