Amose 5:7 - AHYERƐLƐ KRONGRON

⁷ Ah, ɛmɔ bɔ ɛmɔkakyi ndɛenbualɛ turoloo maa ɔyɛ kyɛ abɔwee, ná ɛmɔgyi tenenee bɛto ase ɔ!

Amose 5:7 Iomraidhean Croise

Edwein 125:5

Nakoso mmenia bɔ bedi makyebu bɛfa b’atee bɔ ɔndengyɛ so ne de, AWURADE kɔfa bɛ kɔfra amumuyɛɛfoɛ so kɔfoa bɛ kofi berɛ. Asomdwee ɔ́tena Yisrael!

Edwein 36:3

Ye noa nu dwirɛ te bɔne ne nnakannaka; na bra bɔ nworɛ wɔ nu ná ɔte paa de, wayakyi ye bɔlɛ.

Anyandera 21:7

Amumuyɛɛfoɛ bɛ nzɛmmɔne kɔpra bɛ bo kɔhɔ, ofikyɛ bɛpo kyɛ bɛkɔyɔ bɔ ɔtengyɛ ɔ.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 10:1

Bɛ yaakɔ! Bɛ bɔ bɛhyɛ mmeraa tɛɛ ɔ, ɔne ahyerɛlɛfoɛ bɔ bɛkyerɛ nhyɛsoɛ mmeraa ɔ,

Yesaya 46:12

“Asoserɛfoɛ, ɛ́mɔyɛ asoɛ bétie me, ɛmɔ bɔ ɛmɔ ne tenenee b’afia atee wale ɔ:

Yesaya 5:20

Bɛ yaakɔ! Bɛ bɔ bɛkã kyɛ bɔne te paa, ɔne kyɛ paa te bɔne ɔ; bɛ bɔ bɛfa awosii bɛyɛ kanea, ná bafa kanea bayɛ awosii ɔ; bɛ bɔ bɛnwa nikyee weewee te menemene, ná nikyee menemene koso yɛ wee ɔ!

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Hesekiel 18:24

Nakoso sɛ teneneeniɛ twe ye nwo fi ye tenenee nwo, ná ɔkɔbɔ amumuyɛɛ bra, ná ɔbɔ akyiwadeɛ bra mukoraa bɔ bɔnefoɛ bɛbɔ ne a, yiti okonya ngoa anaa? Ye tenenee bra bɔ wabɔ amukoraa, mengɔkaye. Na ɔnate ye nahorɛ bɔ wanni bɔ odi ye nwo foɛ, ɔne bɔne bɔ wayɔ ne ati, okowu.

Hesekiel 3:20

Yeɛ sɛ teneneeniɛ odi ye tenenee nwo makyebu ɔkɔyɔ amumuyɛɛ, ná mefa sundidua meto ye atee nu a, okowu. Na ɔnate kyɛ ammɔ ye kɔkɔ ne ati, okowu ye bɔne nu, na bɛngɔkaye ye tenenee bra bɔ ɔbɔle ne; nakoso ye mogya de, wɔ berɛ yeɛ ngobisa ngofi ɔ.

Hesekiel 33:18

Sɛ teneneeniɛ kakyi ye si ma ye tenenee, ná ɔyɔ amumuyɛɛ a, nu yeɛ okowu ɔ.

Hosea 10:4

Bɛkekã edwirɛ mbaen mbaen; bɛta ndaen mbaen mbaen bɛfa bɛyeyɛ apam; yiti ndɛenbualɛ fifi wɔ bɛ nu kyɛ anafranaku, bɔ ofifi kofie so wɔ fieso ɔ.

Amose 2:3

Ngɔpɛ ye maenbulɛniɛ ne asue ngofi ye nu, na ngohũhũ atitire nemɔ amukoraa ngɔboka ye so,” AWURADE noa dwirɛ ɛne.

Amose 3:10

“Ofikyɛ bɛ bɔ bɛboaboa atianuserɛ ne awerɔm awue noa wɔ b’anwoserɛ afealeɛ mɔ anu ne, bɛnze kyɛbɔ bɛyɔ bɔ ɔtengyɛ ɔ,” AWURADE noa dwirɛ ɛne.

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.

Mika 3:9

Ɛmɔ, ɛ́mɔtie, Yakob awuro atitire, yeɛ Yisrael awuro ama mbanyi bɔ ɛmɔkyi ndɛenbualɛ turoloo, ná ɛmɔkyea pɛpɛɛpɛyɛlɛ amukoraa ɔ,

Habakuku 1:4

Yiti mmeraa ne, ɔnyɛ adwuma, yeɛ ndɛenbualɛ turoloo nne berɛ, ofikyɛ bɔnefoɛ bapɛ teneneefoɛ nwo babra bayia, na ndɛengyea yeɛ ɔkɔ so ɔ.

Sefania 1:6

yeɛ bɛ bɔ bayakyi AWURADE sililɛ, bɛ bɔ bɛmbena AWURADE si atee bɔ bɛmva bɛ dwirɛ bɛndo ye nyunu ɔ.”

Deuteronomi 29:18

Ɛ́mɔnea yé ná ɛmɔ nu biala, bienzua oo, brasua oo, abusua oo, anaa abusua kure oo, wandwe ye nwo ɛnɛ kyẽa ye wamvi AWURADE yɛ Nyameɛ nwo, kyɛ ɔkwaaso sɔ maen maen nemɔ bɛ mmosoen nemɔ. Nnɛma ɛmɔ nu bie yɛ ye nwo bakaa weewee bɔ ye noa le ɛborɔ ɔ.