Amose 8:12 - AHYERƐLƐ KRONGRON

¹² Mmenia kohyini kofi mboanoa bɛkɔɔhã mboanoa, bekofi sorɔ bekoodwu eyia afiteleɛ; bekoli akɔneaba bɛkɔpena AWURADE dwirɛ si atee, nakoso bengonwu ye.

Amose 8:12 Iomraidhean Croise

Anyandera 1:28

Afei bekosu bɛkɔfrɛ me, nakoso mengɔtɛ bɛ so, bɛkɔpena me paa, nakoso bengonwu me.

Anyandera 14:6

Ngorohoɛniɛ pena nworɛ, na onnwu ye, nakoso sona bɔ ye adwene nu pi de, nimdeɛ nyanɛ nyɛ se mma ye.

Anyandera 29:18

Nekaa bɔ mmenia bɛndwene kyẽa bie ngɔsoɛ nwo ne, maen ne anu yɛ basaa, nakoso sona bɔ odi mmeraa ne aso ne, onya saleɛ.

Hesekiel 20:3

“Sona Awa, se Yisrael mbanyi nemɔ kyɛ, ‘AWURADE Nyameɛ nwa nyoo: Me berɛ abisa ti yeɛ ɛmɔwale hɔ anaa? Kyɛ nde ase ye de, mengɔma ɛmɔngɔfa ɛmɔ abisa ngɔto me nyunu, AWURADE Nyameɛ noa dwirɛ ɛne.

Hesekiel 20:31

Sɛ ɛmɔfa ɛmɔ ayɛyɛdeɛ ne bɛba, ná ɛmɔfa ɛmɔ mma mɔ bɛbɔ afɔleɛ wɔ see nu a, ɛhe kyire kyɛ ɛmɔkɔ so bɛfa ɛmɔ mmosoen begua ɛmɔ nwo fiɛ maa waadwu ɛnɛ. O Yisrael awuro ama, aso odi kyɛ mema ɛmɔba me berɛ abisa anaa? Kyɛ nde ase ye de, mengɔma ɛmɔngɔwa me berɛ abisa, AWURADE Nyameɛ noa dwirɛ ɛne.

Daniel 12:4

Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Hosea 5:6

Bɛkɔfa bɛ mmoaen kure ne bɛ nandwie kure bɛkɔhɔ kyɛ bɛkwaapena AWURADE. Nakoso bengonwu ye; wahwe ye nwo wafea bɛ.

Mateo 12:30

“Ebiala bɔ ɔbboka me so nen, né otia me; yeɛ ebiala bɔ ɔne me mmoaboa ye noa nen, né ɔsande nu.

1 Samuel 3:1

Né abɛɛmaa Samuel wura Eli ndeteyɛɛ bo yeɛ ɔso AWURADE ɔ. Sɔ mmerɛ ne, né AWURADE dwirɛ nwo yɛ nna paa; yeɛ né mmenia koso bɛndaa bennwu nyekyire.