Amose 8:5 - AHYERƐLƐ KRONGRON

⁵ ná ɛmɔkã kyɛ, “Kyinzu yeɛ ɛsraen foforɛ ne kɔpɛ nu maa yɛkɔtɔne aburoo ɔ; yeɛ mmerɛ beni yeɛ afofikyẽa ne kɔpɛ nu kɔhɔ, maa yɛkobukyebukye atokoɔ pata anoa nemɔ ɔ? Yɛkosi olonka ne abo, ná yama sekel ne ayɛ piri, ná yafa tonyi bɔ bawura nu ɔ yasisi mmenia ɔ.

Amose 8:5 Iomraidhean Croise

2 Ahemvo 4:23

Ohu bisale kyɛ, “Ɛnɛ kyẽa ye, nna ɛsraen foforɛ aluolue kyẽa ɔ, yeɛ nna afofikyẽa ɔ, nzu ati yeɛ ɛkɔ ye berɛ ɔ? Na braa ne buale kyɛ, “Ɔte bɔkɔɔ”

Ɛksadɔso 31:13

“Ka kyire Yisraelfoɛ kyɛ, “Ɛ́mɔli m’afofingyẽa ne aso, ofikyɛ ɛhe yeɛ ɔte me ne ɛmɔ y’afia sɛngyerɛnneɛ, wɔ ɛmɔ aworɛ ndoatoasoɛ amukoraati nu ɔ, amaa ɔnate so ɛmɔanwu ye kyɛ me, AWURADE, me yeɛ mete ɛmɔ nwo ɔ.

Anyandera 11:1

Tonyi bɔ bawura nu te AWURADE akyiwadeɛ, nakoso ye nye sɔ asusudeɛ nyɔboɛ bɔ ɔkã nahorɛ ɔ.

Anyandera 16:11

Nahorɛ asusudeɛ ne nahorɛ tonyi te AWURADE deɛ, yeɛ kariboɔ amukoraa bɔ ɔwɔ kotoku ne anu ne, ɔte ye sa noa adwuma.

Anyandera 20:23

Asusudeɛ mɔ bɔ nzonzoleɛ wɔ nu ne, bɛte AWURADE akyiwadeɛ, yeɛ tonyi bɔ bawura nu ne koso ɔtte mayee.

Yesaya 1:13

Ɛmɔ afɔleɛ mbaen mbaen ne, nnɛma ɛmɔfa bɛba ko, ɛyɛɛ ne te m’akyiwadeɛ. Ɛsraen foforɛ ne afofikyẽa aluolue ne, ɔne ɛmɔ dwaabɔlɛ ne, nyianu krongron ne po, ɔte amumuyɛɛ, mengɔhora ngɔgyegye so.

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Hosea 12:7

Kanaan tira ngondombo tonyi, na okuro aminɛlilɛ.

Hosea 12:8

Efraim nwa, “Aa, manya me nwo, manya anwonyadeɛ.” M’adwumayɔlɛ amukoraa nu, bannwu amumuyɛɛ biala wɔ me nu, bɔ ɔte bɔne ɔ.

Lewitikɔso 19:36

Ɛmɔ tonyi, ɛmɔ asusudeɛ nyɔboɛ, graa ɔne galɔn bɔ ɛmɔfa besusu nikyee ne, odi kyɛ ɔyɛ turoloo: Me ole AWURADE ɛmɔ Nyameɛ bɔ nyele ɛmɔ mvili Misraim aseɛ so mmale ne.

Sakaria 5:6

Na mmisale ye kyɛ, “Nzikyɛ nikyee ɛne?” Yeɛ obuale kyɛ, “Ɛhe te asusudeɛ kɛndɛen bɔ ofi wa kɔ ɔ.” Osa sele kyɛ, “Ɛhe te b’amumuyɛɛ wɔ aseɛ amukoraa so.”

Sakaria 5:8

Yeɛ abɔfo ne sele kyɛ, “Ɛhe te Amumuyɛɛ.” Na ɔnyemane braa ne aso wurale asusudeɛ kɛndɛen ne anu, na ɔfale ye ti sum nonɛnonɛ ne butuli so.

Malaki 1:13

Ɛmɔsa bɛkã kyɛ, Eh, nzikyɛ ɛfɛɛ ɛhe? Na ɛmɔsobi bɛ noa begua so, Asafo AWURADE noa dwirɛ ɛne. Kaka bɔ ɛmɔali aminɛ banya ye, anaa kaka bɔ wabubu, anaa bɔ ɔnde apɔ ɔ yeɛ ɛmɔfa bɛbabɔ afɔleɛ ɔ. Aso odi kyɛ mede ɛhe mefi ɛmɔ berɛ anaa? Asafo AWURADE noa dwirɛ ɛne.

Numeri 10:10

Afei koso, ngyẽa bɔ ɛmɔfa bɛgye bɛ nye, ɔne ɛmɔ aluolue ngyẽa, ɔne kyẽa bɔ bosome kofi ne, ɛ́mɔhu totorobɛndo nemɔ wɔ mmerɛ bɔ ɛmɔbɔ ɛmɔ naen yeralɛ afɔleɛ ɔne ɛmɔ asomdwee afɔleɛ ɔ. Bɛkɔyɛ ngayeɛ nikyee bɛkɔma ɛmɔ wɔ AWURADE ɛmɔ Nyameɛ nyunu: Me ole AWURADE ɛmɔ Nyameɛ.

Kolosefoɛ 2:16

Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.

1 Samuel 20:5

Yeɛ Dawide buale Yonatan kyɛ, “Ɛhema yeɛ ɛsraen kofi maa yɛkɔto poen ɔ. Na sɛ Nana to poen kyɛ odidi a, ɔnzɛ kyɛ meye me nwo mefi nu. Nakoso ma me ate ma ngɔmvea eburo toonn ma odwu ye ɛlɛsa ne aso nɔsoa.