Amose 5:16 - AHYERƐLƐ KRONGRON

¹⁶ Yiti AWURADE, Asafo Nyameɛ, AWURADE, ɔnwa, “Bɛkɔbɔ awuye wɔ dwaa nemɔ amukoraa so, yeɛ bɛkɔkekã ye wɔ atimbire nemɔ amukoraa so kyɛ, ‘Ayaa! Ayaa!’ Na bɛkɔfrɛ kuafoɛ maa bekoosu, ɔne bɛ bɔ bɛse sũ ɔ maa bɛkɔɔbɔ awuye.

Amose 5:16 Iomraidhean Croise

2 Aberɛso Dwirɛ 35:25

Yeremia koso tole Yosia nwo awuye dwein. Na edweintolɛfoɛ mmienzua ne mmrasua amukoraa bɛbɔ Yosia dumaa wɔ b’awuye dwein mɔ nu maa waadwu ɛnɛ. Bɛmaa ɔyɛle amammerɛ wɔ Yisrael, na bahyerɛ ye wɔ Awuye dwein nwomaa ne anu.

Yesaya 15:8

Ofikyɛ esuɛ ne adwu Moabo aseɛ so amukoraa, ye awuyebɔlɛ ne adwu Eglaim, awuyebɔlɛ ne adwu Beɛ Elim.

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yeremia 30:5

“AWURADE nwa nyoo: Yate ahunundetelɛ nga, yate esurolɛ nga, nna asomdwee ɔ.

Yeremia 4:31

Ofikyɛ mate esuɛ bie bɔ ɔte kyɛ brasua bɔ wafo aworɛ so ɔ deɛ, ɔne ɛpenenɛ bɔ ɔte kyɛ brasua bɔ ɔwo ye bamuɛbaa ɔ, ye deɛ. Sion awa brasua ɔtee so, bɔ watrɛtrɛ ye sa nu ɔbɔ awuye kyɛ, “Edwirɛ ato me oo! Ɔnate awudifoɛ ti, me kra aboto!”

Yeremia 9:10

Mmokaa nemɔ ati, ngosu ngɔbɔ abubue, yeɛ ɛserɛ so nekaa bɔ ngaka didi ne ati, ngɔbɔ awuye, ofikyɛ bayera bɛ bɔ ebiala ngora mbɛ nu berɛ ɔ, na bɛnde nyɛmmoa suɛ; ewienu nnomaa yeɛ eburo ngaka koso, banwati bahɔ.

Yeremia 9:16

Maen maen bɔ bɛ ne bɛ nana mɔ bɛttele bɛ nga le ne, so yeɛ ngɔbɔ bɛ ngɔsande ngɔhɔ ɔ; na ngɔsoma ngrandɛ maa okoli bɛ si kɔpem kyɛ ngonua bɛ boso ɔ.”

Hosea 4:3

Yiti aseɛ ne di aworabɔlɛ, na bɔ ɔwɔ so amukoraa ayɛ hodwoo: eburo ngaka, ewienu nnomaa, yeɛ ɛpo nu naen po bekoyie.

Yoel 1:11

Ɛmɔ, akuafoɛ, ɛ́mɔma ɔyɛ ɛmɔ fɛre, ɛmɔ, bobe boo so neafoɛ, ayuo ne atokoɔ ti odi kyɛ ɛmɔbɔ awuye, ofikyɛ fieso aleɛ mɔ asɛkye.

Yoel 1:14

Ɛ́mɔyɛ akɔngyere krongron, ɛ́mɔyɛ nyianu krongron. Ɛ́mɔboaboa mbanyi ne aseɛ ne aso mma amukoraa bɛ noa wɔ AWURADE ɛmɔ Nyameɛ awuro, ná ɛ́mɔsu bɛfrɛ AWURADE.

Yoel 1:15

Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Yoel 1:8

Bɔ awuye kyɛ ababunu bɔ wahera ɛsɛen tena, bɔ odi ye ndaluwa nu biaa nwo kuna ɔ.

Amose 3:13

AWURADE Nyameɛ, Asafo Nyameɛ nwa, “Ɛ́mɔtie, ná ɛ́mɔbɔ Yakob awuro kɔkɔ kyɛ,

Amose 5:27

Yiti ngɔpɛ ɛmɔ asue ngɔhɔ Damasko si dɔ,” AWURADE bɔ ye dumaa ole Asafo Nyameɛ ne, ye noa dwirɛ ɛne.

Amose 8:10

Ngɔkakyi ɛmɔ poentolɛ nemɔ aworabɔlɛlilɛ, yeɛ ɛmɔ dwein amukoraa awuyebɔlɛ; ngɔma ebiala kɔhera ɛsɛen tena, ná mama ebiala abɔ tikwa. Ngɔmaa ɔkɔyɛ kyɛ bahorɛ wue nwo aworabɔlɛlilɛ, ayieleɛ ne kɔyɛ kyɛ aworabɔlɛ kyẽa.

Amose 8:3

Na asɔneyɛɛ sua ne anu dwein kɔkakyi awuyebɔlɛ sɔ kyẽa ne, AWURADE Nyameɛ noa dwirɛ ɛne. Efuin pee kogua nekaa biala; na bekogyi bɛ bekogua nekaa biala konn!”

Mika 1:8

Na ɛhe ati, ngosu ngɔbɔ awuye; ngɔye me gya ngogua ase ngɔye me nwo ngɔto so; ngɔbɔ awuye kyɛ ɛserɛ so ngyea, ná mali aworabɔlɛ kyɛ patue.

Mika 2:4

Sɔ kyẽa ne, bekobu anyandera bɛkɔfa ɛmɔ nwo, ná basu babɔ awuye yeayea bahã kyɛ, “Edwirɛ piri ato yɛ oo! Wafa me maen agyapadeɛ ne bie oo! Nea kyɛbɔ wale wafi me sa nu ɔ! Wahyɛ yɛ boo mɔ wama bɛ bɔ bahye yɛ nnure ne.

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”

Nyekyire 18:19

Na bɛsesale mvuture beguaguale bɛ ti so, na besuni bɛbɔle awuye kyɛ, “Yaakɔ oo, yaakɔ oo! Kuro piri he bɔ ɔnate ye anwonya ti bɛ bɔ bele ɛlɛen wɔ ɛpo so amukoraa benyane bɛ nwo wɔ nu ɔ! Dɔnhwere komapɛ nu yeɛ babɔ ye bɔkɔɔ ye!”