Amose 6:1 - AHYERƐLƐ KRONGRON

¹ “Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Amose 6:1 Iomraidhean Croise

1 Ahemvo 16:24

Omri tɔle Samaria bokaa ne ɛdwetɛ kilo aburasoo fili Semere berɛ. Ɔkyekyele kuro wɔ bokaa ne aso. Na kuro bɔ ɔkyekyele ne, ɔtole ye dumaa Samaria. Ɔfa tole Semere bɔ né ɔte bokaa ne mene ne.

Edwein 123:4

Mmenia bɔ bɛ nwo atɔ bɛ ne, bagoro yɛ kra nwo maa wafono yɛ, yeɛ anwomasoɛfoɛ bagua yɛ kra nyunu ase maa wafono yɛ.

Anyandera 1:32

Ofikyɛ bɛ bɔ b’adwene te nganga ne, foɛtulɛ nwo asoserɛ yeɛ okohu bɛ ɔ, na ngwaseafoɛ bɛ yeeyɛlɛ yeɛ okohu bɛ ɔ.

Yesaya 33:14

Ɛserɛ ahã bɔnefoɛ bɔ bɛwɔ Sion ɔ, ahunundetelɛ atɔ bɛ bɔ benzuro Nyameɛ ɔ so. (Bɛnwa:) “Yɛ nu nwa yeɛ ɔkɔhora ɔne see bɔ ogye wuronyiwuronyi ne bɛkɔtena ɔ? Yɛ nu nwa yeɛ ɔkɔhora ɔne see wuronyiwuronyi bɔ ogye afebɔɔ ne bɛkɔtena ɔ?”

Yeremia 2:3

Né Yisrael te krongron ma AWURADE, ye fieso aleɛ bɔ olili moa fale hɔ ɛne; bɛ bɔ belili bie amukoraa belili fɔ; musue tole bɛ, AWURADE noa dwirɛ ɛne.”

Yeremia 48:11

“Moabo atena asomdwee nu fi ye ngwadaa nu, wayɛ kyɛ nzaa bɔ ye pue ne la ye bo ɔ; banhwie ye bamvi akotokyiwa ko anu bangua foforɛ nu, yeɛ bangye ye nnure bangɔ. Yiti ye fɛɛ ne tɛgyi ye nu, na ye fona ne, ɔssesane.

Yeremia 49:31

“Ɛ́mɔdwɔso, ɛ́mɔfa koɛ bɛɛtoa maen bɔ ye nwo atɔ ye, bɔ ɔte asomdwee nu, bɔ olle pambim mɔ anaa buralɛ bɔ ɔbeabea pambim mɔ si, maen bɔ ye ngome yeɛ ɔte berɛ ne, AWURADE noa dwirɛ ɛne.

Yeremia 5:5

Ngɔhɔ atitirefoɛ nemɔ berɛ, ngoodwudwo ngohyire bɛ; ofikyɛ bɛ de, bɛse AWURADE atee ne, ɔne bɛ Nyameɛ mmeraa ne.” Ofikyɛ bɛ mukoraa babubu kɔnnua ne anu, yeɛ babubu wɔ panwu ne anu.

Yeremia 7:4

Nnɛma ɛ́mɔfa ɛmɔ wora bewura ngondombo dwirɛ hemɔ anu: ‘AWURADE asɔneyɛɛ sua ne, AWURADE asɔneyɛɛ sua ne, AWURADE asɔneyɛɛ sua ne ɛhe.’

Awuye 1:1

Ao, kuro bɔ né mmenia ayɛ nu mitimiti ne, ye yeɛ afei waha ye ngome e! Kuro bɔ né odi mu wɔ maen maen mɔ nu ne, ye yeɛ afei wakakyi kyɛ kunaniɛ ye! Kuro bɔ né odi maen maen mɔ so hemmaa ne, ye yeɛ afei de bede ye ndɔ e!

Amose 3:2

“Aseɛ ye aso mmusua amukoraa, ɛmɔ angome yeɛ mese ɛmɔ ɔ; yiti ɔnate ɛmɔ amumuyɛɛ amukoraa ne ati, ngɔhwe ɛmɔ so.

Amose 3:9

Ɛ́mɔbɔ ye dawure wɔ Asedɔde anwoserɛ afealeɛ nemɔ anu, yeɛ Misraim aseɛ so anwoserɛ afealeɛ nemɔ anu, ná ɛmɔhã kyɛ, “Ɛ́mɔboaboa ɛmɔ noa wɔ Samaria mmokaa nemɔ aso, ɛ́mɔnea basabasa mbiri mbiri bɔ ɔkɔ so wɔ nu ɔ, ɔne nhyɛsoɛ bɔ ɔkɔ so wɔ nu ɔ.”

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 5:27

Yiti ngɔpɛ ɛmɔ asue ngɔhɔ Damasko si dɔ,” AWURADE bɔ ye dumaa ole Asafo Nyameɛ ne, ye noa dwirɛ ɛne.

Amose 8:14

Bɛ bɔ bɛfa Samaria mmosoen bɛteta ndaen bɛkã kyɛ, ‘Ao Dan, kyɛ wɔ nyameɛ te ase ye e’, yeɛ ‘Kyɛ Beɛ Seba atee te ase ye’ ne, bekofifi ase bɔ bengodwɔso ko ɔ.”

Amose 9:10

Me maen nu bɔnefoɛ amukoraa bɛkɔtotɔ ngrandɛ noa; bɛ yeɛ bɛkekã kyɛ, ‘Musue biala ngɔto yɛ anaa ɔngɔhora yɛ’ ne.

Mika 3:1

Na ngane kyɛ, Ao, mesrɛ ɛmɔ, ɛ́mɔtie oo, Yakob atitire ne Yisrael awuro ama mbanyi. Aso nna ɛmɔ yeɛ odi kyɛ ɛmɔnea kyɛ ndɛen turoloo kɔyɛ adwuma ɔ?

Sefania 1:12

Sɔ mmerɛ ne, ngɔfa kanea ngohyini ngɔneanea Yerusalem nu, na ngɔhwe bɛ bɔ bafa bɔne bayɛ bɛ nwo buru ne nnu nemɔ bɛ so, bɛ bɔ bɛkã ye bɛ ti anu kyɛ, ‘AWURADE ngɔyɔ ye nwo huu, kyɛ paa oo, anaa tɛɛ oo.’

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.

Yakobo 5:5

Ɛmɔ asetena nu wɔ aseɛ ye aso te anigye ne ahohwibra; na ɛmɔayɛ bɛ nwo twɔtwɔfee bama akumyɛɛ kyẽa ne.

1 Petro 5:7

Ɛ́mɔfa ɛmɔ dadwene amukoraa begua ye so, ofikyɛ ɔdwene ɛmɔ nwo.

Maenbulɛfoɛ 18:7

Mmienzua nnu ne toale b’ateetulɛ ne aso, na beedwuli Layise ne, benwuni kyɛ berɛ ama te berɛ asomdwee nu kyɛ Sidonfoɛ nemɔ ala, bɔ bɛndwene kyɛ edwirɛ tɛɛ bie kɔto bɛ ɔ. Né banya bɛ nwo tam bɔ hwee nhia bɛ ɔ. Afei koso né bembingye Sidonfoɛ koraa, yeɛ né bɛ ne Siriafoɛ koso belle hwee bɛnyɔ.