Amose 5:15 - AHYERƐLƐ KRONGRON

¹⁵ Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Amose 5:15 Iomraidhean Croise

2 Samuel 16:12

Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”

1 Ahemvo 20:31

Ye mbanyi nemɔ sele ye kyɛ, “Yate kyɛ Yisrael ahemvo nemɔ, bɛte ahemvo bɔ bɛse anwumvoin ɔ. Maa yɛfa ɛsɛen tena yɛpɛ yɛ bo, yɛfa nyamaa yɛbɔ yɛ ti, ná yɛhɔ Yisrael hene berɛ. Ebiaa ɔkɔmaa ekonya wɔ ti kodidi nu.”

2 Ahemvo 13:7

Yiti Yehoahase koɛhonɛfoɛ bɔ bɛte pɔngɔhanɛfoɛ ne, né bɛmmo aburannu. Ɔhale teaseɛnam buru yeɛ koɛhonɛfoɛ bɔ bɛnate bɛ gya nu ɔ apee buru pɛ. Ofikyɛ Siria hene huhuni bɛ maa bɛsamone berɛ kyɛ mvuture bɔ sona tiatia so ɔ.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

2 Ahemvo 19:4

Edwirɛ amukoraa bɔ Rabesake ne, ye mene Asiria hene wafa wasoma ye kyɛ ɔfa ɔɔgoro Nyameɛ teasefoɛ nwo ne, ebiaa AWURADE wɔ Nyameɛ wate. Na AWURADE wɔ Nyameɛ kɔhwe ye so wɔ edwirɛ bɔ wate ne anwo. Yiti mbaeɛ bɔ ɛbɔ ma yɛ bɔ yaha ne, ma nu ɔ́yɛ se.”

Edwein 119:104

Wɔ nhyehyɛleɛ nu yeɛ menya nimdeɛ ɔ; yiti mekyi ngondombo atee biala.

Edwein 34:14

Twe wɔ nwo fi bɔne nwo, ná yɔ bɔ ɔte paa ɔ, pena asomdwee si atee, na fa bɔ wɔ bra.

Edwein 36:4

Ɔla ye bɛen so a, nzɛmmɔne yeɛ osusu ye nwo ɔ; wape bɔne atee so, na ongyi bɔne.

Edwein 37:27

Twe wɔ nwo fi bɔne nwo, ná yɔ bɔ ɔte paa ɔ; na ɛkɔtena berɛ afebɔɔ.

Edwein 80:1

Ao Yisrael Neafoɛ, yɛ asoɛ tie, wɔ bɔ eli Yosef nyunu kyɛ mmoaen kure ɔ! Wɔ bɔ ɛte kɛrubim mɔ so ɔ, ta hyireinn

Edwein 97:10

Ɛmɔ bɔ ɛmɔkuro AWURADE dwirɛ ne, odi kyɛ ɛmɔkyi bɔne; ɔbɔ ye anwoteefoɛ bɛ kra nwo waen, na ɔpepɛ de bɛ fi bɔnefoɛ mɔ sa nu.

Ɛksadɔso 32:30

Aleɛ hyene ne, Mose sele maen ne kyɛ, “Ɛmɔayɔ bɔne piri paa. Nakoso ngɔfo ngɔhɔ AWURADE berɛ kekesaala ye; ebiaa né mahora masrɛ ɛmɔ bɔne ne nwo mbata mama ɛmɔ.”

Yeremia 18:8

nakoso sɔ maen ne bɔ mahã ye nwo dwirɛ ne, onu ye nwo fi ye bɔne nwo a, ye de ngɔsesã m’adwene wɔ musue bɔ mayɛ kyɛ ngɔprapra ngogua ye so ne anwo.

Yeremia 22:3

Bɔ AWURADE kã ɛhe: Ɛ́mɔbua ndɛen turoloo, ná ɛ́mɔyɔ bɔ ɔtengyɛ ɔ. Na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu. Nnɛma ɛmɔyɔ bɔne betia ɛwɔfoɛ, ayisiaa anaa kunaniɛ, yeɛ nnɛma ɛmɔsisi bɛ. Afei koso, nnɛma ɛmɔkã mogya bɔ odi be ɔ begua wɔ ɛwa.

Yeremia 31:7

Ofikyɛ AWURADE nwa nyoo: “Ɛ́mɔfa anigye bɛ́to Yakob nwo dwein, ná ɛ́mɔbɔ ese bɛ́ma bɔ odi maen maen mɔ so ne; ɛ́mɔbɔ dawure, ɛ́mɔye ye ayɛ, ná ɛmɔhã kyɛ, ‘Ao AWURADE, pepɛ de wɔ maen, Yisrael ngaa ne.’

Hesekiel 45:9

“AWURADE Nyameɛ nwa nyoo: O Yisrael ahemvo mɔ, wayɛ yee! Ɛ́mɔyakyi asisie ne nhyɛsoɛ ne, ná mmom ɛ́mɔyɔ bɔ ɔte pɛpɛɛpɛ ne bɔ ɔtengyɛ ɔ. Nhyɛsoɛ so bɔ ɛmɔfa bede aseɛ befi me mmenia sa nu ne, ɛ́mɔyakyi, AWURADE Nyameɛ noa dwirɛ ɛne.

Daniel 2:49

Afei Daniel srɛle ɛhene ne maa ɔfale Sadrake, Mesake ne Abedinego yɛle Babilɔn maen ne anu amukoraa so neafoɛ; na Daniel de, ɔtenane Nana ahemvie berɛ.

Yoel 2:14

Nwa yeɛ ɔse ɔ? Ebiaa okosa ye si kɔsesã ye adwene, ná wayakyi saleɛ wama ɛmɔ bɔ ɛmɔkɔfa bɛkɔbɔ aleɛ afɔleɛ ne anonneɛ afɔleɛ bɛkɔma AWURADE ɛmɔ Nyameɛ ɔ.

Amose 5:10

Bekyi bɔ ɔtengyɛtengyɛ mmenia wɔ nekaa bɔ bedi dwirɛ ɔ, bɛpɔ bɔ ɔkã nahorɛ ɔ.

Amose 5:24

Na mmom odi kyɛ ɛmɔma ndɛenbualɛ turoloo tengyɛ kyɛ asue, ná tenenee ɔsẽ kyɛ asue piri.

Amose 5:6

“Ɛ́mɔpena AWURADE si ate, na ɛmɔkonya ngoa; wamma ye sɔ a, ɔkɔwa Yosef awuro ama so kyɛ see, na ɔkɔyera ye, bɔ ebiala nne Betel bɔ okonua ye ɔ.

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.

Amose 7:3

AWURADE hwe sale, “Ɔngɔwa ye sɔ,” AWURADE noa dwirɛ ɛne.

Yona 1:6

Yiti ɛlɛenhanɛfoɛ nemɔ so panyi ne wale ye berɛ oosele ye kyɛ, Hei! Wɔ bɔ alafe hatee ɔ, nzikyɛ yeɛ ɛpena kyire ye? Dwɔso, sũ frɛ wɔ nyameɛ, na ebiaa nyameɛ ne kɔdwene yɛ nwo ná yanwuwu.

Yona 3:9

Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”

Mika 2:12

Ao, Yakob, ngɔboa ɛmɔ amukoraa ɛmɔ noa amba, amba, ngɔboa Yisrael ngaa ne bɛ noa; ngɔhã bɛ ngɔbɔ nu kyɛ Bosra mmoaen, kyɛ mmoaen kure bɔ begua bɛ tuin nu ɔ, na bɛkɔyɛ dede pee, ɔnate kyɛ bɛte mmenia bɔ bɛsone ne ati.

Mika 3:2

Nakoso ɛmɔ yeɛ ɛmɔkyi paa, ná ɛmɔkuro bɔne ɔ, ɛmɔwɔngye me maen bɛ nwo wereɛ, ɔne bɛ nwonaen fi bɛ mmowue nwo ɔ;

Mika 5:3

Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Sefania 2:3

Ɛmɔ, ɛ́mɔpena AWURADE, aseɛ ne asofoɛ bɔ ɛmɔbrɛ ɛmɔ nwo ase ɔ, bɔ ɛmɔdi AWURADE mmeraa dwirɛ so ɔ! Ɛ́mɔpena tenenee si atee, ɛ́mɔpena anwobrɛaseɛ si atee; ebiaa né wamaa ɛmɔanya ɛmɔ ti badidi nu wɔ AWURADE ahonehulɛ kyẽa ne.

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

Romanfoɛ 7:22

Ofikyɛ me nye gye Nyameɛ mmeraa nwo wɔ me nu paa.

Romanfoɛ 8:7

Ofikyɛ anwoɔnaen nu adwenedwene pɔ Nyameɛ, ɔngora mmerɛ ye nwo ase nwura Nyameɛ mmeraa bo, ɔngora nyɔ sɔ amba.

3 Yohane 1:11

Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.