Amose 8:13 - AHYERƐLƐ KRONGRON

¹³ Sɔ kyẽa ne, nzuhɔen kɔma ndaluwa anwonyemene ne mmerandeɛ bɛ nye so koburu bɛ.

Amose 8:13 Iomraidhean Croise

Edwein 63:1

Ao Nyameɛ, wɔ yeɛ ɛte me Nyameɛ ɔ, mepena wɔ serɛserɛ; me kra wora adɔ wɔ, me nwonaen ayɛ hodwoo ɔpena wɔ kyɛ aseɛ wosee katerepee bɔ ɔpena nzue ɔ.

Yesaya 40:30

Mmabunu po bɛfɛ, na bɛ nwo yɛ bɛ bɛtɛɛ, yeɛ mmerandeɛ wora befi ase buramm,

Yesaya 9:17

Ye sɔ ne ati, AWURADE nye ngɔgye bɛ mmerandeɛ nemɔ nwo, yeɛ ongonwu bɛ nyisiaa ne b’akunafoɛ mmrasua anwumvoin; ofikyɛ bɛ mukoraa benzuro Nyameɛ, bɛte bɔnefoɛ, na ebiala kekã ngwaseasɛm. Na ɛhemɔ amukoraa nu ne, AWURADE ahone andɔ nzue nu, na ɔtɛ dwɔso tia bɛ.

Yeremia 48:18

“Wɔ, baa brasua bɔ ɛte Dibɔn ɔ, fi w’animnyam ne anu dwu bra, ná baatena aseɛ katerepee so! Ofikyɛ Moabo sɛkyefoɛ ne kɔwa wɔ so, na ɔkɔsɛkye w’anwoserɛ afealeɛ mɔ.

Awuye 1:18

“AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Awuye 2:10

Sion awa brasua ye mbanyi mɔ bɛtete ase, na bayɛ konn. Bafa mvuture bagua bɛ ti so, na baherahera ɛsɛen tena. Yerusalem ababunu nemɔ, basisi bɛ ti ase.

Awuye 2:21

Ngwadaa ne mbanyi, bɛlela aseɛnwo wɔ dwaa nemɔ aso. Me ndaluwa mɔ ne me mmerandeɛ mɔ, batotɔ ngrandɛ noa. Ahũhũ bɛ wɔ wɔ yaafɛlɛ kyẽa ne anu; ahũhũ bɛ, na annwu bɛ anwumvoin.

Hosea 2:3

Wamma ye sɔ a, ngɔpa ye nwo maa ye nwo kɔla so kyɛ kyẽa bɔ bɛwole ye ɔ; ngɔmaa ɔkɔyɛ kyɛ aseɛ pralaa so, ná wayɛ kyɛ aseɛ katerepee, na ngɔmaa nzuhɔen kohũ ye maa okowu.

Hosea 2:5

Ofikyɛ bɛ maame abɔ gyandera; bɔ ɔnwonzɛle bɛ ne wabɔ nyanzoen bra, ofikyɛ ɔnwa, ‘Me kurofoɛ mɔ bɔ bɛma me me noa aleɛ, me nzue, me boaen nwiaa ne me gyese, me ngoo ne me nzaa ne, ngogu bɛ so.’

Sakaria 9:17

Ah, kyɛbɔ osi te paa ɔ, kyɛbɔ ye nwo si yɛ nyemene ɔ! Aburoo kɔma mmerandeɛ mɔ kɔyɛ tukutukuu, na nzaa monɛ koso kɔma ndaluwa kɔyɛ sɔ ala.

Deuteronomi 32:25

Bɛ mma kɔtotɔ ngrandɛ noa wɔ dwaaso, na ɛserɛ kɔha bɛ wɔ sua nu. Mmerandeɛ ne ndaluwa kowuwu, nnɔma ne mbanyi bɔ bafu gyein koso sɔ ala.