Amose 5:5 - AHYERƐLƐ KRONGRON

⁵ Nnɛma ɛmɔpena Betel si ate, yeɛ nnɛma ɛmɔkɔ Gilgal, yeɛ nnɛma ɛmɔpɛ nu bɛkɔ Beɛ Seba; ofikyɛ bɛkɔhye Gilgal nnure bɛkɔhɔ amba, yeɛ Betel kɔbɔ.”

Amose 5:5 Iomraidhean Croise

Gyenesise 21:31

Yiti bɛfrɛle berɛ Beɛ Hyeba, ofikyɛ berɛ yeɛ bɛ munyɔ bɛtale ndaen ɔ.

Gyenesise 21:33

Abraham luale akyea wɔ Beɛ Hyeba, na ɔsɔnene AWURADE bɔ ɔte Ɛdangama Nyameɛ ne berɛ.

Gyenesise 26:23

Na Yisake fili berɛ ne, ɔhɔle Beɛ Hyeba.

Gyenesise 26:33

Na ɔfrɛle ye Hyiba. Yiti kuro ne dumaa li Beɛ Hyeba bapem ɛnɛ.

1 Ahemvo 12:28

Yiti Nana Yeroboam fale adwene, na ɔfale esikaa kɔkorɛ yɔle nandwie mmaa nyɔ. Osele maen ne kyɛ, “Ɛmɔahɔ Yerusalem bie a, ɔte paa. Yisrael ee, ɛmɔ nyameɛ mɔ bɔ bɛyele ɛmɔ befili Misraim aseɛ so bɛwale ne, bɛ ɛhe.”

1 Ahemvo 12:29

Ogyinane ko wɔ Betel, yeɛ ogyinane ko koso wɔ Dan.

2 Ahemvo 23:8

Ɔboaboale asɔfo nemɔ amukoraa bɛ noa fili Yuda nguro nemɔ anu, na asɔneyɛɛ mɔ bɔ né asɔfo nemɔ bayera ɛyɛɛ wɔ so ne, ɔfale efiɛ hane bɛ, ofi Geba bɔ ɔkwaadwu Beɛ Hyeba. Asɔneyɛɛ nemɔ bɔ bɛwɔ kuro berɛ amrado Yosua ye pambim ne anoa nu berɛ, bɔ né bɛwɔ kuro berɛ pambim ne bɛen so ne, obubuli bɛ.

YOB NWOMAA NE 8:22

Animguaseɛ kɔmata wɔ pɔfoɛ mɔ, na amumuyɛɛfoɛ awuro kɔbɔ tɔɔ.”

Edwein 33:10

AWURADE ma maen maen mɔ b’agyinatulɛ ɔyɛ mbaen, na maen maen mɔ bɛ nhyehyɛleɛ yɛ basaa.

Yesaya 29:20

Ofikyɛ atianuserɛfoɛ bɛ boso konua, ngorohoɛfoɛ bekowuwu bɔkɔɔ, na bekohu bɛ bɔ bɛbɔ porɛ tɛɛ amukoraa:

Yesaya 8:10

Ɛmɔ de, ɛmɔhɔ agyina, nakoso ɔkɔyɛ mbaen, ɛ́mɔbɔ porɛ, nakoso ɔngɔyɛ yee, ofikyɛ Nyameɛ ne yɛ yeɛ yɛwɔ berɛ ɔ.

Yeremia 48:13

Afei Kemose nwo kɔyɛ Moabo nya, kyɛbɔ Betel bɔ ɔte Yisrael awuro ama mɔ b’anyelasoɛ ne, ye nwo yɛle Yisrael awuro ama mɔ nya ne.

Hosea 10:8

Yisrael bɔne, bɔ ye ole Awen asɔneyɛɛ nemɔ ne, bɛkɔsɛkye bɛ. Mmowue ne ɛfone kofifi b’afɔleɛ mmokyea nemɔ aso; na bekose mmokaa nemɔ kyɛ, “Ɛ́mɔkata yɛ so”, ná base pambaa nemɔ kyɛ, “Ɛ́mɔdwiri begua yɛ so.”

Hosea 12:11

Aso amumuyɛɛ wɔ Gileade? Amba, bɛte mbaen. Bɛfa nandwie nyii mɔ bɛbobɔ afɔleɛ wɔ Gilgal, amba, b’afɔleɛ mmokyea nemɔ, bɛte kyɛ nyɔboɛ kure bɔ ɔwɔ eburo ngofie mɔ b’afia ɔ.

Hosea 4:15

Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Hosea 9:15

Bɛ bɔne yɔleɛ amukoraa wɔ Gilgal, ofikyɛ berɛ yeɛ nhyɛle ye bo mbɔle bɛ ɔ. Ɔnate bɛ bɔne yɔleɛ ne ati, ngɔfoa bɛ ngofi m’awuro, mengohuro bɛ dwirɛ ko; b’atitire amukoraa bɛte ɛlɔenyɛlɛfoɛ.

Amose 1:5

Ngobubu buralɛ bɔ ɔbrambram Damasko pambim nemɔ asi ne, na bɛ bɔ bɛte Awen bɔnza ne anu ne, ngɔpɛ bɛ asue ngofi berɛ. Bɔ otira hɔtɔ ne, ngotu ye ngofi Bete Eden, na bɛkɔhye Siriafoɛ nnure bɛkɔhɔ Kire,” AWURADE noa dwirɛ ɛne.

Amose 3:14

“Kyẽa bɔ ngɔhwe Yisrael so wɔ ye mmeraatolɛ nwo ne, ngɔhwe Betel afɔleɛ mmokyea nemɔ koso bɛ so, na bɛkɔpepɛ afɔleɛ mmokyea mmɛen nemɔ maa bekogua ase.

Amose 4:4

Ɛmɔbra Betel bɛɛto mmeraa, ɛmɔbra Gilgal bɛma ɛmɔ mmeraatolɛ ɔyɛ pee; ɛ́mɔfa ɛmɔ afɔleɛ bɛbra ngyerɛmɔ biala, ná ɛ́mɔfa ɛmɔ buru nu ngyɛmuɛ ko bɛbra ɛlɛsa biala.

Amose 7:10

Afei Betel sɔfo Amasia tole ngraa ɔɔmane Yisrael hene Yeroboam kyɛ, “Amose abɔ wɔ nwo porɛ wɔ Yisrael awuro ama mɔ nu’. Ye noa dwirɛ ne amukoraa kɔbɔ maen ne.

Amose 7:13

na mmom nnɛhyɛ ngɔm wɔ Betel ko. Ofikyɛ berɛ te Nana nekaa krongron, na osa te ahemvie.”

Amose 7:17

Yiti AWURADE nwa nyoo, ‘Ɛye kɔyɛ gyanderaniɛ wɔ kuro ne anu, na wɔ mma mmienzua ne wɔ mma mmrasua kɔtotɔ ngrandɛ noa, bɛkɔfa ɛwɛen bɛkɔto w’aseɛ nu bɛkɔhyɛ bɛkɔfa, ekowu wɔ aseɛ bɔ ye nwo agua fiɛ ɔ so, na amba, bɛkɔhye Yisrael nnure bekofi ye aseɛ so bɛkɔhɔ.’ ”

Amose 7:9

Yisake asɔneyɛɛ nemɔ kɔkakyi kurofoen, Yisrael nekaa krongron nemɔ kɔkakyi aseɛ pralaa, na ngɔfa ngrandɛ ngɔho ngotia Yeroboam awuro ama.”

Amose 8:14

Bɛ bɔ bɛfa Samaria mmosoen bɛteta ndaen bɛkã kyɛ, ‘Ao Dan, kyɛ wɔ nyameɛ te ase ye e’, yeɛ ‘Kyɛ Beɛ Seba atee te ase ye’ ne, bekofifi ase bɔ bengodwɔso ko ɔ.”

1 Korintofoɛ 1:28

na ewiase nningyein bɔ ye nwo olle mvasoɛ, ɔne bɔ bemmu ye ne yeɛ Nyameɛ waneanea nu waye ɔ, yeɛ nningyein bɔ ɔnne berɛ ɔ, kyɛ ɔfa sɛkye bɔ ewiase bu ye kyɛ ye nwo hia ne,

1 Korintofoɛ 2:6

Nakoso nworɛ dwirɛ yeɛ yɛkã yɛkyire bɛ bɔ banyi sunzum nu ɔ. Ɔtte wiase he anu nworɛ, yeɛ ɔtte wiase atumifoɛ deɛ bɔ ɔpɛ nu kɔ ne bie.

Deuteronomi 28:41

Ɛkɔwo mmaa mmienzua ne mmrasua, nakoso bɛngɔyɛ wɔ deɛ, ofikyɛ ebiemɔ kɔhye bɛ nnure.

Yosua 5:9

Na AWURADE sele Yosua kyɛ, “Ɛnɛ kyẽa ye, maprapra Misraim animguaseɛ mafi ɛmɔ so.” Yiti bɛfrɛ berɛ Gilgal maa waadwu ɛnɛ.

Nyekyire 18:17

Dɔnhwere komapɛ anu yeɛ sɔ anwonya ne amukoraa wayɛ mbaen ye!” Na ɛlɛenhanɛfoɛ mbanyi amukoraa, ɛlɛen nu akwandufoɛ amukoraa, ɛlɛen nu adwumayɔlɛfoɛ ne ɛpo so dwadifoɛ amukoraa begyinagyinane dedeede,

1 Samuel 11:14

Na Samuel sele mmenia ne kyɛ, “Ɛmɔbra ma yɛhɔ Gilgal yɛɛbɔ ɛhene ne ohomoo bieku wɔ berɛ.”

1 Samuel 7:16

Afoɛ biala, né ɔkɔ aporɔ wɔ Betel, Gilgal ne Misepa; na obuli Yisrael maen ne wɔ sɔ nguro nemɔ amukoraa so.

1 Samuel 8:2

Ye bamuɛbaa bienzua ne li Yowel, yeɛ bɔ ɔtɔ so nyɔ ne li Abiya. Né bɛte maenbulɛfoɛ wɔ Beɛ Hyeba.