Amose 7:2 - AHYERƐLƐ KRONGRON

² Na belili aseɛ ne aso ndire amukoraa beyiele nen yeɛ ngane kyɛ, “Ao AWURADE Nyameɛ, mesrɛ wɔ, fa kyɛ! Ɔkɔyɛ sɛɛ né Yakob wahora wagyina ye noa? Ofikyɛ ɔte kãa paa.”

Amose 7:2 Iomraidhean Croise

Edwein 12:1

Boka me, ao AWURADE, ofikyɛ teneneeniɛ de, ebie nne berɛ ko; na nahorɛlilɛfoɛ, bɛ boso anunu afi adasa mmaa nu.

Ɛksadɔso 10:15

Beyili bɛfale aseɛ ne aso amukoraa mane aseɛ ne aso yɛle tunn. Na aseɛ ne aso nyaa mukoraa ne mmakaammaa mukoraa bɔ asukɔtwea akungumaboɔ ne anzɛkye bɛ ne, belili. Nikyee monɛ ko po anga wɔ eburo mmakaa ne ndire mɔ so, wɔ Misraim aseɛ so amukoraa.

Ɛksadɔso 34:9

Na ɔhane kyɛ, “O AWURADE, sɛ alo me a, nzaade AWURADE, mesrɛ wɔ, boka yɛ so ɛne yɛ hɔ. Ɔwɔ nu kyɛ mmenia hemɔ bɛ so yɛ se de, nakoso fa yɛ amumuyɛɛ ne yɛ bɔne kyɛ yɛ, ná fa yɛ wura wɔ kunu.”

Yesaya 37:4

Safohene ne, edwirɛ bɔ ye mene Asiria hene wafa wasoma ye, kyɛ ɔfa ɔɔgoro Nyameɛ teasefoɛ nwo ne, ebiaa AWURADE wɔ Nyameɛ wate. Na AWURADE wɔ Nyameɛ kɔhwe ye so wɔ edwirɛ bɔ wate ne anwo. Yiti bɔ mbaeɛ bɔ nu yɛ se ɔ ma yɛ bɔ yaha ne.’ ”

Yesaya 51:19

Sɔ dwirɛ nyɔ hemɔ yeɛ bato wɔ ɔ: nwa yeɛ ɔkɔyɛ wɔ yaakɔ ɔ? Apaabɔlɛ ne amaneɛ, yeɛ ɛhɔen piri ne ngrandɛ, nwa yeɛ mva ye so ngyekye wɔ wora ɔ?

Yeremia 14:7

“Ɔwɔ nu kyɛ y’amumuyɛɛ bua yɛ fɔ de, nakoso AWURADE, wɔ dumaa ti, boka yɛ. Yasa yɛ si paa, na yayɔ bɔne yatia wɔ.

Yeremia 42:2

na besele ngɔmhyɛlɛniɛ Yeremia kyɛ, “Yɛsrɛ wɔ ala, tie yɛ sufrɛ, ná bɔ mbaeɛ kyire AWURADE wɔ Nyameɛ ma yɛ, yɛ mmenia ngaa bɔ yaha ye (ofikyɛ mmenia wora ye, yɛ nu kãa bie yeɛ yaha ɔ, kyɛbɔ wɔ nye tua yɛ ye),

Hesekiel 11:13

Na ɔwale kyɛ, mmerɛ bɔ ngu so mehyɛ ngɔm ne, Benaya awa Pelatia wuli. Yeɛ mvale me nyunu mmutuli ase, na ndeane nu serɛserɛ kyɛ, “Ao, AWURADE Nyameɛ, aso ɛbaanua Yisraelfoɛ bɔ baha ne bɛ boso anaa?”

Hesekiel 9:8

Na begu so bɔ bekũkũ bɛ ne, ɔhale me ngome wɔ berɛ, na mvale me nyunu mmutuli berɛ ndeateane nu kyɛ, “Ao, AWURADE Nyameɛ, aso ɛbaanua bɛ bɔ baha wɔ Yisrael ne amukoraa bɛ boso wɔ wɔ yaafɛlɛ bɔ afɛ ye wɔ Yerusalem so ne anu anaa?”

Daniel 9:19

O AWURADE, tie; O AWURADE, fa yɛ bɔne kyɛ yɛ; O AWURADE, tie yɛ ná boka yɛ; nnɛkyɛ, o me Nyameɛ, ɔnate wɔ bɔbɔ wɔ ti, ofikyɛ wɔ dumaa yeɛ ɔla wɔ kuro ne ne wɔ maen ne aso ɔ.”

Yoel 2:17

Asɔfo nemɔ, bɔ bɛ yeɛ bɛte AWURADE somvoɛ mɔ ne, odi kyɛ besu wɔ abrannaa ne, ɔne afɔleɛ bokyea ne b’afia, ná bɛkã kyɛ, “Ao AWURADE, nwu wɔ maen anwumvoin, nnɛma w’agyapadeɛ yɛ nikyee bɔ bebu ye animtia, maen maen mɔ noa nu ngorohoɛ dwirɛ. Nzu ati yeɛ bɛkekã ye wɔ maen maen mɔ nu kyɛ, ‘Bɛ Nyameɛ ne, ɔwɔ nisua?’ ɔ.”

Amose 4:9

“Mafa fieso nningyein kesenɛ ne asukuo nwo amaneɛ mato ɛmɔ so. Mmerɛ bɔ ɛmɔ turo mɔ, ɛmɔ bobe boo mɔ, ɛmɔ borɔdoma mmakaa ne ɛmɔ olive mmakaa yɛle pee ne, mmɛbɛ sɛkyele bɛ, nakoso ɛmɔanza bamma me berɛ,” AWURADE noa dwirɛ ɛne.

Amose 7:5

Yeɛ ngane kyɛ, “Ao AWURADE Nyameɛ, mesrɛ wɔ, nnɛma ɛhe ba nu! Ɔkɔyɛ sɛɛ né Yakob wahora wagyina ye noa? Ofikyɛ ɔte kãa paa.”

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Nyekyire 9:4

Na bɛhã behyirele bɛ kyɛ, nnɛmaa bɛkeka aseɛ so ndire, anaa nyaa monɛ biala, anaa bakaa biala; sana mmenia bɔ Nyameɛ nzɔanoɛ ne ɔnne bɛ nwoma so nemɔ ngome.