Amose 7:11 - AHYERƐLƐ KRONGRON

¹¹ Ofikyɛ Amose nwa: ‘Yeroboam kɔtɔ ngrandɛ noa, na bɛkɔhye Yisrael nnure bekofi bɛ bɔbɔ b’aseɛ so bɛkɔhɔ amba.’ ”

Amose 7:11 Iomraidhean Croise

2 Ahemvo 17:6

Hosea lili hene ne, afoɛ bɔ ɔtɔ so ngona ne anu, Asiria hene ho fale Samaria. Ɔsesale Yisraelfoɛ hɔle Asiria. Ɔfale bɛ ooguale Hala, asue Habo bɔ ɔla Gosan ne anoa, ɔne Medese nguro nemɔ aso.

Edwein 56:5

Daa biala bɛpena kyɛ me noa tɔ, me nwo porɛ alaa yeɛ bɛbɔ ɔ.

Yeremia 26:9

Nzu ati yeɛ afa AWURADE dumaa ahyɛ ngɔm kyɛ, ‘Awuro he kɔyɛ kyɛ Silo, ná kuro ye koso kɔyɛ kurofoen, bɔ ebiala ngɔtena so ɔ’?” Na mmenia ne amukoraa bɛpɛle Yeremia nwo beyiale wɔ AWURADE awuro berɛ.

Yeremia 36:16

Na ɔwale kyɛ, bɛtele sɔ dwirɛ ne amukoraa nen, bɛ nwo dwirili bɛ maa ebiala neane obiɛngo nyunu, na besele Baruku kyɛ, “Odi kyɛ yɛfa edwirɛ he amukoraa yɛkɔbɔ Nana amaneɛ.”

Amose 1:1

Yuda hene Yusia aberɛ so, yeɛ Yisrael hene Yoase awa Yeroboam aberɛ so, afoɛ nyɔ koraka yeɛ aseɛ baawoso ne, Amose bɔ ɔboka Tekoa mmoaenneafoɛ nemɔ aso ne, edwirɛ bɔ onwuni ye fale Yisrael nwo ne, ye ɛhe.

Amose 7:10

Afei Betel sɔfo Amasia tole ngraa ɔɔmane Yisrael hene Yeroboam kyɛ, “Amose abɔ wɔ nwo porɛ wɔ Yisrael awuro ama mɔ nu’. Ye noa dwirɛ ne amukoraa kɔbɔ maen ne.

Amose 7:12

Yeɛ Amasia sele Amose kyɛ, “Ao, wɔ bɔ ɛse ase ɔ, nwati kɔ Yuda aseɛ so, ma wɔ sa hã wɔ noa aleɛ wɔ dɔ, ná hyɛ ngɔm wɔ dɔ,

Amose 7:9

Yisake asɔneyɛɛ nemɔ kɔkakyi kurofoen, Yisrael nekaa krongron nemɔ kɔkakyi aseɛ pralaa, na ngɔfa ngrandɛ ngɔho ngotia Yeroboam awuro ama.”

Mika 1:16

Tete wɔ ti ná bɔ tikwa, ɔnate wɔ mma bɔ bɛmaa enya anika ne ati; ma wɔ tikwa ne ɔyɛ kyɛ ɛpɛtɛ deɛ, ofikyɛ bɛkɔhye bɛ nnure bekofi wɔ nwo bɛkɔhɔ.

Mateo 26:61

na bɛhane kyɛ, “Sɔ akoaa he hane kyɛ, ‘Ngɔhora ngobubu Nyameɛ asɔneyɛɛ sua ne, ná mafa ɛlɛsa masi.’ ”

Asomafoɛ 6:14

ofikyɛ yɛtele kyɛ ɔkã kyɛ sɔ Yesu ne bɔ ofi Nasarɛte ne, okodwiri ɛwa kogua, ná wasa wasesã amanneɛ bɔ Mose hyehyɛle mane yɛ ne!”