Amose 5:8 - AHYERƐLƐ KRONGRON

⁸ Ye bɔ ɔbɔle nzramaa kure ne Akɔtaen-ne-ye-mma, ye bɔ ɔkakyi awosii tunn maa ɔyɛ ngyerɛmɔ, ná ɔma eyia yɛ tunn kyɛ kɔngɔen, ye bɔ ɔfrɛfrɛ ɛpo nu nzue, ná ohwie gua aseɛ nyunu ne, ye dumaa ole AWURADE.

Amose 5:8 Iomraidhean Croise

YOB NWOMAA NE 12:22

Obukye mvealeɛ nu dwirɛ bɔ ɔfea awosii nu so, na ɔma awosii kabii kakyi hyireinn.

YOB NWOMAA NE 37:13

Kyɛ asohwenɛ ti ahɔ oo, anaa ye aseɛ ti ahɔ oo, anaa ye anwumvoinnwunɛ ti ahɔ oo, ɔma sɔ nningyein nemɔ besisi.

YOB NWOMAA NE 38:34

“Ɛkɔhora kɔtea nu kɔhyɛ munungum kɔma esue kandinga kɔtɔ kogua wɔ so?

YOB NWOMAA NE 9:9

Ye bɔ ɔyɔle nzramaa kure bɔ ɔwɔ ewienu sorɔ, ɔne ewienu afia, Akɔtaen-ne-ye-mma, yeɛ nzramaa kure bɔ ɔwɔ ewienu ngwaen.

Edwein 104:20

Ɛma awosii ba, na aleɛ sa, na sɔ mmerɛ ne yeɛ ɛhɔayeɛ nu ngaka amukoraa befitefite ɔ.

Edwein 105:28

Ɔsomane awosii, na ɔmane aseɛ ne aso yɛle tunn; nakoso bamva ye dwirɛ ne banyɛ huu.

Yesaya 42:16

Na ngɔyɛ anyesiniwaafoɛ taataa ngɔfa atee bɔ bɛnze so ɔ so; ngoli bɛ nyunu ngɔfa atimbire bɔ bɛnze so ɔ so. Ngɔma awosii kɔkakyi hyireinn wɔ bɛ nyunu, na ngɔma mmɔnga mmɔnga atee ne kɔla so. Bɔ ngɔyɔ ngɔma bɛ hɔ ɛne, na mengɔye me sa mengofi bɛ bo.

Yesaya 59:10

Yɛfuafua yɛpena terɛ kyɛ anyesiniwaafoɛ, yɛfuafua kyɛ bɛ bɔ belle anyeɛ ɔ; yɛsoti eyia ketee kyɛ kɔngɔen ahɔ ɔ, na yɛte kyɛ awufoɛ wɔ anwoserɛfoɛ nu.

Yeremia 16:21

“Yiti, tie, ngɔmaa bekonwu ye pɛen ko, ngɔmaa bekonwu me tumi ne m’anwoserɛ ne, na bekonwu kyɛ me dumaa ole AWURADE.”

Yeremia 33:2

“AWURADE bɔ ɔbɔle nikye ɔ, AWURADE bɔ ɔhyehyɛle fa tindimuni berɛ, bɔ ye dumaa ole AWURADE ne, ɔnwa nyoo:

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Amose 8:9

Na AWURADE nwa nyoo, “Ɔkɔwa kyɛ, sɔ kyẽa ne, ngɔma eyia kɔɔtɔ eyiagyina, na ngɔma awosii kɔwa aseɛ so eyia petee.

Amose 9:6

Ye bɔ osi ye aborɔsaen wɔ ewienu, ná ɔfa ye ngatasoɛ obutu aseɛ so; ye bɔ ɔfrɛfrɛ ɛpo nu nzue, ná ohwie bɛ gua aseɛ ye aso ne, ye dumaa ole AWURADE.

Mateo 4:16

maen bɔ ɔte awosii nu ne, wanwu kanea hyireinn; na bɛ bɔ bɛte ewue aseɛ awosii kabii so ne, kanea bie apukye ama bɛ.”

Luka 1:79

kyɛ ɔkɔta kɔma bɛ bɔ bɛtete awosii nu ɔne ewue wawoɛ nu ɔ, ná wayɛ yɛ taataa wahɔ asomdwee atee so.”