Amose 7:12 - AHYERƐLƐ KRONGRON

¹² Yeɛ Amasia sele Amose kyɛ, “Ao, wɔ bɔ ɛse ase ɔ, nwati kɔ Yuda aseɛ so, ma wɔ sa hã wɔ noa aleɛ wɔ dɔ, ná hyɛ ngɔm wɔ dɔ,

Amose 7:12 Iomraidhean Croise

2 Aberɛso Dwirɛ 16:10

Asa fɛle biaa bɔ ɔse ase ne aso yaa, na Asa bɔle ye panwu fale ye tole kuku nu, ofikyɛ edwirɛ ne mane Asa fɛle yaa paa. Afei sɔ mmerɛ ne, Asa tanene maen ne anu ama nemɔ bie nye.

Yesaya 30:10

Na bese mmenia bɔ bɛse ase ne kyɛ, “Nnɛma ɛmɔnwu nikye”; yeɛ bese ngɔmhyɛlɛfoɛ koso kyɛ, “Nnɛma ɛmɔhyɛ edwirɛ nahorɛ nwo ngɔm bekyire yɛ; na mmom ɛmɔhã edwirɛ bɔ ɔyɛ yɛ so anu fɛ ɔ behyire yɛ, ɛ́mɔli ngɔndorɔ,

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Hesekiel 13:19

Ɔnate ayuo bɛ sa bum kãa bie, ɔne paanoo bue kãa bie ti, ɛmɔagua me nwo fiɛ wɔ me maen nyunu. Ɛmɔlakalaka me maen bɔ okuro nnakannaka tielɛ, na ɔnate so ɛmɔku mmenia bɔ bɛmvata ewue, yeɛ ɛmɔyakyi bɛ bɔ bɛfata ewue ɔ.

Amose 2:12

“Nakoso ɛmɔmane nasiritefoɛ nemɔ nzaa maa bɛnone, na ɛmɔhyɛle ngɔmhyɛlɛfoɛ nemɔ kyɛ, ‘Nnɛma ɛmɔhyɛ ngɔm!’

Amose 7:11

Ofikyɛ Amose nwa: ‘Yeroboam kɔtɔ ngrandɛ noa, na bɛkɔhye Yisrael nnure bekofi bɛ bɔbɔ b’aseɛ so bɛkɔhɔ amba.’ ”

Malaki 1:10

O, ɛmɔ nu nwa yeɛ ɔkɔɔtoto anoa nemɔ anu ɔ, amaa ɔnate so ɛmɔangɔ anzɔ m’afɔleɛ bokyea ne aso see mbaen. Me kunu ndwo wɔ ɛmɔ nwo, yeɛ mengole ɛmɔ sa nu afɔleɛ ne, Asafo AWURADE noa dwirɛ ɛne.

Mateo 8:34

Na yieee, kurotue ne amukoraa bɛbɔle twi beeyiale Yesu, na benwuni ye nen, bɛsrɛle ye kyɛ ofi bɛ mbɔtam berɛ hɔ.

Luka 13:31

Na sɔ mmerɛ ne anu, Farasiifoɛ biemɔ wale beesele ye kyɛ, “Fi wa kɔ, ofikyɛ Herode pena wɔ ku wɔ!”

Asomafoɛ 16:39

Yiti bɛɛyɛle bɛ dibem; bɛyele bɛ befili kuku nu, na bɛsrɛle bɛ kyɛ befi kuro berɛ bɛhɔ.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

1 Samuel 2:36

Na wɔ bosoniɛ biala bɔ ɔkɔha ne, ɔkɔhɔ ɔsɔfo ne berɛ kɔɔkoto kɔsrɛ ye sikaa ne aleɛ, na ɔkɔha kyɛ, Mesrɛ wɔ ala, fa ɔsɔfo adwuma ne ko maa nyɔ, ná nya aleɛ kãa nni.’ ”

1 Samuel 9:9

(Daa ne, wɔ Yisrael, né sɛ ebie ɔkwaabisa Nyameɛ berɛ dwirɛ a, ɔka kyɛ, “Ɛmɔbra ma yɛhɔ Nyameɛ sona bɔ ɔse ase ne berɛ”, ofikyɛ sona bɔ ɛnɛ ye bɛfrɛ ye ngɔmhyɛlɛniɛ ne, daa ne de, né bɛfrɛ ye Nyameɛ sona bɔ ɔse ase ɔ).