Amose 5:11 - AHYERƐLƐ KRONGRON

¹¹ Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Amose 5:11 Iomraidhean Croise

YOB NWOMAA NE 20:19

Ofikyɛ wasisi mmenia bɔ bɛyɛ anwumvo ɔ, na wasa wapo bɛ, na wale sua bɔ nna ye yeɛ osili ɔ mbendene so.

Yesaya 16:10

Baye anika ne anigye bafi eboo bɔ aleɛ wɔ nu ne anu, yeɛ bobe boo nemɔ anu koso, bɛndo anigye dwein wɔ nu ko, bɛmmɔ ese wɔ nu ko, kumaa bɔ betwi nzaa wɔ nu ne, bendwi nzaa berɛ ko, mmakaammaa telɛ nwo esebɔlɛ ne, mama ye bo apɛ.

Hesekiel 26:12

Bɛkɔfa w’anwonyadeɛ bɛkɔyɛ koɛ nu nzesadeɛ, ná bafẽ wɔ dwaa nningyein bafa. Bekobubu wɔ fasue nemɔ bekogua, ná basɛkye wɔ sua nyemenenyemene nemɔ. Na bekofindi wɔ nyɔboɛ mɔ ne wɔ mmakaa ne wɔ nnɛterɛ bekogua nzue ne anu.

Hesekiel 34:21

Na ɔnate kyɛ ɛmɔfa ɛmɔ mvenu ne ɛmɔ bati besumusumu, ná ɛmɔfa ɛmɔ mmɛen bɛwowɔ bɛ bɔ bɛnde apɔ ne amukoraa, kɔpem kyɛ ɛmɔkɔbɔ bɛ kɔsande bɛkɔhɔ dedeede ne ati,

Hosea 9:2

Nekaa bɔ bɛboro aburoo ne nekaa bɔ betwi nzaa ɔ, ɔngɔma bɛ bɛ noa aleɛ, yeɛ nzaa foforɛ ne ngɔpe ngɔma bɛ.

Lewitikɔso 26:16

bɔ me koso ngɔfa ngɔyɔ ɛmɔ ɛhe: ngɔmaa asane kandinga kɔto ɛmɔ; anwonyerɛ koangɔ kɔbɔ ɛmɔ, yeɛ ebunu bɔ ɔma bɛ nye yɛ wusiwusi ná ɔma sona ngoa so te ɔ kɔhye ɛmɔ. Sɛ ɛmɔdua nningyein a, ɛmɔkɔfɛ bekogua mbaen, ofikyɛ ɛmɔ pɔfoɛ mɔ yeɛ bekoli ɔ.

Amose 2:6

AWURADE nwa nyoo, “Ɔnate Yisrael ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛtɔne teneneeniɛ bɛfa bede ɛdwetɛ, yeɛ bɛtɔne ehianiɛ bɛfa bede mmaboa.

Amose 2:7

Bɛ yeɛ betiatia ehiafoɛ ti so bɛkã bɛ ti bewura nnɛterɛ nu, ná besisi mmenia bɔ bɛyɛ anwumvo ɔ; ebie ne ɔse bɛ ne afaneɛ ko bɛda bɛfa begua me dumaa krongron ne anwo fiɛ.

Amose 3:15

Ngobubu prakasua mmerɛ sua ne ahuhuro mmerɛ sua nemɔ ngogua ase, ɛsoen gye sua nemɔ kɔsɛkyesɛkye, na awuro mbiri mbiri nemɔ kobubu kogua ase gyirigorɔɔ,” AWURADE noa dwirɛ ɛne.

Amose 3:9

Ɛ́mɔbɔ ye dawure wɔ Asedɔde anwoserɛ afealeɛ nemɔ anu, yeɛ Misraim aseɛ so anwoserɛ afealeɛ nemɔ anu, ná ɛmɔhã kyɛ, “Ɛ́mɔboaboa ɛmɔ noa wɔ Samaria mmokaa nemɔ aso, ɛ́mɔnea basabasa mbiri mbiri bɔ ɔkɔ so wɔ nu ɔ, ɔne nhyɛsoɛ bɔ ɔkɔ so wɔ nu ɔ.”

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Amose 6:11

Tie, AWURADE afa ahyɛdeɛ wama, na bekobubu awuro piri ne bekogua gyirigorɔɔ, ná babu sua ba ne bagua ase bɔkɔɔ.

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.

Amose 8:4

Ɛ́mɔtie ɛhe, ɛmɔ bɔ ɛmɔsisi mmenia bɔ bɛyɛ anwumvo ɔ, kyɛ ɛmɔfa so ma aseɛ ne aso ehiafoɛ bedi amia,

Amose 9:14

Ngosa ngɔfa me maen Yisrael ngofi nnurehyelɛ nu ngɔwa, na bekosa bɛkɔkyekye kurofoen nemɔ bɛkɔtenatena so, bɛkɔyɛ bobe boo mɔ bɛkɔno bobe nzaa, na bɛkɔyɛ turo mɔ bekoli nu mmakaammaa ne.

Mika 1:6

Yiti ngɔma Samaria kɔkakyi kurofoen wɔ eburo, ɔne aseɛ bɔ bɛyɛ so bobe boo ɔ. Ngodwiri ye nyɔboɛ mɔ ngogua bɔnza ne anu, ná mama ye fapem mɔ nwo alela berɛ.

Mika 2:2

Bɛ nye boro eboo mɔ, na bɛfa bɛ tumi bedide, yeɛ bɛ nye boro awuro mɔ, na bede bɛfa, yiti bɛhyɛ ebie ne ye awuro ama so, yeɛ ebie ne ye agyapadeɛ koso so.

Mika 6:15

Ekolua, nakoso engonya so aleɛ; ekohwi olive mma, nakoso engonya ye ngoo ne bie ngɔfa ngɔpopa; ekohwi bobe mma, nakoso engonya ye nzaa ne bie ngɔno.

Sefania 1:13

Yiti bɛ nningyein kɔkakyi nningyein bɔ mmenia kɔfẽ kɔfa ɔ, na b’awuro mɔ kɔkakyi dandue. Bekosisi sua de, nakoso bɛngɔtena nu; bɛkɔyɔ bobe boo mɔ de, nakoso bɛngɔno ye nzaa ne bie.”

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Malaki 1:4

Na sɛ Edom kã kyɛ, “Babɔ yɛ maen ne de, nakoso yɛkosa yɛkosi bɔ badwiri bagua ne” a, bɔ Asafo AWURADE ɔkã ole kyɛ, “Bekosi de, nakoso ngodwiri ngogua. Na mmenia kɔto bɛ dumaa kyɛ, “Amumuyɛɛfoɛ maen,” ne “Maen bɔ AWURADE afɛ bɛ so yaa afebɔɔ ɔ.”

Deuteronomi 28:30

Ɛkɔbɔ brasua asiwa, nakoso bienzua foforɛ ne ye bɛkɔla. Ekosi sua, nakoso ɛngɔtena nu. Ɛkɔyɔ bobe boo, nakoso engoli ye mma ne bie.

Yakobo 2:6

Nakoso ɛmɔbu ehianiɛ animtia! Aso nna sikafoɛ yeɛ bɛhyɛ ɛmɔ so ɔ, aso nna bɛ yeɛ bɛtwe ɛmɔ bɛkɔ badwafoɛ nyunu ɔ?