Amose 6:4 - AHYERƐLƐ KRONGRON

⁴ “Ɛmɔ yaakɔ! Ɛmɔ bɔ ɛmɔla mba bɔ bafa ɛsoen gye bayɔ ɔ so, bɔ ɛmɔtwe ɛmɔ nu wɔ ɛmɔ bɛen so, bɔ ɛmɔku mmoaen kure ne anu mmoaen akrɔngrɔma mɔ, ɔne tuin ne anu nandwie akrɔngrɔma mɔ bedi ɔ;

Amose 6:4 Iomraidhean Croise

Gyenesise 37:25

Ye si ye, bɛtenane ase kyɛ bedidi. Na bɛmane bɛ ti so ne, benwuni Yismaelfoɛ dwadifoɛ bɔ bɛtete afupɔngɔ so, bɔ befi Gileade bɛ́kɔ Misraim ɔ. Né b’afupɔngɔ mɔ bɛsoso pɔweɛ, sakyeɛ ne asãa.

Ɛseta 1:6

Bɛfale mbɛmuɛ tena fufue ne bibire, bɔ nwera ne koogyan sinzesinze so, bɔ ɛdwetɛ ngaa ne nyɔboɛ fufue sosɔ bɛ noa ɔ yeɛ besiesiele berɛ. Né mba bɔ bafa sikaa kɔkorɛ ne ɛdwetɛ baboro bɛ nwo ɔ gyigyi berɛ. Aseɛ bɔ mba nemɔ gyigyi so ne, né bafa nyɔboɛ kɔkorɛ ne nyɔboɛ fufue ne nyɔboɛ hyɛnn ne nyɔboɛ hyɛnhyɛnn yeɛ basiesie berɛ.

Edwein 73:7

Bayɛ piri ma bɛ nye asi ayɛ kutukutuu, ngwaseasɛm yeɛ wayi bɛ ti anu to ɔ.

Yesaya 22:13

Nakoso nea: anwosɛpɛlɛ ne anigye, nandwie ne mmoaen hunɛ, naenlilɛ ne nzaanonɛ. (Na ɛmɔnwa) “Ɛ́mɔma yɛdidi ná yɛno, ofikyɛ ɛhema né yawu.”

Yesaya 28:1

Wɔ yaakɔ, Efraim akɔnomnzafoɛ anwomasoɛ abotire ne, ɔne ye nyerɛen nyemenenyemene bɔ ye nyemene gu so okyikyi ne, abotire bɔ ɔwɔ bɔnza bɔ ɔkye aleɛ ne ti afia, akɔnomnzafoɛ bɛ kuro ne!

Yeremia 16:8

Nnɛkɔ awuro bɔ bɛto poen wɔ nu ɔ nu ɛne bɛ kɔtena ase bedidi bɛno.

Hesekiel 16:49

Tie, eliɛma brasua Sodom ye amumuyɛɛ ɛhe: ɔne ye mma mmrasua mɔ bɛyɛle ahandaen, adidi mmorosoɛ, benyane bɛ nwo mane bɛ so anu tɔle bɛ, yeɛ bammoka ehiafoɛ ne bɛ bɔ bɛyɛ anwumvo ɔ.

Hesekiel 23:41

ɛtenane mba nyemenenyemene so, ɛfale poen siele mba ne nyunu berɛ, na ɛfale m’ayirefona ne me ngoo siesiele so.

Amose 3:12

Bɔ AWURADE kã hɔ ɛhe: “Kyɛbɔ mmoaenneafoɛ ɔpepɛ de agyirɛ nyɔ anaa asoɛ bue fi gyata noa nu ne, sɔ ala yeɛ bɛkɔpepɛ bekole Yisraelfoɛ bɔ bɛtete Samaria wɔ mba ndweasoɛ so ne bɛen bue so ɔ.

Amose 8:3

Na asɔneyɛɛ sua ne anu dwein kɔkakyi awuyebɔlɛ sɔ kyẽa ne, AWURADE Nyameɛ noa dwirɛ ɛne. Efuin pee kogua nekaa biala; na bekogyi bɛ bekogua nekaa biala konn!”

Mika 6:12

Ofikyɛ basabasayɔlɛ wali sikafoɛ nemɔ bɛ ti, kuro ne anu ama bɛpɛ ngondombo, na bɛ noa nu dwirɛ te nnakannaka.

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Yakobo 5:5

Ɛmɔ asetena nu wɔ aseɛ ye aso te anigye ne ahohwibra; na ɛmɔayɛ bɛ nwo twɔtwɔfee bama akumyɛɛ kyẽa ne.