Amose 5:14 - AHYERƐLƐ KRONGRON

¹⁴ Bɔ ɔte paa mmom yeɛ odi kyɛ ɛmɔpena ye si atee ɔ, na nna bɔ ɔte bɔne ɔ, amaa ɔnate so ɛmɔanya ngoa, na AWURADE Asafo Nyameɛ kogyina ɛmɔ si, kyɛbɔ ɛmɔahã ne.

Amose 5:14 Iomraidhean Croise

Gyenesise 39:23

Nikyee biala bɔ né owura Yosef sa ne, kuku nu neafoɛ ne anha ye nwo wɔ ye nwo, ofikyɛ né AWURADE gyi Yosef si, na bɔ ɔyɔle biala AWURADE maa ɔyɛle yee.

1 Aberɛso Dwirɛ 28:20

Dawide toale so sele ɔwa Solomon kyɛ, “Gyina pindinn, ma wɔ hue yɛ se, ná yɔ adwuma ne. Nnɛsuro, yeɛ nnɛma wɔ kunu tete wɔ, ofikyɛ AWURADE Nyameɛ, bɔ ɔte me Nyameɛ ne, ogyi wɔ si. Ongoli wɔ ngasi, yeɛ ɔngɔyakyi wɔ nu, kɔpem kyɛ AWURADE awuro adwuma bɔ bɛfa bɛso ye ne, bekoyie ye mukoraa yɔ ɔ.

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

Edwein 46:11

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 97:10

Ɛmɔ bɔ ɛmɔkuro AWURADE dwirɛ ne, odi kyɛ ɛmɔkyi bɔne; ɔbɔ ye anwoteefoɛ bɛ kra nwo waen, na ɔpepɛ de bɛ fi bɔnefoɛ mɔ sa nu.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Anyandera 11:27

Sɛ ebie ɔpena paa si atee a, né ɔpena bɔ ɔsɔ anyeɛ ɔ, nakoso sɛ ebie di bɔne si a, bɔne to ye.

Yesaya 55:2

Nzu ati yeɛ ɛmɔfa sikaa bɛtɔ nikyee bɔ nna aleɛ ahɔ ɔ, ɔne kyɛ ɛmɔsɛkye ɛmɔ anwoserɛ wɔ nikyee bɔ ɔmma ɛmɔ ko nyi nwo ɔ? Ɛ́mɔtie me yé, ná ɛ́mɔli bɔ ɔte paa ɔ, ná ɛ́mɔma ɛmɔ kra nye gye aleɛ sɔkyee nwo.

Yesaya 8:10

Ɛmɔ de, ɛmɔhɔ agyina, nakoso ɔkɔyɛ mbaen, ɛ́mɔbɔ porɛ, nakoso ɔngɔyɛ yee, ofikyɛ Nyameɛ ne yɛ yeɛ yɛwɔ berɛ ɔ.

Amose 3:3

“Aso mmenia nyɔ bɛkora betu nu, wɔ aberɛ bɔ bɛnyɛ adwene ɔ?

Amose 5:6

“Ɛ́mɔpena AWURADE si ate, na ɛmɔkonya ngoa; wamma ye sɔ a, ɔkɔwa Yosef awuro ama so kyɛ see, na ɔkɔyera ye, bɔ ebiala nne Betel bɔ okonua ye ɔ.

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Sefania 2:3

Ɛmɔ, ɛ́mɔpena AWURADE, aseɛ ne asofoɛ bɔ ɛmɔbrɛ ɛmɔ nwo ase ɔ, bɔ ɛmɔdi AWURADE mmeraa dwirɛ so ɔ! Ɛ́mɔpena tenenee si atee, ɛ́mɔpena anwobrɛaseɛ si atee; ebiaa né wamaa ɛmɔanya ɛmɔ ti badidi nu wɔ AWURADE ahonehulɛ kyẽa ne.

Numeri 16:3

Bɛyɛle lɔen betiale Mose ne Aarɔn, na besele bɛ kyɛ, “Ɛmɔduo boɛ! Maen ne anu mmenia amu te krongron, ebiala te krongron, na AWURADE gyi bɛ si. Nzu ati yeɛ ɛmɔafo batena AWURADE mmenia kɔme so ɔ?”

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

2 Timoteo 4:22

Awurade [Yesu Kristo] ne wɔ sunzum bɛtena. Adom ɔ́yɛ ɛmɔ deɛ. Amen.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”