Amose 6:10 - AHYERƐLƐ KRONGRON

¹⁰ Na sɛ abusuaniɛ, bɔ ye yeɛ odi kyɛ osie fuin ne, okuku fuin ne fi awuro ne anu, na obisa ebie wɔ awuro ne akunu dɔ kyɛ, “Aso sona bieku tɛ boka wɔ so wɔ berɛ anaa” a, okobua kyɛ, “Daabi.” Na ɔkɔhã kyɛ, “Mua wɔ noa. Onni kyɛ yɛbɔ AWURADE dumaa.”

Amose 6:10 Iomraidhean Croise

2 Ahemvo 23:16

Afei Yosia pɛnene ye nye, na onwuni asieleɛ mɔ bɔ bɛwɔ bokaa ne aso ne. Ɔmaa bɛɛsesale sona mmowue befili asieleɛ nemɔ anu bɛwale. Ɔyerale bɛ wɔ afɔleɛ bokyea ne aso, na ɔnate so ɔfale efiɛ hane afɔleɛ bokyea ne. Ɛhe sili kyɛbɔ AWURADE dwirɛ bɔ ɔnate Nyameɛ sona ne aso hane [wɔ mmerɛ bɔ Yeroboam oogyinane afɔleɛ bokyea ne anwo aluolue kyẽa ne,] ɔte ne ala. [Yosia pɛnene ye nye, na onwuni Nyameɛ sona bɔ ɔhyɛle sɔ ngɔm ne ye asieleɛ ne.]

2 Ahemvo 6:33

Na ogu so ɔne bɛ dwudwo ne, ɛbɔfoɛ ne wale ye berɛ osele kyɛ, “AWURADE yeɛ wama amaneɛ he awa ɔ! Nzu ati yeɛ odi kyɛ mekɔ so mefa me nwo meto ye so ɔ?”

Yeremia 16:6

Atitire mɔ ne kwahweabaa mɔ, bekowuwu wɔ aseɛ ye aso. Bengosie bɛ, bengosu bɛ, yeɛ bengogyina bɛ wue ne aso bɛngɔtete bɛ nwonaen anaa bɛngɔbɔ tikwa.

Yeremia 44:26

Yiti, Yudafoɛ bɔ ɛmɔte Misraim aseɛ so amukoraa, ɛ́mɔtie AWURADE noa dwirɛ: Ɛ́mɔtie, mafa me dumaa kandinga ne mata ndaen kyɛ, Yudaniɛ biala ngɔbɔ me dumaa ngɔta ndaen wɔ Misraim aseɛ amukoraa so ko kyɛ, ‘Kyɛ AWURADE Nyameɛ te ase ye,’ AWURADE noa dwirɛ ɛne’.

Yeremia 9:21

Ofikyɛ ewue afo waagyina yɛ mboma mɔ anu, wawura y’ahemvie mɔ anu, kyɛ ɔbaahũhũ ngwadaa nemɔ fi dwaa nemɔ aso, yeɛ mmerandeɛ nemɔ fi mmorɔnoɛ nemɔ aso.

Hesekiel 20:39

“Na ɛmɔ, Yisrael awuro ama, AWURADE Nyameɛ nwa nyoo: Sɛ ɛmɔngotie me dwirɛ de a, nzaade afei ɛmɔ nu biala ɔhɔ ɔɔso ye mmosoen. Nakoso ye si ye, nnɛma ɛmɔfa ɛmɔ akyɛdeɛ ne ɛmɔ mmosoen ne begua me dumaa krongron ne nwo fiɛ ko.

Hesekiel 24:21

‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Amose 5:13

Ɔnate sɔ ati, nworɛfoɛ komua bɛ noa wɔ sɔ mmerɛ ne anu, ofikyɛ ɔte mmerɛ tɛɛ.

Amose 8:3

Na asɔneyɛɛ sua ne anu dwein kɔkakyi awuyebɔlɛ sɔ kyẽa ne, AWURADE Nyameɛ noa dwirɛ ɛne. Efuin pee kogua nekaa biala; na bekogyi bɛ bekogua nekaa biala konn!”

Numeri 17:12

Yisraelfoɛ sele Mose kyɛ, “Yawu oo, yawu yayie, yɛ mukoraa yawu yayie!

1 Samuel 31:12

bɛ koɛhonɛfoɛ ahoneserɛfoɛ nemɔ penene atee so. Bɛnatele kɔngɔen ne toonn, na bɛɛyele Sɔɔlo ne ye mma nemɔ fuin befili Bete San fasue ne anwo. Na bɛfale bɛ bɛwale Yabese bɛɛyerale bɛ wɔ berɛ.