Amose 7:6 - AHYERƐLƐ KRONGRON

⁶ AWURADE hwe sale: “Ɔngɔwa ye sɔ,” AWURADE Nyameɛ noa dwirɛ ɛne.

Amose 7:6 Iomraidhean Croise

Gyenesise 6:7

Yiti AWURADE hane kyɛ, “Ngonua kuro sona bɔ mabɔ ye ne boso ngofi aseɛ ye aso: mmenia ne ngaka mbiri ne ngaka bɔ bɛtwe bɛ nwo ase ne ewienu nnomaa, ofikyɛ manu me nwo kyɛ nyɔle bɛ ɔ.”

1 Aberɛso Dwirɛ 21:15

Na Nyameɛ somane abɔfo maa ɔhɔle Yerusalem kyɛ ɔɔbɔ kuro ne. Na mmerɛ bɔ abɔfo ne yɛle kyɛ ɔbɔ kuro ne nen, AWURADE neane, na ɔsesane ye adwene wɔ kuro ne bɔlɛ ne anwo, na osele abɔfo bɔ ogu so ɔbɔ kuro ne kyɛ, “Wayɛ yé! Yakyi.” Sɔ mmerɛ ne, né AWURADE abɔfo ne ogyi Yebusiniɛ Ɔnan ye nekaa bɔ bɛboro aburoo ne.

Edwein 106:45

Ɔnate bɛ ti, AWURADE kayele ye apam ne, na onwuni bɛ anwumvoin, kyɛbɔ ye ɔdɔ bɔ onni ngasi ne, ye piri si te ɔ.

Edwein 135:14

Ofikyɛ AWURADE kobua ye maen be, na okonwu ye somvoɛ mɔ anwumvoin.

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Edwein 90:13

Ao AWURADE, sa baanea yɛ! Okoodwu kyinzu? Nwu wɔ somvoɛ mɔ anwumvoin!

Ɛksadɔso 32:14

Yiti AWURADE sesane ye adwene wɔ musue bɔ ɔyɛle kyɛ ɔkɔmaa ɔkɔto ye mmenia ne anwo.

Yeremia 26:19

Aso Yuda hene Hesekia ne Yudafoɛ amukoraa behuni ye anaa? Aso wanzuro AWURADE, yeɛ aso wanzrɛ AWURADE kyɛ ɔlo ye, maa ɔnate so AWURADE wanzesã ye adwene wɔ musue bɔ ɔhane kyɛ ɔkɔprapra kogua bɛ so ne anwo anaa? Nakoso yɛ de, musue piri paa yeɛ ɛmɔmaa yɛtwetwe yɛbrɛ yɛ nwo ɔ!”

Yeremia 42:10

Sɛ ɛmɔkɔhɔ so bɛkɔtena aseɛ he aso a, ye de ngɔma ɛmɔ bo kotimu, na mengodwiri ɛmɔ mengogua ase; ngolua ɛmɔ na mengotutu ɛmɔ bo, ofikyɛ manu me nwo wɔ musue bɔ mbraprale nguale ɛmɔ so ne anwo.

Yoel 2:13

Ɛ́mɔsunzua ɛmɔ ahone nu, na nna ɛmɔ ndaadeɛ nu ɔ, ná ɛ́mɔsa bɛbra AWURADE ɛmɔ Nyameɛ berɛ. Ofikyɛ ɔdo mmenia na ɔse anwumvoin; ye ahone nhu ndɛ, ye ɔdɔ bɔ onni ngasi ne ɔsone, na ɔsesã ye adwene ɔtwe bɔne nwo asohwenɛ sa.

Amose 7:3

AWURADE hwe sale, “Ɔngɔwa ye sɔ,” AWURADE noa dwirɛ ɛne.

Amose 7:7

Ɛhe yeɛ ɔye hyirele me ɔ: Tie, né AWURADE gyi fasue bie bɔ bafa ɛtengyɛlɛ susulɛ nyamaa basusu bato ɔ so. Né otira ɛtengyɛlɛ susulɛ nyamaa.

Yona 3:10

Na Nyameɛ nwuni bɔ bɛyɔle ne, kyɛ bayakyi bɛ bɔne yɔleɛ ne, yiti Nyameɛ sesane ye adwene wɔ musue bɔ ɔhane kyɛ ɔkɔprapra kogua bɛ so ne anwo, na wamma wando bɛ.

Yona 4:2

Na ɔbɔle mbaeɛ bisale AWURADE kyɛ, “Ao AWURADE, mesrɛ wɔ, mmerɛ bɔ né nwɔ me maen nu ne, aso nna edwirɛ he yeɛ ngane ɔ? Ye sɔ ti yeɛ nwatili kyɛ ahaa mekɔ Tasise ne, ofikyɛ mese kyɛ ɛte Nyameɛ bɔ ɛdo mmenia ná ɛse anwumvoin ɔ, w’ahone nhu ndɛ, wɔ ɔdɔ bɔ onni ngasi ne ɔte piri, na ɛsesã w’adwene wɔ musue bɔ ɛbaafa ba ɔ nwo.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.

Maenbulɛfoɛ 2:18

Mmerɛ biala, sɛ né AWURADE ye maenbulɛfoɛ ma bɛ a, AWURADE gyina maenbulɛfoɛ nemɔ si. Na mmerɛ amukoraa bɔ maenbulɛniɛ ne te ase ne, AWURADE de bɛ fi bɛ pɔfoɛ mɔ sa nu. Ofikyɛ ndaneanyeɛ ne nhyɛsoɛ bɔ bɛ pɔfoɛ nemɔ fa di bɛ ne, aworabɔlɛ bɔ ɔmaa bedi ne, AWURADE fa ye nye to, na onwu bɛ anwumvoin.