Amose 8:14 - AHYERƐLƐ KRONGRON

¹⁴ Bɛ bɔ bɛfa Samaria mmosoen bɛteta ndaen bɛkã kyɛ, ‘Ao Dan, kyɛ wɔ nyameɛ te ase ye e’, yeɛ ‘Kyɛ Beɛ Seba atee te ase ye’ ne, bekofifi ase bɔ bengodwɔso ko ɔ.”

Amose 8:14 Iomraidhean Croise

1 Ahemvo 12:32

Aluolue bɔ né bedi ye wɔ Yuda wɔ bosome mmɔtwɛ ne anu, ye kyẽa bɔ ɔtɔ so buru ne nnu ne, Yeroboam hyehyɛle sɔ aluolue ne bie. Na ɔbobɔle afɔleɛ wɔ afɔleɛ bokyea so. Sɔ ala yeɛ ɔyɔle ye wɔ Betel ɔ, na ɔbɔle afɔleɛ mane nandwie mmaa bɔ wayɔ nemɔ. Na asɔneyɛɛ sua bɔ osisili ne, bɛ sɔfo nemɔ, ɔmaa bɛtenane Betel.

1 Ahemvo 14:16

Ɔnate Yeroboam bɔne bɔ wayɔ bɔ wahwe Yisrael maen maa bayɔ bie ne ati, AWURADE kɔye ye sa kofi Yisrael bo.”

1 Ahemvo 16:24

Omri tɔle Samaria bokaa ne ɛdwetɛ kilo aburasoo fili Semere berɛ. Ɔkyekyele kuro wɔ bokaa ne aso. Na kuro bɔ ɔkyekyele ne, ɔtole ye dumaa Samaria. Ɔfa tole Semere bɔ né ɔte bokaa ne mene ne.

2 Ahemvo 10:29

Nakoso bɔne bɔ Nebate awa Yeroboam hwehwene Yisrael hɔle nu, kyɛ ɔmaa bɛsɔnene esikaa kɔkorɛ nandwie mmosoen bɔ ɔwɔ Betel ne Dan ne de, Yehu wanyakyi ye yɔlɛ.

2 Aberɛso Dwirɛ 36:16

Nakoso bɛhɔle so bɛgorole Nyameɛ ɛbɔfoɛ nemɔ anwo, bamva ye dwirɛ banyɛ huu, na bɛserele ye ngɔmhyɛlɛfoɛ nemɔ alaa kɔpem kyɛ AWURADE ɛyaa piri bɔ wafɛ ye wɔ ye maen so ne, ɔhɔle anwuro maa né bɛyɔ ye nwo hwee a ɔnyɛ yé ɔ.

Edwein 140:10

Ma see gonn ogua bɛ so! Maa befindi bɛ begua see nu, kumaa kuronn nu bɔ bengodwɔso ko ɔ!

Edwein 36:12

Nea, kyɛbɔ bɔnefoɛ batotɔ ɔ, bafindifindi bɛ bagua ase, bɔ bɛngɔhora dwɔso ko ɔ.

Anyandera 24:16

ofikyɛ, teneneeniɛ kɔhora kofĩ ase pɛen nzoo, nakoso osa dwɔso, nakoso bɔnefoɛ de, musue to ye ma ye ayieleɛ yie ye.

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Yesaya 24:20

Aseɛ nate fofalifofali kyɛ akɔnomnzaniɛ, ɔwosowoso kyɛ namue, ye mmeraatolɛ nwo asohwenɛ kandinga la ye so, na okodwiri kogua bɔ ongodwɔso ko ɔ.

Yesaya 43:17

bɔ ɔmane teaseɛnam mɔ ne mbɔngɔ, ɛlɔen ne koɛhonɛfoɛ fite wale ne, ye noa dwirɛ ɛne. Bɛtete beguale, na bangora dwɔso ko, onuane bɛ boso, na bɛ boso minini kyɛ kanea nyamaa.

Yeremia 25:27

“Na ekose bɛ kyɛ, ‘Asafo AWURADE, Yisrael Nyameɛ nwa nyoo: Ɛ́mɔno ná ɛ́mɔbobo, ná ɛ́mɔfefe béfifi ase bɔ ɛmɔngodwɔso ko ɔ, ɔnate ngrandɛ bɔ ngɔfa ngɔwa ɛmɔ nu ne ati.’

Yeremia 51:64

ná kã kyɛ, ‘Sɔ ala yeɛ Babilɔn kɔmono, bɔ ongodwɔso ko ngofi musue bɔ ngɔprapra ngogua ye so ne anu ɔ.’ ” Na b’ayieleɛ koyie bɛ. Yeremia noa dwirɛ n’ayieleɛ ɛne.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 13:16

Samaria kɔsoa ye foɛlilɛ, ofikyɛ wayɛ ye Nyameɛ nwo lɔen. Bɛkɔtotɔ ngrandɛ noa, bɛkɔtete bɛ mma nnɔma mɔ ti bɛkɔbobɔ berɛ, na bɛkɔpakyepakye bɛ pemvoɛ mɔ kunu.

Hosea 13:2

Afei de, bɛkɔ so bɛyɔ bɔne, na behuro bɛ dwetɛ bɛfa bɛyɔ amoen bɛma bɛ nwo, amoen mɔ bɔ bɛ bɔbɔ bafa ɛdwetɛ bali adwii bayɔ, bɔ ye mukoraa te dwumvoɛ sa noa adwuma ɔ. Bɛkã bɛfa bɛ nwo kyɛ, “Bɛ bɔ bɛbɔ afɔleɛ ne, odi kyɛ bɛfe nandwie nyii akrɔngrɔma nemɔ noa.”

Hosea 4:15

Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Amose 5:1

Ao Yisrael awuro ama, ɛ́mɔtie edwirɛ he bɔ mékã mefa ɛmɔ nwo, bɔ ɔte awuyebɔlɛ ye.

Amose 5:2

“Ababunu Yisrael wafi ase bɔ ongodwɔso ko ɔ; bapo ye wɔ ye aseɛ so, bɔ ebiala nne berɛ bɔ ɔkɔma ye so ɔ.”

Amose 5:5

Nnɛma ɛmɔpena Betel si ate, yeɛ nnɛma ɛmɔkɔ Gilgal, yeɛ nnɛma ɛmɔpɛ nu bɛkɔ Beɛ Seba; ofikyɛ bɛkɔhye Gilgal nnure bɛkɔhɔ amba, yeɛ Betel kɔbɔ.”

Mika 1:5

Ɛhe amukoraa ɔnate Yakob mmeraatolɛ ti ɔ, yeɛ Yisrael awuro ama bɛ bɔne ti ɔ. Yakob mmeraatolɛ ole beni? Aso nna Samaria ɔ? Yeɛ Yuda asɔneyɛɛ mɔ ole beni? Aso nna bɛ ole Yerusalem?

Sefania 1:5

yeɛ bɛ bɔ bɛsɔne anwuro abɔdeɛ mɔ wɔ sua ti afia; yeɛ bɛ bɔ bɛsɔne AWURADE bɛfa ye bɛta ndaen, nakoso bɛfa bosoen Milkom bɛta ndaen ɔ;

Asomafoɛ 18:25

Bɛfale Awurade Atee so yeɛ behyirele ye nikye ɔ, na ɔnate kyɛ ɔyɛ se wɔ sunzum nu ne ati, odwudwole, na ohyirehyirele Yesu nwo dwirɛ turoloo; ɔwɔ nu kyɛ né Yohane asubɔlɛ ne angome yeɛ ɔse ɔ.

Asomafoɛ 19:23

Sɔ mmerɛ ne anu, Atee ne ati basabasayɔlɛ wale Ɛfeso.

Asomafoɛ 19:9

Nakoso ebiemɔ yɛle asoserɛ, banne dwirɛ ne banni, na bɛhane musue dwirɛ betiale Atee ne wɔ mmenia wora ne nyunu. Yiti ɔyakyili bɛ berɛ, ɔfale agyidifoɛ ne bokale ye nwo so; na daa biala ɔyɛle ngyerɛkyerɛ wɔ ebie bɔ bɛfrɛ ye Tirano sukuu sua nu.

Asomafoɛ 24:14

Na ɛhe de, mede meto nu wɔ wɔ nyunu kyɛ, Atee bɔ bɛnwa ɔte ngondombo atee ne yeɛ mefa so mesɔne yɛ nana mɔ Nyameɛ ɔ. Yeɛ mede nikyee biala bɔ bahyerɛ ye wɔ Mose mmeraa ne ngɔmhyɛlɛfoɛ nwomaa ne anu medi.

Asomafoɛ 9:2

ɔɔsrɛle ye berɛ tumi krataa, bɔ ɔkɔfa kɔhɔ Damasko nyianu sua nemɔ nu, kyɛbɔ ɔkɔyɛ na onwu ebiala bɔ ɔnate Awurade nwo gyidie atee so a, bienzua oo, brasua oo, wahora wahye ye, ná wafa ye wawa Yerusalem.

Deuteronomi 33:11

O AWURADE, yira Lewi agyapadeɛ so, ná ma ye sa noa adwuma sɔ wɔ nye; bubu ye pɔfoɛ mɔ dwongu, yɔ bɛ bɔ bekyi ye koso sɔ ala, ná bandwɔso ko.”

Deuteronomi 9:21

Afei mvale nandwie ba ne, bɔ ɔte ɛmɔ bɔne bɔ ɛmɔyɔle ne. Mvale see nyerale ye, mmubuli nu, na ndini ye muhumuhu kyɛ mvuture, na ngyili ye mvuture ne nguale asue ba bɔ ɔtengyɛ fi bokaa ne aso ɔba ne anu.