Amose 4:9 - AHYERƐLƐ KRONGRON

⁹ “Mafa fieso nningyein kesenɛ ne asukuo nwo amaneɛ mato ɛmɔ so. Mmerɛ bɔ ɛmɔ turo mɔ, ɛmɔ bobe boo mɔ, ɛmɔ borɔdoma mmakaa ne ɛmɔ olive mmakaa yɛle pee ne, mmɛbɛ sɛkyele bɛ, nakoso ɛmɔanza bamma me berɛ,” AWURADE noa dwirɛ ɛne.

Amose 4:9 Iomraidhean Croise

1 Ahemvo 8:37

“Sɛ ɛhɔen piri, anaa ɛhawo piri, anaa fieso nningyein kesenɛ, anaa asukuo, anaa mmɛbɛ, anaa nduro ba maen ye anu; sɛ bɛ pɔfoɛ mɔ kã bɛ mia wɔ bɛ nguro ne biala so sɛ ɛhawo piri anaa anwonyerɛ biala to bɛ,

2 Aberɛso Dwirɛ 6:28

“Sɛ ɛhɔen piri, anaa ɛhawo piri, anaa fieso nningyein kesenɛ, anaa asukuo, anaa mmɛbɛ, anaa nduro ba maen ye anu; sɛ bɛ pɔfoɛ mɔ kã bɛ mia wɔ bɛ nguro ne biala so, sɛ ɛhawo piri anaa anwonyerɛ biala ba bɛ so,

Yesaya 1:5

Nzu ati yeɛ ɛmɔkuro kyɛ mekɔ so mebo ɛmɔ ɔ? Nzu ati yeɛ ɛmɔtɛyɛ lɔen ye? Tire ne amukoraa nde apɔ, yeɛ ahone ne amukoraa ayɛ hodwoo.

Yesaya 50:11

Ɛ́mɔtie, ɛmɔ bɔ ɛmɔkua see, bɔ ɛmɔfa gyetia bɛpɛ bɛ nwo bɛbra beyia ɔ! Ɛmɔ see wuronyiwuronyi ne, ɔne gyetia bɔ ɛmɔasɔ ne, ɛ́mɔnate nu! Bɔ ɛmɔkonya bekofi me berɛ hɔ ɛne: amaneɛnwunɛ nu yeɛ ɛmɔkɔlela berɛ ɔ.

Yesaya 9:12

Siriafoɛ kofi eyia afiteleɛ, yeɛ Filistifoɛ kofi eyia atɔleɛ, na bɛkɔbaye bɛ noa nu bɛkɔme Yisrael. Na ɛhemɔ amukoraa nu ne, ye ahone andɔ nzue nu, na ɔtɛ dwɔso tia bɛ.

Yeremia 3:10

Nakoso ɛhe amukoraa si ne, oliɛma brasua ngondomboniɛ Yuda wanza wamva ye ahone amukoraa wamma me berɛ, na mmom ɔyɔle sɔ wɔ nnakannaka atee so, AWURADE noa dwirɛ ɛne.”

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Hosea 11:5

Ongosa ngɔhɔ Misraim aseɛ so, na mmom Asiria koli ye so hene, ofikyɛ bapo kyɛ bekosa bɛkɔwa me berɛ ɔ.

Yoel 1:4

Bɔ aketekyire ali maa waha ne, mmɛbɛ ali; bɔ mmɛbɛ bali maa waha ne, mmɛbɛ mbiri ali; bɔ mmɛbɛ mbiri bali maa waha ne, ɛsaa ali.

Yoel 1:7

Wasɛkye me bobe ne pasaa, wapomba me borɔdoma mmaen nemɔ: wawɔngyewɔngye ye si boen ne wagua; ye maen nemɔ nwo ayɛ hoyaa.

Yoel 2:25

Na afoɛ mɔ bɔ nzomane mmɛbɛ, mmɛbɛ mbiri, ɛsaa ne aketekyire, bɔ bɛte me koɛhonɛfoɛ anwoserɛfoɛ maa bɛwale ɛmɔ berɛ bɛɛsɛkyele nningyein ne, ngosa ngɔfa ngosi ɛmɔ gya nu.

Amose 4:6

“Mmane ɛmɔ noa aleɛ bɔle ɛmɔ wɔ ɛmɔ nguro nemɔ amukoraa so, yeɛ ɛhɔen wale ɛmɔ atenaleɛ nemɔ amukoraa nu, nakoso ɛmɔanza bamma me berɛ, AWURADE noa dwirɛ ɛne.

Amose 4:8

Yiti nguro nyɔ anaa nza so ama behyinihyinini bɛhɔle kuro ko aso bɛɛnone nzue, nakoso nzue ne wande bɛ; nakoso ɛmɔanza bamma me berɛ,” AWURADE noa dwirɛ ɛne.

Habakuku 3:17

Ɔwɔ nu kyɛ borɔdoma mmɔ nyerɛen, bobe nemɔ benzu mmaa, olive sulɛ wali ngasi, eboo mɔ bɛngye aleɛ, mmoaen nemɔ bɛ boso ayera wɔ tuin ne anu, yeɛ nandwie biala nne tuin nemɔ anu,

Hagae 2:17

Mvale fieso nningyein kesenɛ, asukuo ne asukɔtwea nzɛkyele ɛmɔ sa noa adwuma mukoraa; nakoso ɛmɔanza bamma me berɛ, AWURADE noa dwirɛ ɛne.

Malaki 3:11

Ɛmɔ ti ngosi sɛkyefoɛ ne ate, amaa ɔnate so wanzɛkye ɛmɔ aseɛ so aleɛ ne; yeɛ ɛmɔ fieso bobe amui ne ngɔporo ngogua, Asafo AWURADE noa dwirɛ ɛne.

Deuteronomi 28:22

AWURADE kɔma ɛfɔen, ebunu ne ɛfokyɛlɛ kɔwa wɔ so; wawa kɔpe serɛserɛ, ewienu kɔyɛ hye, anwonyerɛ kɔha wɔ fieso nningyein, na amaneɛ hemɔ koli wɔ si toonn kɔpem kyɛ ekowu ɔ.

Deuteronomi 28:42

Ɛsaa koli wɔ mmakaa ne w’aseɛ so mmakaammaa mukoraati.