Amose 4:7 - AHYERƐLƐ KRONGRON

⁷ “Asa koso, mama esue ayakyi tɔlɛ wama ɛmɔ wɔ aberɛ bɔ wahã bosome nza koraka né buberɛ adwu ɔ; mama esue watɔ wagua kuro ko aso, yeɛ mamma wandɔ wangua kuro ko aso. Esue tɔ guale eboo ko aso, na eboo bɔ esue wandɔ wangua so ne, nu nningyein yerale.

Amose 4:7 Iomraidhean Croise

Ɛksadɔso 10:22

Yiti Mose tengyɛle ye sa hyirele anwuro, na awosii kabii wale Misraim aseɛ so amukoraa ɛlɛsa.

Ɛksadɔso 10:23

Ɛlɛsa mumua, ebiala annwu obiɛngo, anaakyɛ wandu ye gya; nakoso nekaa bɔ né Yisraelfoɛ bɛte ne de, ewienu yɛle hyireinn.

Ɛksadɔso 8:22

Nakoso sɔ kyẽa ne, ngɔye Gosen aseɛ bɔ me mmenia te so ne ngosie ahameɛ; nwɔsea pembepembe paa ne ngɔhɔ berɛ bie, amaa ɔnate so anwu ye kyɛ me ole AWURADE wɔ aseɛ ye aso.

Ɛksadɔso 9:26

Sana Gosen aseɛ so, nekaa bɔ né Yisraelfoɛ te ne, yeɛ asukɔtwea nyɔboɛ ne bie andɔ berɛ ɔ.

Ɛksadɔso 9:4

Nakoso AWURADE kɔfa ɛwɛen kɔto Yisrael ngaka ne Misraim ngaka b’afia, amaa ɔnate so Yisraelfoɛ ngaka nemɔ nu biala anwu.’ ”

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Yeremia 14:3

Ye atitire mɔ bɛsoma bɛ somvoɛ mɔ kyɛ bɛɛpena nzue; bɛbadwu abura nemɔ anwo, nakoso bennya nzue, yiti bɛfa bɛ bua mɔ too besa bɛkɔ. Bɛ nyunu agua ase, bafɛre, na bɛkata bɛ ti so.

Yeremia 14:4

Aseɛnwo ayɛ katerepee, ɔnate esue bɔ ɔndɔ ngua aseɛ ne aso ti; akuafoɛ nemɔ nyunu agua ase, na bɛkata bɛ ti so.

Yeremia 3:3

Yiti nyenyenzue ne ayakyi tɔlɛ, yeɛ bamborɔ ne koso ɔndɔ ko, nakoso wɔ ndo nwiaa te kyɛ gyanderaniɛ deɛ, na ɛnze fɛrelɛ.

Yoel 2:23

Ɛmɔ, Sion mma mɔ, ɛ́mɔma ɛmɔ nye gye, ná ɛmɔli AWURADE ɛmɔ Nyameɛ nu ahurusi, ofikyɛ wama asuso atikye wama ɛmɔ wɔ mmerɛ bɔ ɔsɛ ɔ nu, na wama bamborɔ watɔ wama ɛmɔ, asuso ɔne bamborɔ kyɛ daa ne ala.

Sakaria 14:17

Na aseɛ so mmusua mukoraa, bɛ nu biala bɔ wamma Yerusalem wammanzɔne Ɛhene Asafo AWURADE nen, esue ngɔtɔ ngɔma bɛ.

Yohane 4:35

Ɔyɛ a ɛmɔnga kyɛ, ‘Waha bosome nna né buberɛ adwu’? Ɛ́mɔtie, mekã mekyire ɛmɔ kyɛ, ɛ́mɔma ɛmɔ ti so, ná ɛ́mɔnea fieso, kyɛ nningyein nemɔ bati kyɛ bebu ɔ.

1 Korintofoɛ 4:7

Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

Deuteronomi 11:17

ofikyɛ ɔba ye sɔ a, AWURADE kɔfɛ ɛmɔ so yaa piri paa, ná ɔkɔto nyameɛso nu bɔ esue ngɔtɔ ɔ, na aseɛ ngɔma aleɛ biala ko, na ɛmɔkowuwu ndɛndɛ so bekofi aseɛ paa bɔ AWURADE ɔ́fa ma ɛmɔ ne aso.

Yakobo 5:17

Né Elia te sona kyɛ yɛ ala, na ɔbɔle mbaeɛ serɛserɛ kyɛ nnɛma esue tɔ, na esue andɔ aseɛ so alaa afoɛ nza ne bosome nzia.

Nyekyire 11:6

Bele tumi kyɛ bɛto ewienu nu, bɔ esue ndɔ wɔ mmerɛ bɔ bɛhyɛ ngɔm ɔ; yeɛ bele nzue mɔ so tumi kyɛ bɛmaa bɛkakyi mogya, ɔne tumi bɔ ɔmaa bɛfa ɛhawo biala bɛto aseɛ so, mmerɛ pee biala bɔ bekuro ɔ.