Amose 4:3 - AHYERƐLƐ KRONGRON

³ Fasue ndokuro mɔ nu yeɛ ɛmɔkɔfa bekofite ɔ; ebiala kɔfa atee bɔ ɔla ye nyunu tee ɔ so, na bekofindi ɛmɔ bekogua Hamɔn,” AWURADE noa dwirɛ ɛne.

Amose 4:3 Iomraidhean Croise

2 Ahemvo 25:4

Na Babilɔnfoɛ ɛlɔen ne bɛbɔngyele kuro berɛ fasue ne anu tokuro. Ɔwɔ nu kyɛ né Babilɔn ɛlɔen ne bapɛ kuro ne anwo bayia de, nakoso kɔngɔen, Nana Sedekia ne ye koɛhonɛfoɛ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu bɛhɔle. Pambim ne pingye Nana Sedekia turo ne. Bɛfale bɛ nye behyirele asue Yɔɔdan bɔnza ne anu dɔ.

2 Ahemvo 7:15

Bɛpole Siriafoɛ so alaa beedwuli asue Yɔɔdan noa. Mmerɛ bɔ Siriafoɛ bɛnwati, bɔ né bɛ nwo kã bɛ tɛtɛtɛtɛ ne, bɛ ndaadeɛ ne akodeɛ bɔ befindini beguale ne, ɛbɔfoɛ nemɔ nwuni bɛ wɔ atee ne aso. Yiti ɛbɔfoɛ nemɔ besa bɛwale bɛɛbɔle Yisrael hene amaneɛ.

Yesaya 2:20

Sɔ kyẽa ne, mmenia b’ɛdwetɛ amoen ne bɛ sikaa kɔkorɛ amoen bɔ bayɔ bama bɛ nwo, bɔ bɛsɔne bɛ ne, bekogyi bekogua bɛkɔma mmurokuruwa ne mbena.

Yesaya 31:7

Ofikyɛ sɔ kyẽa ne, ɛdwetɛ amoen ne sikaa kɔkorɛ amoen bɔ ɛmɔyɔ bafa, maa ɔnate so ɛmɔayɔ bɔne ne, ebiala kofindi kogua.

Yeremia 52:7

Na bɛbɔngyebɔngyele kuro berɛ fasue ne anu tokuro. Ɔwɔ nu kyɛ né Kaldeafoɛ bapɛ kuro ne anwo bayia de, nakoso kɔngɔen, koɛhonɛfoɛ nemɔ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu befili kuro berɛ bɛhɔle. Sɔ pambim ne, opingye ɛhene turo ne. Bɛfale bɛ nye behyirele asue Yɔɔdan bɔnza ne anu dɔ.

Hesekiel 12:12

Na panyi bɔ ɔla bɛ noa ne, ɔkɔma ye nningyein borɛ so kɔto ye kɔme anwo awosii nu, ná wasi nu wahɔ. Bɛkɔbɔngye fasue ne anu, ná bafa nu bahɔ. Ɔkɔfa nikyee komundu ye nyunu, amaa ɔnate so wamva ye nye wannwu aseɛ ne.

Hesekiel 12:5

Bɔngye fasue ne anu bɔ bɛ nye tua ɔ, ná fa nu fite.

Amose 6:7

Yiti bɛ yeɛ bekoli moa bɛkɔhye bɛ nnure bɛkɔhɔ ɔ, na bɛ bɔ bɛtengyɛ bɛ nu ne, b’anigye mmorosoɛ ne ye bo kɔpɛ.”

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Maenbulɛfoɛ 5:17

Gileade hale asue Yɔɔdan asi; na Dan de, nzu ati yeɛ ɔtenane ɛlɛen nemɔ anwo ɔ? Asɛ tenane konn wɔ mboanoa, na ɔbɔle ye atenaleɛ wɔ etii so.