Amose 5:12 - AHYERƐLƐ KRONGRON

¹² Ofikyɛ mese ɛmɔ mmeraatolɛ worawora ne, ɔne ɛmɔ bɔne mbiri mbiri ne. Ɛmɔ bɔ ɛmɔteetee teneneefoɛ, ná ɛmɔde fea-ase-ma, ná ɛmɔbua bɛ bɔ bɛyɛ anwumvo ɔ ndɛengyea wɔ nekaa bɔ bedi dwirɛ ɔ.

Amose 5:12 Iomraidhean Croise

YOB NWOMAA NE 20:19

Ofikyɛ wasisi mmenia bɔ bɛyɛ anwumvo ɔ, na wasa wapo bɛ, na wale sua bɔ nna ye yeɛ osili ɔ mbendene so.

YOB NWOMAA NE 31:21

Sɛ ɔnate kyɛ ndɛenbualɛfoɛ begyi me si ti, matengyɛ me sa wɔ ayisiaaniɛ so manwunanwuna ye a,

Edwein 127:5

Sona bɔ sɔ agyaen nemɔ ayi ye ndokue nu tɛkyɛ ne, onya saleɛ. Sɛ ɔne ye pɔfoɛ mɔ bɛkã edwirɛ wɔ kuro berɛ nekaa bɔ bedi dwirɛ a, ye nyunu ngua ase.

Ɛksadɔso 23:3

yeɛ nnɛdi adanzewia ma ehianiɛ.

Ɛksadɔso 23:6

“Nnɛbua ɛmɔ nu ehiafoɛ ndɛengyea wɔ edwirɛ hanɛ nu.

Anyandera 17:8

Fea-ase-ma ɔte kyɛ tafo wɔ sona bɔ ɔfa ma ne nye so, nekaa biala bɔ sɔ sona ne kowura ne, nningyein kɔ yé ma ye.

Anyandera 22:22

Nnɛdi sona bɔ ɔyɛ anwumvo ɔ aminɛ, ofikyɛ ɔyɛ anwumvo, yeɛ nnɛsisi ehianiɛ wɔ nekaa bɔ bedi dwirɛ ɔ;

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 10:2

kyɛ bɛfa bebua ehiafoɛ ndɛengyea, kyɛ bɛfa bedi me mmenia bɔ bɛyɛ anwumvo ɔ aminɛ, bɔ ɔnate so bɛfa akunafoɛ mmrasua bɛkakyi bɛ koɛ nu nzesadeɛ, ɔne kyɛ bedi nyisiaa aminɛ ɔ.

Yesaya 29:21

bɛ yeɛ bɛ noa dwirɛ ma sona di fɔ, besua bɛ bɔ bedi dwirɛ ɔ ngaen, na bɛfa ngondombo atee so bebua ndɛengyea.

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Yesaya 47:9

Nakoso sɔ dwirɛ nyɔ ne kɔto wɔ, bɛkɔto wɔ mvum nu, ɛlɛhomapɛ, na abawuo ne kunalilɛ kɔto wɔ kandinga paa, ɔmva ye nwo kyɛ wɔ musueyelɛ sone pee ɔ, ɔmva ye nwo kyɛ abe paa wɔ ngonyaayelɛ nu ɔ.

Yesaya 5:23

Bɛ yaakɔ! Bɛ bɔ bede fea-ase-ma bebua sona bɔ odi fɔ be ɔ, ɔne bɛ bɔ bebua sona bɔ odi be ndɛengyea ɔ!

Yesaya 66:18

“Ofikyɛ mese bɛ yɔleɛ ne b’adwene: meba mebaboaboa maen mukoraa ne edwudwolɛ amukoraa noa, na bɛkɔwa bekoonwu m’animnyam ne.

Yeremia 29:23

ofikyɛ bali ngwaseasɛm wɔ Yisrael, na bɛ ne bɛ mmango mɔ aye mɔ bala, na bafa me dumaa bahã ngondombo dwirɛ, bɔ mamva ye nwo ahyɛdeɛ mamma bɛ ɔ. Me yeɛ mese, ná nde adanzeniɛ ɔ, AWURADE noa dwirɛ ɛne.’ ”

Awuye 3:34

Sɛ ebie pɛkyɛ aseɛ ye aso kukunufoɛ amukoraa wɔ ye gya bo a,

Hesekiel 13:22

Ɛmɔafa ɛmɔ nnakannaka ne bama teneneefoɛ bɛ wora abɔ, ɔwɔ nu kyɛ me de mmvale aworabɔlɛ nndole bɛ so. Ɛmɔsi bɔnefoɛ adua, kyɛbɔ ɔkɔyɛ bɔ ɔngɔhwe ye nwo ngofi ye bɔne atee so ngonya ngoa ɔ.

Hosea 5:3

Mese Efraim, na Yisrael koso ɔmvea me; afei, ao Efraim, abɔ gyandera, na Yisrael nwo agua fiɛ.

Amose 2:16

Na sɔ kyẽa ne, anwoserɛfoɛ nu ahoneserɛniɛ ne, ɔkɔnwati bɔ ye nwo la so ɔ,” AWURADE noa dwirɛ ɛne.

Amose 2:3

Ngɔpɛ ye maenbulɛniɛ ne asue ngofi ye nu, na ngohũhũ atitire nemɔ amukoraa ngɔboka ye so,” AWURADE noa dwirɛ ɛne.

Amose 5:10

Bekyi bɔ ɔtengyɛtengyɛ mmenia wɔ nekaa bɔ bedi dwirɛ ɔ, bɛpɔ bɔ ɔkã nahorɛ ɔ.

Amose 5:7

Ah, ɛmɔ bɔ ɛmɔkakyi ndɛenbualɛ turoloo maa ɔyɛ kyɛ abɔwee, ná ɛmɔgyi tenenee bɛto ase ɔ!

Amose 8:4

Ɛ́mɔtie ɛhe, ɛmɔ bɔ ɛmɔsisi mmenia bɔ bɛyɛ anwumvo ɔ, kyɛ ɛmɔfa so ma aseɛ ne aso ehiafoɛ bedi amia,

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Deuteronomi 16:18

“Wɔ nguro amukoraati bɔ AWURADE wɔ Nyameɛ ɔ́fa ma wɔ ne, neanea nu ná yeye ndɛenbualɛfoɛ ne mbanyi fi w’abusua kure nemɔ anu, na bɛ yeɛ bɛkɔfa ndɛen bɔ ɔtengyɛ bekobu maen ne ɔ.

Deuteronomi 31:21

Na sɛ musue ne amaneɛ pee toto bɛ a, sɔ dwein he koli adanzeɛ kotia bɛ, ofikyɛ ongofi bɛ bosofoɛ ti anu. Na aseɛ bɔ ndale ndaen kyɛ ngɔfa ngɔma bɛ ne, anzana ngɔfa bɛ ngoodwu so ne po, mese porɛ horɛ bɔ kekesaala ye babɔ ye bɛ ti anu ɔ.”

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.

Yakobo 5:6

Ɛmɔabua teneneeniɛ foɛ bahũ ye, wɔ aberɛ bɔ onzi ɛmɔ ate ɔ.

Rutu 4:1

Boase hɔle kuro berɛ pambim ne anwo ɔɔtenane ase. Wangyɛ yeɛ busuaniɛ bɔ Boase hane ye dwirɛ ne koso ɔɔpɛle nu berɛ ɔ. Na Boase frɛle ye kyɛ, “Nniɛma, bra wa baatena ase.” Na opingyele ye ɔɔtenane ase.

1 Samuel 8:3

Nakoso ye mma nemɔ de, bamva ye suban, na mmom bɛmane bɛ nye borole nikye, belele fea-ase-ma, na bebuale ndɛengyea.