Amose 5:25 - AHYERƐLƐ KRONGRON

²⁵ “Ao Yisrael awuro ama, afoɛ aburanna bɔ né ɛmɔwɔ ɛserɛ so ne, aso ɛmɔbɔle naen yeralɛ afɔleɛ ne aleɛ afɔleɛ bɛmane me?

Amose 5:25 Iomraidhean Croise

Nehemia 9:18

Ye po, mmerɛ bɔ behurole nikyee bɛyɔle nandwie ba amoen bɛfale ná besele kyɛ, ‘Wɔ Nyameɛ bɔ ɔyele wɔ fili Misraim wale ne, ye ɛhe’, ná bɛbɔle musue mbiri mbiri nen,

Nehemia 9:21

Ɛneane bɛ wɔ ɛserɛ so afoɛ aburanna maa ɔnate ye sɔ ti, hwee anhia bɛ. Bɛ ndaadeɛ andete, yeɛ bɛ gya bo anwunwu.

Hesekiel 20:16

ɔnate kyɛ, bɛpole me mmeraa, banni m’ahyɛdeɛ so, yeɛ beguale m’afofingyẽa nemɔ nwo fiɛ, ofikyɛ b’ahone oolili bɛ mmosoen nemɔ asi.

Hesekiel 20:24

ɔnate kyɛ banni me mmeraa so, na mmom bɛpole m’ahyɛdeɛ, beguale m’afofingyẽa nemɔ nwo fiɛ, yeɛ bɛ nye oolili bɛ nana mɔ mmosoen nemɔ asi.

Hesekiel 20:8

Nakoso bɛyɛle me nwo lɔen, bɔ bandɛ me so ɔ. Bɛ nu biala wangyi akyiwadeɛ nningyein bɔ ye nye gye ye nwo ne wangua, yeɛ banyakyi Misraim mmosoen sɔnenɛ. Yiti ngane kyɛ ngɔma m’ahone kohu bɛ so, bɔ me yaafɛlɛ ne kɔyɔ bɛ nwo adwuma koyie ɔ, wɔ Misraim aseɛ so.

Lewitikɔso 17:7

Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Sakaria 7:5

“Bisa aseɛ ne aso ama mukoraa ne asɔfo nemɔ kyɛ: Mmerɛ bɔ ɛmɔhyele hɔen ná ɛmɔlili aworabɔlɛ wɔ bosome bɔ ɔtɔ so nnu, ɔne nzoo ne anu, bɔ afoɛ aburasoo ɛhe ne, aso me ti yeɛ ɛmɔhyele hɔen ne ɔ?

Yosua 24:14

“Yiti ɛ́mɔsuro AWURADE ná ɛ́mɔso ye ferengyemm ne nahorɛ nu. Na mmosoen bɔ ɛmɔ nana mɔ sole bɛ wɔ asue Yufreti asi dɔ, ɔne Misraim nen, ɛ́mɔgyi bégua ná ɛ́mɔso AWURADE.