Amose 6:11 - AHYERƐLƐ KRONGRON

¹¹ Tie, AWURADE afa ahyɛdeɛ wama, na bekobubu awuro piri ne bekogua gyirigorɔɔ, ná babu sua ba ne bagua ase bɔkɔɔ.

Amose 6:11 Iomraidhean Croise

2 Ahemvo 25:9

Ɔyerale AWURADE awuro ne, ahemvie ne, yeɛ Yerusalem sua amukoraa. Ɔyerale sua biala bɔ odi mu ɔ.

Edwein 105:16

Ɔmane ɛhɔen wale aseɛ ne aso, ná ɔsɛkyele b’aleɛ amukoraa ne,

Edwein 105:31

Odwudwole, na atuin pembepembe paa yeɛ ngondia wale bɛ maen ne anu nekaa biala.

Edwein 105:34

Odwudwole, na mmɛbɛ wale, yeɛ nduro bɔ ɛka a ennwu bɛ noa ɔ;

Nworɛ Dwirɛhanɛniɛ 10:18

Ɔnate ɛfoen ti sua kwatena bu gua nu, yeɛ anyeɛhalɛ ma sua nwi.

Yesaya 13:3

Me yeɛ mafa ahyɛdeɛ mama me mmenia krongron nemɔ ɔ; masa mato me sa mafrɛ me koɛhonɛfoɛ, bɔ bedi me ngonim nwo ahurusi ne, kyɛ bégyina me yaafɛlɛ ne aso bɛ́yɔ bɔ mepena ɔ.

Yesaya 55:11

sɔ ala yeɛ me dwirɛ bɔ ofi me noa kɔwa ne ɔte ɔ. Ongosa ngɔwa me berɛ mbaen, na mmom sana wayɔ bɔ mekuro kyɛ meyɔ ɔ, ɔne kyɛ okoyie botaeɛ bɔ yiti yeɛ nzomane ye ɔ.

Hosea 13:16

Samaria kɔsoa ye foɛlilɛ, ofikyɛ wayɛ ye Nyameɛ nwo lɔen. Bɛkɔtotɔ ngrandɛ noa, bɛkɔtete bɛ mma nnɔma mɔ ti bɛkɔbobɔ berɛ, na bɛkɔpakyepakye bɛ pemvoɛ mɔ kunu.

Amose 3:15

Ngobubu prakasua mmerɛ sua ne ahuhuro mmerɛ sua nemɔ ngogua ase, ɛsoen gye sua nemɔ kɔsɛkyesɛkye, na awuro mbiri mbiri nemɔ kobubu kogua ase gyirigorɔɔ,” AWURADE noa dwirɛ ɛne.

Amose 5:11

Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Amose 6:8

AWURADE Nyameɛ wata ye nwo ndaen, (AWURADE, Asafo Nyameɛ nwa), “Yakob ye anwomasoɛ ne yɛ me tɛ, yeɛ mekyi ye anwoserɛ afealeɛ nemɔ; yiti ngɔfa kuro ne, ɔne bɔ ɔwɔ nu amukoraa ngowura pɔfoɛ mɔ sa.

Amose 9:1

Nwuni AWURADE kyɛ ogyi afɔleɛ bokyea ne aso, na ɔhane kyɛ, “Bonima abotire ne, fa nikyee bɔ so maa aponnwaa nemɔ bɛwoso, ná dwiri gua bɛ mukoraa bɛ ti so, na ngɔfa ngrandɛ ngohũhũ bɛ bɔ baha ne’. Bɔ ɔkɔyɛ kyɛ ɔnwati biala, ɔngɔhora nwati, yeɛ bɔ okofi nu kofite biala, ongonya ye ti ngodidi nu.

Amose 9:9

“Ofikyɛ tie, ngɔfa ahyɛdeɛ ngɔma, na ngohuhu Yisrael awuro ama so wɔ maen maen amukoraa nu, kyɛbɔ behuhu aburoo so wɔ huhuamoa nu ɔ, nakoso aburoo ne kaaba ko po ngɔtɔ ase.

Nahum 1:14

AWURADE ahyɛ wɔ nwo mmeraa kyɛ, “Wɔ dumaa komini kofi aseɛ ye aso: Na mmosoen bɔ base ne mmosoen bɔ bahuro nikyee bafa bayɔ ne, ngɔpra bɛ bo ngofi wɔ nyameɛ mɔ b’awuro. Ngofu w’asieleɛ, ofikyɛ wɔ nwo ayɛ fitii.”

Sakaria 14:2

Ofikyɛ ngɔboaboa maen maen mukoraa bɛ noa maa bɛkɔfa koɛ bɛkɔteta Yerusalem, bɛkɔho bɛkɔfa kuro ne, bɛkɔfẽ awuro nemɔ anu nningyein, ná bato mmrasua nemɔ mmɔnaa. Kuro ne anu ama ne, bɛkɔhye nu bue nnure bɛkɔhɔ, nakoso maen ne ngaa de, bengohu bɛ ngofi kuro ne anu.

Malaki 1:4

Na sɛ Edom kã kyɛ, “Babɔ yɛ maen ne de, nakoso yɛkosa yɛkosi bɔ badwiri bagua ne” a, bɔ Asafo AWURADE ɔkã ole kyɛ, “Bekosi de, nakoso ngodwiri ngogua. Na mmenia kɔto bɛ dumaa kyɛ, “Amumuyɛɛfoɛ maen,” ne “Maen bɔ AWURADE afɛ bɛ so yaa afebɔɔ ɔ.”

Luka 19:44

bekodwiri wɔ bekogua ase, ɛne wɔ mma bɔ bɛwɔ wɔ nu ne, na bɛngɔyakyi nyɔboɛ bɔ ogyi nyɔboɛ so ɔ wɔ wɔ nu; ɔnate kyɛ annwu mmerɛ bɔ ɔlole wɔ ɔɔneane wɔ ne.”