Amose 5:18 - AHYERƐLƐ KRONGRON

¹⁸ Ɛmɔ yaakɔ, ɛmɔ bɔ ɛmɔnea AWURADE kyẽa ne ate ɔ! Nzikyɛ yeɛ kyẽa ne kɔyɔ kɔma ɛmɔ ɔ? AWURADE kyẽa ne, ɔte awosii, na ɔtte hyireinn.

Amose 5:18 Iomraidhean Croise

Yesaya 13:6

Ɛ́mɔbɔ awuye, ofikyɛ AWURADE kyẽa ne apingye; kyẽa ne kɔwa, bɔ Tuminiɛ ne kɔfa kohũhũ mmenia ɔ!

Yesaya 24:18

Na ɔkɔwa kyɛ, sona bɔ ɔte ahunundetelɛ ne nga, ná ɔnwati ne, ɔkɔɔtɔ kumaa ne anu, yeɛ bɔ okofi kumaa ne anu kɔfo kɔwa ne koso, ngaen ne kɔhye ye. Ofikyɛ nyameɛso mboma nemɔ abukyebukye, na aseɛ nyinasoɛ nemɔ bɛwosowoso.

Yesaya 5:19

bɛ bɔ bɛnwa, “Ma ye nwo yɛ nyera e, maa ɔyɔ ye adwuma ne ndɛndɛ ma yɛnea e; Yisrael Krongronniɛ ne, ma ye botaeɛ ne opingye ma yɛnea e!”

Yesaya 5:30

Bekopo bɛ sɔ kyẽa ne, kyɛbɔ ɛpo yɛ wuruwuru ɔ. Na sɛ ɛto wɔ nye nea aseɛ a, awosii ne aworabɔlɛ yeɛ ekonwu ye ɔ, na munungum komundu hyireinn so maa ɔkɔyɛ tunn.

Yesaya 58:2

Hmmm, bɛpena me si atee daa biala, bekuro kyɛ benwu m’atee mɔ, kyɛ gyamea bɛte maen bie bɔ bɛyɔ bɔ ɔtengyɛ ɔ, bɔ bambo bɛ Nyameɛ ahyɛdeɛ ɔ. Bebisa ndɛen turoloo befi me berɛ, na bekuro kyɛ bekopingye Nyameɛ ɔ.

Yesaya 8:22

bɛkɔto bɛ nye bɛkɔnea aseɛ so, nakoso aworabɔlɛ, awosii ne amaneɛ yeɛ bekonwu ye ɔ; na bekogyi bɛ bekogua awosii kabii nu.

Yesaya 9:19

Asafo AWURADE ɛyaafɛlɛ piri ne, wama aseɛ ne ayera, na mmenia ne ayɛ kyɛ eyein bɔ bɛfa bɛsɔ see ɔ, na ebiala wannwu obiɛngo anwumvoin.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Yeremia 17:15

Nea bɔ bɛkã bekyire me ɔ! Bɛnwa: “AWURADE dwirɛ ne, ɔwɔ nisua? Maa ɔbra e!”

Yeremia 30:7

Edwirɛ awa oo! Ofikyɛ sɔ kyẽa ne, ɔte kyẽa piri, bɔ kyẽa biala nne berɛ bɔ ɔte kyɛ ye ɔ. Ɔte aworabɔlɛ mmerɛ ma Yakob, nakoso okonya ye ti kodidi nu kofi nu.

Hesekiel 12:22

“Sona awa, anyandera he bɔ ɛmɔbu bɛfa Yisrael aseɛ nwo kyɛ, ‘Moa moa ala yeɛ ngyẽa ne ɔkɔ ɔ, nakoso nyekyire biala ɔmma nu’ ne, ye bo ole sɛɛ?

Hesekiel 12:27

“Sona awa, tie, Yisrael awuro ama mɔ bɛnwa: ‘Nyekyire bɔ onya ye ne, ɔkɔhyɛ paa koraka né wawa nu; yeɛ mmerɛ bɔ ɔwɔ moa moa nwo ngɔm yeɛ ɔhyɛ ɔ.’

Yoel 1:15

Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Yoel 2:10

Aseɛ woso wɔ bɛ nyunu, anwuro kekã; eyia ne ɛsraen yɛ tunn, na nzramaa yakyi talɛ.

Yoel 2:11

AWURADE tea nu serɛserɛ wɔ ye koɛhonɛfoɛ nyunu, ofikyɛ ye lɔen ne te piri paa, na bɔ odi ye dwirɛ so ne, ye nwo yɛ se. Ofikyɛ AWURADE kyẽa ne te piri, ɔyɛ suro paa, na nwa yeɛ ɔkɔhora ye noa gyina ɔ?

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Obadia 1:15

Ofikyɛ AWURADE kyẽa ne wapingye wɔ maen maen amukoraa bɛ so. Kyɛbɔ ayɔ ne, sɔ ala yeɛ bɛkɔfa bɛkɔyɔ wɔ ɔ; wɔ yɔleɛ kɔbɔ wɔ bɔbɔ wɔ ti so.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Deuteronomi 32:24

Ɛhɔen kɔmaa bɛkɔfɔ, bɛ nwo kɔyerayera bɛ, na ewue anwonyerɛ kɔbɔ bɛ. Ngɔma ngaka aboyaa kɔɔhye bɛ koli, na ngɔma mvuture nu ewoo bɔ ye noa le borɔ kɔkeka bɛ.

2 Petro 3:10

Nakoso Awurade kyẽa ne kɔwa kyɛ awueniɛ ba [kɔngɔen] ɔ. Na nu yeɛ anwuro kɔbɔ nu kurudududu serɛserɛ kotu komini. See kɔma ewienu abɔdeɛ mɔ kohuro, na aseɛ ne so nningyein amukoraa kɔyera.

2 Petro 3:4

ná babisa kyɛ, “Ye walɛ ne nwo bɔhyɛ ne, ɔyɛle sɛɛ bɔ ɔwwale nu ɔ? Ofikyɛ, ofi mmerɛ bɔ yɛ nana mɔ bɛlelale ɔ, kyɛbɔ nikyee biala te fi mmerɛ bɔ Ɛdangama bɔle aleɛ ne, sɔ ala yeɛ ɔte ɔ!”