Amose 5:3 - AHYERƐLƐ KRONGRON

³ Ofikyɛ AWURADE Nyameɛ nwa nyoo, “Kuro bɔ ɔfale koɛhonɛfoɛ apee ko hɔle koɛ ne, ɛyaa ko yeɛ bekonya bɛ ti bekodidi nu ɔ; yeɛ kuro bɔ ɔfale koɛhonɛfoɛ ɛyaa ko hɔle koɛ ne, buru yeɛ bekonya bɛ ti bekodidi nu bɛkɔha Yisrael awuro ama mɔ nu ɔ.”

Amose 5:3 Iomraidhean Croise

Edwein 144:14

Ahaa né yɛ nandwie mɔ banwonzɛnwonzɛ bɔ bɛngɔpɔ baa anaa bengoli abawuo ɔ. Nnɛmaa yɛte aworabɔlɛ esuɛ wɔ yɛ dwaa mɔ so.

Yesaya 1:9

Sɛ Asafo AWURADE anyakyi yɛ mmenia kãa bie ma bannya bɛ ti bannidi nu a, ahaa yayɛ kyɛ Sodom, ahaa yakakyi kyɛ Gomora.

Yesaya 10:22

Ɔwɔ nu kyɛ wɔ maen Yisrael bɛsone pee kyɛ mboanoa anweaa de, nakoso bɛ nu kaaba bie yeɛ bekosa bɛkɔwa ɔ. Nyameɛ ahyehyɛ bɔ ɔbaato bɛ ne wato berɛ, na ɔnate pɛpɛɛpɛyɛlɛ mmorosoɛ so yeɛ ɔkɔwa ɔ.

Yesaya 6:13

Na sɛ ɔka buru nu ngyɛmuɛ ko wɔ nu po a, bekosa bekowuwu, kyɛ esaa anaa eluii bɔ babu ye bato, bɔ ye dosii tɛ gyi berɛ ɔ.” Bɛ bosofoɛ krongron ne ole dosii ne.

Hesekiel 12:16

Nakoso ngɔma bɛ nu kãa bie konya bɛ ti bekodidi nu bekofi ngrandɛ ne noa, kofi ɛhɔen ne ewue anwonyerɛ nu, amaa ɔnate so bato bɛ noa nu tui bahã b’akyiwadeɛ yɔleɛ amukoraa wɔ maen maen bɔ bɛkɔhɔ so nemɔ anu, na bekonwu kyɛ me ole AWURADE.”

Amose 6:9

Na ɔkɔwa kyɛ, sɛ mmenia buru bɛka awuro ko anu a, bekowuwu.

Romanfoɛ 9:27

Yesaya koso pakyele nu ha fale Yisraelfoɛ nwo serɛserɛ kyɛ, “Yisraelfoɛ sone pee kyɛ mboanoa anweaa de, nakoso bɛ nu kãa bie yeɛ bekole bɛ ngoa ɔ;

Deuteronomi 28:62

Daa ne de, né ɛmɔsone pee kyɛ ewienu nzramaa, nakoso ɛmɔkɔha kãa bie, ofikyɛ andie AWURADE wɔ Nyameɛ dwirɛ.

Deuteronomi 28:63

Na kyɛbɔ AWURADE nye gyele kyɛ ɔkɔmaa okosi ɛmɔ yé, ná ɛmɔata pee nen, sɔ ala yeɛ ɔkɔyɛ AWURADE fɛ kyɛ okohũhũ ɛmɔ, ná wama ɛmɔ boso anua ɔ. Na okotu ɛmɔ kofi aseɛ bɔ ɛkwaafa tena so ne aso.

Deuteronomi 4:27

AWURADE kɔbɔ ɛmɔ kɔsande kɔhɔ maen maen nemɔ aso, na ɛmɔ nu kãa bie yeɛ bekonya ngoa wɔ maen maen bɔ AWURADE kɔhwe ɛmɔ kɔhɔ so ne aso ɔ.