Amose 5:2 - AHYERƐLƐ KRONGRON

² “Ababunu Yisrael wafi ase bɔ ongodwɔso ko ɔ; bapo ye wɔ ye aseɛ so, bɔ ebiala nne berɛ bɔ ɔkɔma ye so ɔ.”

Amose 5:2 Iomraidhean Croise

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

2 Ahemvo 17:16

Bɛpole AWURADE bɛ Nyameɛ mmeraa dwirɛ amukoraa, na behurole nikyee bɛfa bɛyɔle nandwie mmaa amoen nyɔ bɛfale. Begyinane Asera dosii, na bɛsɔnene nyameɛso abɔdeɛ pembepembe amukoraati, na bɛsole Baal.

Yesaya 14:21

Ɔnate bɛ se mɔ amumuyɛɛ ti, ɛ́mɔsiesie akumyɛɛ bɔ bekohu ye mma wɔ berɛ ɔ; amaa ɔnate so bandwɔso bamva aseɛ ne banni so tumi ná bangyekye nguro wɔ ewiase nekaa biala.”

Yesaya 24:20

Aseɛ nate fofalifofali kyɛ akɔnomnzaniɛ, ɔwosowoso kyɛ namue, ye mmeraatolɛ nwo asohwenɛ kandinga la ye so, na okodwiri kogua bɔ ongodwɔso ko ɔ.

Yesaya 3:8

Yerusalem asoti, yeɛ Yuda afi ase, ofikyɛ bɛfa bɛ dwudwolɛ ne bɛ yɔleɛ bedwɔso betia AWURADE, kyɛ bɛfa bebu ye animnyam anyunuɛ ne animtia.

Yesaya 37:22

edwirɛ bɔ AWURADE ahã afa ye nwo ɛhe: “ ‘Sion awa brasua ababunu ne, obu wɔ animtia, yeɛ ɔgoro wɔ nwo; Yerusalem awa brasua ne, ɔsere wɔ ɔbɔ wɔ tutue odi wɔ si.

Yesaya 43:17

bɔ ɔmane teaseɛnam mɔ ne mbɔngɔ, ɛlɔen ne koɛhonɛfoɛ fite wale ne, ye noa dwirɛ ɛne. Bɛtete beguale, na bangora dwɔso ko, onuane bɛ boso, na bɛ boso minini kyɛ kanea nyamaa.

Yeremia 14:17

“Yiti kã sɔ dwirɛ he kyire bɛ: ‘Ma me nye ɔporo moen kɔngɔen ne eyia, nnɛma ye bo pɛ; ofikyɛ me maen awa brasua ababunu ne, babɔ ye bato ase buramm; bapura ye piri paa.

Yeremia 18:13

“Yiti bɔ AWURADE kã ɛhe: Ɛ́mɔbisa amaenmaen nemɔ: Nwa yeɛ wate edwirɛ he bie le ɔ? Ababunu Yisrael wayɔ nikyee bɔ ɔyɛ suro paa.

Yeremia 2:27

bɛkã bekyire bakaa kyɛ, ‘Me se ole wɔ,’ yeɛ bɛkã bekyire nyɔboɛ kyɛ, ‘Wɔ yeɛ ɛwole me ɔ.’ Ofikyɛ bɛ si yeɛ bakakyi bama me ɔ, na nna bɛ nyunu ɔ. Nakoso sɛ bɛkɔ amaneɛ nu a, bɛkã kyɛ, ‘Dwɔso pepɛ de yɛ e!’

Yeremia 31:4

Ao Yisrael ababunu, ngosa ngɔma wɔ bo kotimu, na wɔ bo kotimu. Ekosa kɔfa w’akasaa ne kosiesie wɔ nwo, na ɛkɔfa ahurusililɛfoɛ b’abilie kosi nu kɔhɔ.

Yeremia 4:20

Amaneɛnwunɛ toa amaneɛnwunɛ so, ofikyɛ maen ne abɔ bɔkɔɔ. Mvum nu, me tena sua mɔ basɛkyesɛkye, yeɛ me mbɛmuɛ tena mɔ basɛkye amono nu.

Yeremia 50:32

Na anwomasoɛniɛ paa ne, okosoti kofĩ ase, na ebiala ngɔma ye so; ngɔto ye nguro nemɔ anu see, na ɔkɔyera nikyee biala bɔ wapɛ ye nwo wayia ɔ.

Yeremia 51:64

ná kã kyɛ, ‘Sɔ ala yeɛ Babilɔn kɔmono, bɔ ongodwɔso ko ngofi musue bɔ ngɔprapra ngogua ye so ne anu ɔ.’ ” Na b’ayieleɛ koyie bɛ. Yeremia noa dwirɛ n’ayieleɛ ɛne.

Yeremia 8:4

“Kã kyire bɛ kyɛ, Bɔ AWURADE kã ɛhe: Sɛ mmenia befi ase a, benza bendwɔso ko anaa? Sɛ sona di makyebu a, aso onza ye si anaa?

Yeremia 9:21

Ofikyɛ ewue afo waagyina yɛ mboma mɔ anu, wawura y’ahemvie mɔ anu, kyɛ ɔbaahũhũ ngwadaa nemɔ fi dwaa nemɔ aso, yeɛ mmerandeɛ nemɔ fi mmorɔnoɛ nemɔ aso.

Yeremia 9:9

Aso onni kyɛ metwe bɛ so wɔ sɔ nningyein hemɔ nwo anaa? AWURADE noa dwirɛ ɛne. Na maen bɔ ɔte sɔaa, onni kyɛ me kra tɔ bɛ so wereɛ anaa?

Awuye 2:13

Ao Yerusalem awa brasua, nzikyɛ yeɛ nga mva nni wɔ nwo adanzeɛ ɔ? Nzikyɛ yeɛ mva ndoto wɔ nwo ɔ? Ao Sion awa brasua ababunu, nzikyɛ yeɛ mma ɛne ye bɛsɛ ɔ, amaa ɔnate so makyekye wɔ wora ɔ? Ofikyɛ w’asefinɛ ne te piri kyɛ ɛpo, na nwa yeɛ ɔkɔhora kɔsa wɔ anwonyerɛ ɔ?

Hosea 14:1

Ao Yisrael, sa bra AWURADE wɔ Nyameɛ berɛ, ofikyɛ w’amumuyɛɛ amaa afi ase.

Hosea 6:2

Elenyɔ asi, ɔkɔmaa yɛkosa yɛkonya ngoa, yoo, ye ɛlɛsa ne aso, ɔkɔpagya yɛ, na yɛkɔtena ngoa nu wɔ ye nyunu.

Amose 8:14

Bɛ bɔ bɛfa Samaria mmosoen bɛteta ndaen bɛkã kyɛ, ‘Ao Dan, kyɛ wɔ nyameɛ te ase ye e’, yeɛ ‘Kyɛ Beɛ Seba atee te ase ye’ ne, bekofifi ase bɔ bengodwɔso ko ɔ.”

Amose 9:11

“Sɔ kyẽa ne, Dawide ɛtena sua bɔ watɔ ase ne, ngɔpagya ngosie berɛ, na ngɔpomba ye nekaa bɔ wasunzua nemɔ; ngɔpagya bɔ wabubu wagua ase ne ngogyina berɛ, ná masa masi ye kyɛbɔ né ɔte daa tete ne ala;