Amose 6:6 - AHYERƐLƐ KRONGRON

⁶ ɛmɔ bɔ ɛmɔno nzaa awaa bɔ wayi to, bɔ ɛmɔfa sakyeɛfona paa bɛpopa, nakoso ɔmva ɛmɔ nwo kyɛ Yosef ɔbɔ ɔ!

Amose 6:6 Iomraidhean Croise

Gyenesise 49:22

Yosef te bakaa mmaen frɔmfrɔm bɔ osu ɔ, bakaa mmaen frɔmfrɔm bɔ osu ná opingye asue ti ɔ; ye mmaen bua kogua fasue so.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

Ɛseta 3:15

Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Yesaya 28:1

Wɔ yaakɔ, Efraim akɔnomnzafoɛ anwomasoɛ abotire ne, ɔne ye nyerɛen nyemenenyemene bɔ ye nyemene gu so okyikyi ne, abotire bɔ ɔwɔ bɔnza bɔ ɔkye aleɛ ne ti afia, akɔnomnzafoɛ bɛ kuro ne!

Yesaya 5:12

Bɛ yeɛ bɛfa sangoo, adengum, akasaa, awɛen ne nzaa bɛkɔ bɛ poentolɛ bo ɔ, nakoso bɛmva nningyein bɔ AWURADE yɔ ɔ bɛnyɔ huu ɔ, yeɛ ye sa noa adwuma koso bennwu ye.

Yeremia 30:7

Edwirɛ awa oo! Ofikyɛ sɔ kyẽa ne, ɔte kyẽa piri, bɔ kyẽa biala nne berɛ bɔ ɔte kyɛ ye ɔ. Ɔte aworabɔlɛ mmerɛ ma Yakob, nakoso okonya ye ti kodidi nu kofi nu.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Hosea 3:1

Yeɛ AWURADE sele me kyɛ, “Sa kohuro braa adwamanbɔlɛniɛ bɔ ɔte agyaasɛkyelɛniɛ ne, kyɛbɔ AWURADE kuro Yisraelfoɛ dwirɛ, nakoso bɛso nyameɛ foforɛ mɔ, ná bekuro borɔdoma bɔ babobɔ ye kunguma ɔ.”

Amose 2:8

Ndena bɔ bafa basi bɛ berɛ awowaa ne, bɛfa bɛsesɛ afɔleɛ bokyea biala anwo bɛda so, na bɛtɔ mmenia bedi a, nu nzaa ne, bɛno ye wɔ bɛ nyameɛ mɔ awuro.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Yohane 12:3

Yeɛ Maria fale sakyeɛfona paa towaa ko, bɔ ye nyɔboɛ yɛ se paa ɔ, na ɔfa popale Yesu gya bo, na ɔfale ye ti nwiaa nununi ye gya bo; na sakyeɛ ne fona lele awuro berɛ amukoraa.

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

1 Korintofoɛ 12:26

Sɛ akwaa ko nwo kã a, ɔkã bɛ mukoraa. Yeɛ sɛ bɛhyɛ akwaa ko animnyam a, ɔyɛ ye ne akwaa ngaa ne amu fɛ.

1 Timoteo 5:23

Nnɛno nzue ngome ko, na ɔnate wɔ ko bɔ ɔha wɔ, ɔne fonɔnfonɔn bɔ ɛtaa yɛ ne ati, no bobe nzaa kãa.