Amose 7:7 - AHYERƐLƐ KRONGRON

⁷ Ɛhe yeɛ ɔye hyirele me ɔ: Tie, né AWURADE gyi fasue bie bɔ bafa ɛtengyɛlɛ susulɛ nyamaa basusu bato ɔ so. Né otira ɛtengyɛlɛ susulɛ nyamaa.

Amose 7:7 Iomraidhean Croise

Gyenesise 28:13

Ɛlaleɛ ne anu, né AWURADE gyi ye ti sorɔ, na osele kyɛ, “Me ole AWURADE, wɔ nana Abraham ye Nyameɛ bɔ ɔte Yisake koso ye Nyameɛ ne. Ngɔfa aseɛ he bɔ yeɛ ɛla so kekesaala ye ngɔma wɔ ne wɔ bosofoɛ.

2 Samuel 8:2

Dawide lili Moabofoɛ koso so ngonim. Ɔmaa bɛlelale aseɛnwo berɛ fekue fekue nza. Ohuni fekue nyɔ, na ɔmane fekue ko nyane ye ti didili nu. Yiti Moabofoɛ bɛɛyɛle Dawide ngoaa bɔ né betua ɛtoɔ bɛma ye ɔ.

2 Ahemvo 21:13

Edwirɛ bɔ mmaa ɔtole Samaria ne, ɔne amaneɛ bɔ mmaa ɔtole Ahabo awuro ama ne, ye ala yeɛ ngɔmaa ɔkɔto Yerusalem ɔ. Ngɔbɔ Yerusalem tɔɔ, na ngɔprapra nu mmenia bo kyɛbɔ sona nwunzi talie ye kunu ne ye si ɔ.

Yesaya 28:17

Ngɔma pɛpɛɛpɛyɛlɛ kɔyɛ asusudeɛ nyamaa, yeɛ ngɔma tenenee kɔyɛ tonyi; asukɔtwea koopia kanda afealeɛ ne kɔhɔ, na nzue koyi kɔfa afealeɛ ne.”

Yesaya 34:11

Ɔkɔyɛ akorɔma ne kɔtɔkɔ mɔ b’aseɛ, patue ne adene mɔ b’atenaleɛ. AWURADE kɔfa basabasayɔlɛ nyamaa kɔsã aseɛ ne aso, yeɛ ɔkɔfa kurofoen nyɔboɛ koguagua so.

Awuye 2:8

AWURADE ayɛ ye adwene kyɛ ɔkɔsɛkye Sion awa brasua fasue ne, wasa nyamaa wafa wasusu, na wanyakyi ye sɛkyelɛ bɔ ɔsɛkye ye ne. Yiti ɔmane ɛwaen ne fasue belili aworabɔlɛ, bɛbɔle nu belili yealɛ.

Hesekiel 40:3

Na ɔfale me wale berɛ nen, yieee, né biaa bie wɔ berɛ bɔ ye sue te kyɛ kɔɔbere ɔ. Né ogyi anoa piri ne anu berɛ, né otira nyamabire ne elemmire bɔ bɛfa besusu nikye ɔ.

Amose 7:6

AWURADE hwe sale: “Ɔngɔwa ye sɔ,” AWURADE Nyameɛ noa dwirɛ ɛne.

Amose 7:8

Na AWURADE bisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Ɛtengyɛlɛ susulɛ nyamaa.” Yeɛ AWURADE sele kyɛ, “Tie, ngɔfa ɛtengyɛlɛ susulɛ nyamaa ngɔto me maen Yisrael b’afia, mengobu me nye mengogua bɛ bɔne so ko.”

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Nyekyire 11:1

Afei bɛmane me elemmire bie bɔ ɔte kyɛ pɔmaa, na besele me kyɛ, “Dwɔso ná susu Nyameɛ asɔneyɛɛ sua ne, afɔleɛ bokyea ne, ɔne bɛ bɔ bɛsɔne wɔ nu ne.

Nyekyire 21:15

Na bɔ ɔne me dwudwole ne, né otira sikaa kɔkorɛ pɔmaa bɔ bɛfa besusu nikye ɔ, kyɛ ɔbaafa susu kuro ne, ye anoa nemɔ ne ye fasue ne.