Amose 8:3 - AHYERƐLƐ KRONGRON

³ Na asɔneyɛɛ sua ne anu dwein kɔkakyi awuyebɔlɛ sɔ kyẽa ne, AWURADE Nyameɛ noa dwirɛ ɛne. Efuin pee kogua nekaa biala; na bekogyi bɛ bekogua nekaa biala konn!”

Amose 8:3 Iomraidhean Croise

Edwein 39:9

Mayɛ konn; memmukye me noa, ofikyɛ wɔ yeɛ ahyehyɛ ye sɔ ɔ.

Yesaya 37:36

Na AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Na bedwɔsole ngyerɛmɔ tutututu ne, yieee, né efuin ngome yeɛ begua berɛ ɔ.

Yeremia 22:18

Yiti Yehoakim bɔ ɔte Yuda hene Yosia awa ne, bɔ AWURADE kã fa ye nwo ɛhe: “Bengoli ye nwo aworabɔlɛ kyɛ, ‘Ayaa, nniɛma bienzua!’ anaa ‘Ayaa, nniɛma brasua!’ Bengoli ye nwo aworabɔlɛ kyɛ, “Ayaa, me mene!’ anaa ‘Ayaa, ye animnyam!’

Awuye 2:10

Sion awa brasua ye mbanyi mɔ bɛtete ase, na bayɛ konn. Bafa mvuture bagua bɛ ti so, na baherahera ɛsɛen tena. Yerusalem ababunu nemɔ, basisi bɛ ti ase.

Yoel 1:11

Ɛmɔ, akuafoɛ, ɛ́mɔma ɔyɛ ɛmɔ fɛre, ɛmɔ, bobe boo so neafoɛ, ayuo ne atokoɔ ti odi kyɛ ɛmɔbɔ awuye, ofikyɛ fieso aleɛ mɔ asɛkye.

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Yoel 1:5

Ɛmɔ, akɔnomnzafoɛ, ɛ́mɔdwɔso ná ɛmɔsu, ɛmɔ amukoraa bɔ ɛmɔno nzaa ɔ, ɛ́mɔbɔ awuye, ɔnate nzaa foforɛ ne ati, ofikyɛ batu bafi ɛmɔ noa.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Amose 4:10

“Anwonyerɛ mɔ bɔ mva mmɔle Misraim ne, nzomane maa ɔɔbɔle ɛmɔ; mvale ngrandɛ ngukuni ɛmɔ mmerandeɛ mɔ; nzesale ɛmɔ mbɔngɔ mɔ ngɔle, mmane ɛmɔ asikyeleɛ nu pambaen ne wurale ɛmɔ bonyi anu, nakoso ɛmɔanza bamma me berɛ,” AWURADE noa dwirɛ ɛne.

Amose 5:16

Yiti AWURADE, Asafo Nyameɛ, AWURADE, ɔnwa, “Bɛkɔbɔ awuye wɔ dwaa nemɔ amukoraa so, yeɛ bɛkɔkekã ye wɔ atimbire nemɔ amukoraa so kyɛ, ‘Ayaa! Ayaa!’ Na bɛkɔfrɛ kuafoɛ maa bekoosu, ɔne bɛ bɔ bɛse sũ ɔ maa bɛkɔɔbɔ awuye.

Amose 5:23

Fa wɔ dweintolɛ nwo gyegyegyegye ne fi me so kɔ; ofikyɛ mengotie wɔ sangoo dwein ne.

Amose 6:4

“Ɛmɔ yaakɔ! Ɛmɔ bɔ ɛmɔla mba bɔ bafa ɛsoen gye bayɔ ɔ so, bɔ ɛmɔtwe ɛmɔ nu wɔ ɛmɔ bɛen so, bɔ ɛmɔku mmoaen kure ne anu mmoaen akrɔngrɔma mɔ, ɔne tuin ne anu nandwie akrɔngrɔma mɔ bedi ɔ;

Amose 6:5

ɛmɔ bɔ ɛmɔto dwein basabasa bɛfa besuro sangoo so, ná ɛmɔyɔ edweintolɛ nningyein bɔ ɔte kyɛ Dawide deɛ ne ɔ;

Amose 6:8

AWURADE Nyameɛ wata ye nwo ndaen, (AWURADE, Asafo Nyameɛ nwa), “Yakob ye anwomasoɛ ne yɛ me tɛ, yeɛ mekyi ye anwoserɛ afealeɛ nemɔ; yiti ngɔfa kuro ne, ɔne bɔ ɔwɔ nu amukoraa ngowura pɔfoɛ mɔ sa.

Amose 8:10

Ngɔkakyi ɛmɔ poentolɛ nemɔ aworabɔlɛlilɛ, yeɛ ɛmɔ dwein amukoraa awuyebɔlɛ; ngɔma ebiala kɔhera ɛsɛen tena, ná mama ebiala abɔ tikwa. Ngɔmaa ɔkɔyɛ kyɛ bahorɛ wue nwo aworabɔlɛlilɛ, ayieleɛ ne kɔyɛ kyɛ aworabɔlɛ kyẽa.

Nahum 3:3

Pɔngɔhanɛfoɛ bɛko bɛkɔ bɛ nyunu, bɛ ngrandɛ te yerɛmyerɛm, yeɛ bɛ pealɛɛ te hyɛmhyɛm, bɛ bɔ batotɔ ɔ bɛte pee, efuin mɔ bahonhɔn bɛ bahɔ anwuro, efuin mɔ somaa bɔ bɛka a bennwu ye noa ɔ, na bɛfofo efuin mɔ so besoti.

Sefania 1:7

Ɛ́mɔyɛ konn wɔ AWURADE Nyameɛ nyunu! Ofikyɛ AWURADE kyẽa ne wapingye, yoo, AWURADE asiesie afɔleɛ, na wate bɛ bɔ wato ye sa wafrɛ bɛ nemɔ anwo.