Amose 6:2 - AHYERƐLƐ KRONGRON

² Ɛ́mɔpɛ nu bɛhɔ Kalene bɛɛnea, na ɛmɔfi berɛ a, ɛmɔhɔ kuro piri Hamate; afei ɛ́mɔtoro bɛhɔ Filistifoɛ kuro Gate. Aso bɛte paa bɛtra sɔ ahennie hemɔ? Anaa b’aseɛ te piri tra ɛmɔ aseɛ anaa?

Amose 6:2 Iomraidhean Croise

Gyenesise 10:10

Ye ahennie ne bɔle ye bo wɔ Babɛl, Ɛreke ne Akade, na bɛ mukoraa bɛwɔ Sinari aseɛ so.

2 Samuel 8:9

Na mmerɛ bɔ Hamate hene Toyi tele kyɛ Dawide ali Hadadesa koɛhonɛfoɛ amukoraa so ngonim ne,

1 Ahemvo 8:65

Yiti sɔ mmerɛ ne, Solomon ne Yisraelfoɛ amukoraa, ofi Lebo Hamate bɔ ɔkwaadwu Misraim bɔnza ne anu, bɛbɔle dwaa kandinga belili aluolue ne wɔ AWURADE yɛ Nyameɛ nyunu ɛlɛsoo.

2 Ahemvo 17:24

Asiria hene fale mmenia fili Babilɔn, Kuta, Awa, Hamate ne Sefawim, na ɔmaa bɛɛtenatenane Samaria nguro nemɔ aso besili Yisraelfoɛ mɔ agya nu. Bɛfale Samaria bɛyɛle bɛ deɛ, na bɛtenane ye nguro nemɔ aso.

2 Ahemvo 17:30

Babilɔnfoɛ yɔle bɛ nyameɛ bɔ bɛfrɛ ye Sukote Benote; Kutefoɛ yɔle bɛ deɛ bɔ bɛfrɛ ye Negal Hamatefoɛ yɔle bɛ deɛ bɔ bɛfrɛ ye Asima;

2 Ahemvo 18:34

Hamate ne Apade nyameɛ nemɔ, bɛwɔ ni? Sefawim, Hena ne Yiwa nyameɛ nemɔ, bɛwɔ ni? Bahora bapepɛ bale Samaria bafi me sa nu anaa?

2 Ahemvo 19:13

Hamate hene, Apade hene, kuro Sefawim hene, Hena hene, ɔne Yiwa hene, bɛwɔ nisua?

2 Aberɛso Dwirɛ 26:6

Yusia sili nu ɔɔfale koɛ ɔtoale Filistifoɛ, na obubuli Filistifoɛ nguro hemɔ fasue guaguale ase: Gate, Yabene ne Asedɔde. Na ɔkyekyele nguro wɔ Asedɔde mbɔtam ne Filistifoɛ aseɛ nemɔ aso.

Yeremia 49:23

Bɔ ɔfa Damasko nwo ɛhe: Hamate ne Apade nyunu agua ase, ofikyɛ bate edwirɛ bɔ ɔnyɛ fɛ ɔ; ahunundetelɛ atɔ bɛ so, aworabɔlɛ wɔ ɛpo so, ɔngora nyɛ konn.

Nahum 3:8

Aso ɛte paa tra No Amon bɔ ɔla asue piri ne noa, bɔ asue mɔ bapɛ ye nwo bayia, bɔ ɛpo te ye ɛwaen, ná asue mɔ bɛte ye fasue ne?

1 Samuel 17:23

Na ye noa wɔ so bɔ ɔne bɛ bedwudwo nen, Filistiniɛ kwabranoa ne, bɔ oli Goliate, bɔ ofi Gate ne, ofili Filistifoɛ bɛ koɛhonɛfoɛ nemɔ anu dɔ wale oogyinane berɛ. Ɔhane edwirɛ komapɛ bɔ ɔyɛ a ɔka ne ala, na Dawide tele bɔ ɔhane ne.

1 Samuel 17:4

Na bienzua kwabranoa bie fili Filistifoɛ asikyeleɛ ne anu oogyinane anyunu. Oli Goliate, ofi Gate, na ye tendenn te agyirɛ ngona ne bɛ sa mmɛseka ko.

1 Samuel 5:10

Yiti bɛmaa bɛfale Nyameɛ apam alaka ne bɛhɔle Ekron. Nakoso bɛfale Nyameɛ apam alaka ne bedwuli Ekron nen, Ekronfoɛ teateane nu kyɛ, “Bafa Yisrael Nyameɛ apam alaka ne bawa yɛ wa kyɛ bɛbaafa bekuku yɛ ne yɛ kuro ama.”

1 Samuel 5:8

Yiti bɛsomane maa bɛɛfrɛfrɛle Filisti ahemvo amukoraa maa beyiale, na bebisale bɛ kyɛ, “Yisrael Nyameɛ apam alaka ne, yɛ́yɛ ye sɛ koraa?” Na bebuale kyɛ, “Ɔsɛ kyɛ yɛye Yisrael Nyameɛ apam alaka ne yɛfi wa yɛkɔ Gate.” Yiti bɛyele Yisrael Nyameɛ apam alaka ne befili berɛ bɛhɔle Gate.