Amose 4:2 - AHYERƐLƐ KRONGRON

² AWURADE Nyameɛ afa ye krongronyɛlɛ wata ndaen kyɛ, Ɛ́mɔtie, ngyẽa bie ɔba ɛmɔ so, bɔ bɛkɔfa buralɛ koateɛ bɛkɔhwe ɛmɔ bɛkɔhɔ, yeɛ bɛkɔfa koaa bɛkɔhwe ɛmɔ si ama mɔ bɛkɔhɔ.

Amose 4:2 Iomraidhean Croise

Edwein 89:35

Mafa me krongronyɛlɛ mata ndaen komapɛ twe; mengɔpɛ anoanu mengohyire Dawide.

Edwein 89:36

Ye boso ama koli hene afebɔɔ, na kyɛ eyia tɛwɔ berɛ ye de, ye ahennie kɔtena berɛ wɔ me nyunu.

Yesaya 37:29

Ɔnate wɔ yaa piri bɔ afɛ ye me so, ɔne w’anwomasoɛ bɔ mate ne ati, ngɔfa me koaa ne ngosina wɔ bonyi anu, ná matofi wɔ noa nu mafa me nyamaa mawura nu; na atee bɔ ɛfale so wale ne, ngɔmaa ɛkɔkakyi wɔ nwo ɛkɔfa so ekosa kɔhɔ.’

Yeremia 16:16

“Tie, ngɔsoma maa bɛkɔɔfrɛ mmenia pee bɔ bɛkye nzue nu naen ɔ bɛkɔwa, AWURADE noa dwirɛ ɛne, na bɛkɔɔhye bɛ. Na afei ngɔsoma maa bɛkɔɔfrɛ bɔfoɛ mɔ pee bɛkɔwa, na bɛkɔhyehye mmenia ne wɔ bokaa biala so ne pambaa biala so ne nyɔbotaen nu ndokuro ngumaa nu.

Hesekiel 29:4

Nakoso ngɔfa koaa ngɔsosɔ w’awogyee, w’asue mɔ nu tire mɔ, ngɔmaa bɛkɔmatamata wɔ si boen ne anwo, ngɔhwe wɔ ngofi w’asue nemɔ anu, na w’asue nemɔ anu tire amukoraa bɛkɔmatamata wɔ si boen ne.

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Hesekiel 38:4

Ngɔmaa ɛkɔfa wɔ nye kohyire neka foforɛ, ngɔfa koaa ngɔsosɔ w’awogyee, na ngɔhwe wɔ ne wɔ lɔen amukoraa ngofite, ɛne wɔ mbɔngɔ ne pɔngɔhanɛfoɛ, bɔ bɛ mukoraa bewurawura koɛ ndaadeɛ ahoroɔ, ɛlɔen piri paa bɔ bɛ mukoraa bewurawura buralɛ ataadeɛ, bɔ betiratira akokyɛm ne pealɛɛ ɔ.

Amose 6:8

AWURADE Nyameɛ wata ye nwo ndaen, (AWURADE, Asafo Nyameɛ nwa), “Yakob ye anwomasoɛ ne yɛ me tɛ, yeɛ mekyi ye anwoserɛ afealeɛ nemɔ; yiti ngɔfa kuro ne, ɔne bɔ ɔwɔ nu amukoraa ngowura pɔfoɛ mɔ sa.

Amose 8:7

AWURADE ata Yakob anwomasoɛ ne anwo ndaen kyɛ, “Amba, me wora ngofi bɛ yɔleɛ nemɔ anu biala.