Amose 7:8 - AHYERƐLƐ KRONGRON

⁸ Na AWURADE bisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Ɛtengyɛlɛ susulɛ nyamaa.” Yeɛ AWURADE sele kyɛ, “Tie, ngɔfa ɛtengyɛlɛ susulɛ nyamaa ngɔto me maen Yisrael b’afia, mengobu me nye mengogua bɛ bɔne so ko.”

Amose 7:8 Iomraidhean Croise

2 Ahemvo 21:13

Edwirɛ bɔ mmaa ɔtole Samaria ne, ɔne amaneɛ bɔ mmaa ɔtole Ahabo awuro ama ne, ye ala yeɛ ngɔmaa ɔkɔto Yerusalem ɔ. Ngɔbɔ Yerusalem tɔɔ, na ngɔprapra nu mmenia bo kyɛbɔ sona nwunzi talie ye kunu ne ye si ɔ.

Yesaya 28:17

Ngɔma pɛpɛɛpɛyɛlɛ kɔyɛ asusudeɛ nyamaa, yeɛ ngɔma tenenee kɔyɛ tonyi; asukɔtwea koopia kanda afealeɛ ne kɔhɔ, na nzue koyi kɔfa afealeɛ ne.”

Yesaya 34:11

Ɔkɔyɛ akorɔma ne kɔtɔkɔ mɔ b’aseɛ, patue ne adene mɔ b’atenaleɛ. AWURADE kɔfa basabasayɔlɛ nyamaa kɔsã aseɛ ne aso, yeɛ ɔkɔfa kurofoen nyɔboɛ koguagua so.

Yeremia 15:6

Apo me, AWURADE noa dwirɛ ɛne. Asa wɔ si, yiti matengyɛ me sa wɔ wɔ so, na masɛkye wɔ’; manwu wɔ anwumvoin mafɛ.

Awuye 2:8

AWURADE ayɛ ye adwene kyɛ ɔkɔsɛkye Sion awa brasua fasue ne, wasa nyamaa wafa wasusu, na wanyakyi ye sɛkyelɛ bɔ ɔsɛkye ye ne. Yiti ɔmane ɛwaen ne fasue belili aworabɔlɛ, bɛbɔle nu belili yealɛ.

Hosea 1:6

Osa nwonzɛle, na ɔwole baa brasua. Na AWURADE sele Hosea kyɛ, “To ye dumaa Lo Ruhama, ofikyɛ mengonwu Yisrael awuro ama anwumvoin ko bɔ ɔkɔmaa ngɔfa bɛ bɔne ngɔhyɛ bɛ bieku ɔ.

Amose 7:7

Ɛhe yeɛ ɔye hyirele me ɔ: Tie, né AWURADE gyi fasue bie bɔ bafa ɛtengyɛlɛ susulɛ nyamaa basusu bato ɔ so. Né otira ɛtengyɛlɛ susulɛ nyamaa.

Amose 8:2

Obisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Borɔdoma bɔ waboro ɔ kɛndɛen ko.” Yeɛ AWURADE sele me kyɛ, “Me maen Yisrael, b’ayieleɛ ato bɛ. Mengobu me nye mengogua bɛ bɔne so ko.”

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Sakaria 4:2

Na obisale me kyɛ, “Nzikyɛ yeɛ enwu ye e?” Yeɛ mmuale kyɛ, “Menwu kanea bakaa bɔ ye mukoraa te sikaa kɔkorɛ, bɔ bua gyi ye ti afia, bɔ ye nganea nzoo wɔ so, bɔ dodobɛen nzoo wɔ kanea biala bɔ ɔwɔ ye ti afia ne aso ɔ.

Sakaria 5:2

Yeɛ abɔfo ne bisale me kyɛ, “Nzikyɛ yeɛ enwu ye e?” Na mmuale kyɛ, “Menwu nwomaa bɔ babobɔ bɔ otu ɔ; ye tendenn nu te agyirɛ aburanyɔ, yeɛ ye tɛtrɛtɛɛ nu te agyirɛ buru.”