Amose 5:13 - AHYERƐLƐ KRONGRON

¹³ Ɔnate sɔ ati, nworɛfoɛ komua bɛ noa wɔ sɔ mmerɛ ne anu, ofikyɛ ɔte mmerɛ tɛɛ.

Amose 5:13 Iomraidhean Croise

2 Ahemvo 18:36

Nakoso Yudafoɛ yɛle konn bɔ bammua ye ɔ, ofikyɛ Hesekia bɔle bɛ kɔkɔ kyɛ nnɛmaa bebua ye nwo bie.

YOB NWOMAA NE 32:16

Na afei de bɔ bamua bɛ noa ye, begyigyi berɛ bɔ yeɛ bemmua ye nwo bie ye, yiti odi kyɛ me koso mɛkɔ so menwondɛ anaa?

Edwein 38:14

Amba, mayɛ kyɛ sona bɔ ɔnde dwudwolɛ ɔ, bɔ ɔngora nye edwirɛ noa ɔ.

Nworɛ Dwirɛhanɛniɛ 3:7

nikyee nu sunzualɛ le ye mmerɛ, yeɛ ye pombalɛ le ye mmerɛ, konnyɛlɛ le ye mmerɛ, yeɛ edwudwolɛ le ye mmerɛ,

Nworɛ Dwirɛhanɛniɛ 9:12

Sona biala nze ye mmerɛ deɛ. Na kyɛbɔ bɛfa asawu atianuserɛserɛ bɛkye egyein, ná besua ngaen bɛkye nnomaa ne, sɔ ala yeɛ mmerɛ tɛɛ te ngaen bɔ ɔkye adasa mvum nu ɔ.

Yesaya 36:21

Nakoso bɛyɛle konn bɔ bammua ye ɔ, ofikyɛ Hesekia bɔle bɛ kɔkɔ kyɛ, “Nnɛma ɛmɔtɛ ye so.”

Yesaya 37:3

Na besele ye kyɛ, “Hesekia nwa: ‘Ɛnɛ te aworabɔlɛ kyẽa, asohwenɛ ne animguaseɛ kyẽa. Mmrasua afo aworɛ so, nakoso bennya anwoserɛ bɛmva bɛndwe bɛ nwo.

Hosea 4:4

Nakoso nnɛma ebiala odwudwodwudwo, anaa ofu obiɛngo: ofikyɛ wɔ maen te kyɛ mmenia bɔ bɛ ne ɔsɔfo banya dwudwolɛ ɔ.

Amose 6:10

Na sɛ abusuaniɛ, bɔ ye yeɛ odi kyɛ osie fuin ne, okuku fuin ne fi awuro ne anu, na obisa ebie wɔ awuro ne akunu dɔ kyɛ, “Aso sona bieku tɛ boka wɔ so wɔ berɛ anaa” a, okobua kyɛ, “Daabi.” Na ɔkɔhã kyɛ, “Mua wɔ noa. Onni kyɛ yɛbɔ AWURADE dumaa.”

Mika 2:3

Yiti AWURADE nwa nyoo: Tie, medwene kyɛ ngɔprapra musue ngogua abusua he aso, bɔ ɛmɔngɔhora bɛngɔye ye nyamaa bengofi ɛmɔ kɔme ɔ; yeɛ ɛmɔngɔhora bɛngɔnate bɛngɔmoma bɛ bati so, ofikyɛ sɔ mmerɛ ne te mmerɛ tɛɛ.

Habakuku 3:16

Ndele nen, me kunu tele me; komviɛ ne mane me noa kekã bɔle so. M’aporɛ nu yɛle me hodwoo, na me nwo wosowosole me. Nakoso ngɔyɛ konn ngɔnwondɛ amaneɛnwunɛ kyẽa ne, kyɛ ɔkɔwa maen bɔ wafa koɛ waateta yɛ ne aso ɔ.

Ɛfesofoɛ 6:13

Yiti ɛ́mɔfa Nyameɛ akodeɛ ne amukoraa bewura, amaa ɛmɔahora bagyina wɔ kyẽa tɛɛ ne anu; na sɛ ɛmɔyɔ ɛhe amukoraa beyie a, né ɛmɔagyina pirim.

2 Timoteo 3:1

Nakoso kaye kyɛ, ayieleɛ mmerɛ ne, mmerɛ bɔ nu yɛ se ɔ kɔwa.