Amose 5:10 - AHYERƐLƐ KRONGRON

¹⁰ Bekyi bɔ ɔtengyɛtengyɛ mmenia wɔ nekaa bɔ bedi dwirɛ ɔ, bɛpɔ bɔ ɔkã nahorɛ ɔ.

Amose 5:10 Iomraidhean Croise

1 Ahemvo 18:17

Ahabo nwuni Elia ne, osele Elia kyɛ, “Nna wɔ ɛhe, wɔ bɔ ɛmma Yisrael nwo ndɔ ye ɔ!”

1 Ahemvo 21:20

Ahabo bisale Elia kyɛ, “Eh me pɔfoɛ, bɔ mayɔ ye, ama me bo ala so?” Na Elia buale kyɛ, “Yoo, mama wɔ bo ala so. Atu wɔ nwo asie berɛ kyɛ ɛkɔyɔ bɔ ɔte bɔne wɔ AWURADE nyunu ɔ. Ye sɔ ti,

1 Ahemvo 22:8

Yeɛ Yisrael hene buale Yehosafate kyɛ, “Waha ko bɔ yɛkɔhora yɛkobisa ye AWURADE noa dwirɛ ɔ. Ye ole Yimila awa Mikaya. Nakoso mekyi ye kɔkɔkɔkɔ, ofikyɛ ɔnhyɛ ngɔm paa biala mva me nwo, sana musue nwo ngɔm ala yeɛ ɔhyɛ fa me nwo ɔ.” Na Yehosafate sele kyɛ, “Nana, nnɛkã ye sɔ.”

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

2 Aberɛso Dwirɛ 36:16

Nakoso bɛhɔle so bɛgorole Nyameɛ ɛbɔfoɛ nemɔ anwo, bamva ye dwirɛ banyɛ huu, na bɛserele ye ngɔmhyɛlɛfoɛ nemɔ alaa kɔpem kyɛ AWURADE ɛyaa piri bɔ wafɛ ye wɔ ye maen so ne, ɔhɔle anwuro maa né bɛyɔ ye nwo hwee a ɔnyɛ yé ɔ.

Anyandera 15:12

Ngorohoɛniɛ nguro kyɛ bɛkɔhã ye nyunu ɔ, yiti ɔngɔ nworɛfoɛ berɛ.

Yesaya 29:21

bɛ yeɛ bɛ noa dwirɛ ma sona di fɔ, besua bɛ bɔ bedi dwirɛ ɔ ngaen, na bɛfa ngondombo atee so bebua ndɛengyea.

Yesaya 59:15

Amba, nahorɛ ayie, na ebiala bɔ ɔtwe ye nwo fi bɔne nwo ne, odi amia wɔ mmenia sa nu. AWURADE nwuni ye, na wanyɛ ye fɛ kyɛ pɛpɛɛpɛyɛlɛ biala nne berɛ ɔ.

Yeremia 38:7

Na Yitiopianiɛ sayɛɛ Ebede Meleke, bɔ né ɔwɔ ahemvie berɛ ne, ɔtele kyɛ bafa Yeremia bato kumaa nu kuku ne anu. Sɔ mmerɛ ne, né ɛhene ne te Benyamin anoa piri ne anu berɛ.

Hosea 4:4

Nakoso nnɛma ebiala odwudwodwudwo, anaa ofu obiɛngo: ofikyɛ wɔ maen te kyɛ mmenia bɔ bɛ ne ɔsɔfo banya dwudwolɛ ɔ.

Lewitikɔso 13:10

Odi kyɛ ɔsɔfo ne neanea yarefoɛ ne anwo, na sɛ mbɔmbɔ fufue bie anwu ye maa ye nwiaa ne ayɛ hoyaa, ná naen monɛ bie aworɔ tua mbɔmbɔ ne anu a,

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

Yohane 3:20

Ɔnate kyɛ, ebiala bɔ ɔyɔ bɔne ne, okyi kanea ne, na ɔmma kanea ne nwo, kyɛbɔ ɔkɔyɛ bɔ ye yɔleɛ ngɔla ali ɔ.

Yohane 7:7

Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne.

Galatiafoɛ 4:16

Na sɛ meka nahorɛ mekyire ɛmɔ a, nzu ati yeɛ mayɛ ɛmɔ pɔfoɛ ɔ?

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.