Amose 4:13 - AHYERƐLƐ KRONGRON

¹³ Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Amose 4:13 Iomraidhean Croise

YOB NWOMAA NE 9:7

Ye bɔ ɔhyɛ eyia kyɛ nnɛmaa opukye a ombukye ɔ, ye bɔ omundu nzramaa mɔ nyunu mma bɛ nda ɔ.

Edwein 135:7

Ye yeɛ ɔma munungum fi aseɛ noa dɔ kɔ anwuro ɔ; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Edwein 139:2

Ɛse m’asetenalɛ ne me dwɔsolɛ mmerɛ; na enwu me ti anu adwene fi dedeede.

Edwein 147:18

Ɔsomane ye noa dwirɛ, na ɔmaa behurole, ɔma ye mvrama bɔ, na nzue tengyɛ.

Edwein 65:6

W’anwoserɛ yeɛ ɔfale mmokaa penapenane berɛ ɔ, afa tumi abɔ abɔsoɛ.

Ɛksadɔso 10:22

Yiti Mose tengyɛle ye sa hyirele anwuro, na awosii kabii wale Misraim aseɛ so amukoraa ɛlɛsa.

Ɛksadɔso 14:20

na oogyinane Misraim ɛlɔen ne Yisrael ɛlɔen b’afia. Na kɔngɔen ne amukoraa, munungum ne yɛle awosii mane bue ko, yeɛ ɔtale mane bue ko; yiti bue ko ne angora ambingye obiɛngo kɔngɔen ne.

Yesaya 40:12

Nwa yeɛ wabɔ ye sa nonongu wasusu ɛpo nzue ɔ, anaa wafa ye sa mmɛseka wasusu ewienu ɔ, anaa wafa kwangoa wasusu aseɛ so mvuture ɔ, anaa wafa tonyi wahari mmokaa mɔ ɔ, anaa wafa asusudeɛ wahari pambaa mɔ ɔ?

Yesaya 45:7

Me yeɛ mebɔ kanea, ná mesa mebɔ awosii ɔ, me yeɛ mefa asomdwee meba, ná mesa mema amaneɛ ba ɔ. Me, AWURADE, me yeɛ meyɔ ɛhemɔ amukoraa ɔ.

Yesaya 47:4

Yɛ Defoɛ ne, ye dumaa ole Asafo AWURADE, Yisrael Krongronniɛ ne.

Yesaya 48:2

Ofikyɛ bɛfrɛ bɛ nwo kyɛ bɛte kuro krongron ne anu ama, bɔ bɛfa bɛ nwo bɛto Yisrael Nyameɛ so ɔ; ye dumaa ole Asafo AWURADE.

Yesaya 5:30

Bekopo bɛ sɔ kyẽa ne, kyɛbɔ ɛpo yɛ wuruwuru ɔ. Na sɛ ɛto wɔ nye nea aseɛ a, awosii ne aworabɔlɛ yeɛ ekonwu ye ɔ, na munungum komundu hyireinn so maa ɔkɔyɛ tunn.

Yeremia 10:13

Ɔma ye komvi so a, esue bobɔ nu wɔ ewienu, ɔma tutue fi aseɛ noa dɔ tu kɔ anwuro; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Yeremia 10:16

Ye bɔ ɔte Yakob kyɛfa ne, ye de ɔtte kyɛ bɛ, ofikyɛ ye yeɛ ɔbɔle nningyein amukoraa ɔ; Yisrael te maen bɔ ɔte ye agyapadeɛ ɔ, na ye dumaa ole Asafo AWURADE.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Yeremia 46:18

“Ɛhene bɔ ye dumaa ole Asafo AWURADE ne, ɔnwa: Kyɛ nde ase ye, amba, kyɛ Tabɔ ɔte wɔ mmokaa mɔ nu, ɔne kyɛ Kamɛl ɔla mboanoa ne, sɔ ala yeɛ ɔkɔwa ɔ.

Yeremia 51:16

Ɔbɔ nu kurudududu a, nzue pee ba ewienu, ɔma tutue fi aseɛ noa dɔ tu kɔ anwuro; esue tɔ a, ɔma agralaa tete, na ɔma mvrama tu fi nekaa bɔ osie ye nningyein ne.

Yeremia 51:19

Yakob ye bue deɛ de, ɔtte kyɛ sɔ nningyein nemɔ, ofikyɛ ye de, ye yeɛ ɔyɔle nningyein amukoraa ɔ. Yisrael te abusua kure bɔ ɔte ye agyapadeɛ ɔ, na ye dumaa ole Asafo AWURADE.

Daniel 2:28

na mmom Nyameɛ bie wɔ nyameɛso bɔ ɔda mvealeɛ nu dwirɛ ali ɔ, na ye yeɛ waye bɔ kyẽa bie okosi ɔ wahyire Nana Nebukadenesa ɔ. Ɛla wɔ bɛen so ne, wɔ laleɛ ne nyekyire bɔ enwuni ne, ye ɛhe:

Daniel 2:30

Na me de, nna kyɛ nworɛ yeɛ mese metra ateasefoɛ amukoraa ti ɔ, yeɛ ɔmaa ɔnate so waye sɔ mvealeɛ nu dwirɛ he wahyire me ɔ. Na mmom, Nana, kyɛbɔ ɔkɔyɛ bɔ bekohyire ye bo bekohyire wɔ, ná afei ate edwirɛ bɔ ɔwale wɔ ti anu ne abo ti ɔ.

Hosea 12:6

“Yiti sa kɔ wɔ Nyameɛ berɛ, sɔ ɔdɔ ne pɛpɛɛpɛyɛlɛ nu yé, ná fa wɔ wora wura Nyameɛ nu daa.”

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Amose 3:13

AWURADE Nyameɛ, Asafo Nyameɛ nwa, “Ɛ́mɔtie, ná ɛ́mɔbɔ Yakob awuro kɔkɔ kyɛ,

Amose 5:27

Yiti ngɔpɛ ɛmɔ asue ngɔhɔ Damasko si dɔ,” AWURADE bɔ ye dumaa ole Asafo Nyameɛ ne, ye noa dwirɛ ɛne.

Amose 5:8

Ye bɔ ɔbɔle nzramaa kure ne Akɔtaen-ne-ye-mma, ye bɔ ɔkakyi awosii tunn maa ɔyɛ ngyerɛmɔ, ná ɔma eyia yɛ tunn kyɛ kɔngɔen, ye bɔ ɔfrɛfrɛ ɛpo nu nzue, ná ohwie gua aseɛ nyunu ne, ye dumaa ole AWURADE.

Amose 6:8

AWURADE Nyameɛ wata ye nwo ndaen, (AWURADE, Asafo Nyameɛ nwa), “Yakob ye anwomasoɛ ne yɛ me tɛ, yeɛ mekyi ye anwoserɛ afealeɛ nemɔ; yiti ngɔfa kuro ne, ɔne bɔ ɔwɔ nu amukoraa ngowura pɔfoɛ mɔ sa.

Amose 8:9

Na AWURADE nwa nyoo, “Ɔkɔwa kyɛ, sɔ kyẽa ne, ngɔma eyia kɔɔtɔ eyiagyina, na ngɔma awosii kɔwa aseɛ so eyia petee.

Amose 9:6

Ye bɔ osi ye aborɔsaen wɔ ewienu, ná ɔfa ye ngatasoɛ obutu aseɛ so; ye bɔ ɔfrɛfrɛ ɛpo nu nzue, ná ohwie bɛ gua aseɛ ye aso ne, ye dumaa ole AWURADE.

Mika 1:3

Ofikyɛ tie, AWURADE fi ye atenaleɛ berɛ ɔ́ba, na okodwu kɔwa kootiatia aseɛ so asɔneyɛɛ nemɔ aso.

Habakuku 3:19

AWURADE Nyameɛ te m’anwoserɛ. Ɔma me gya tindim kyɛ kɛtɛbɔɔ deɛ, na ɔmaa menate m’asɔneyɛɛ nemɔ aso. Mefa mema edweinhyirelɛniɛ ne, kyɛ ɔ́fa me sangoo ne ɔ́to.

Sakaria 12:1

AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:

Mateo 9:4

Nakoso Yesu nwuni b’adwene, na ɔhane kyɛ, “Nzu ati yeɛ ɛmɔdwene adwene tɛɛ sɔ ɔ?

Yohane 2:25

yiti onhia kyɛ ebiala koli sona nwo adanzeɛ kohyire ye ɔ, ɔnate kyɛ ye bɔbɔ ɔse mmenia mukoraa ahone nu dwirɛ.

Yohane 3:8

Mvrama bɔ kɔ nekaa bɔ okuro ɔ, na ɛte ye nga; nakoso ɛnze nekaa bɔ ofi ba ɔ, anaa nekaa bɔ ɔkɔ ɔ. Sɔ ala yeɛ ebiala bɔ bawo ye Sunzum nu ne ɔte ɔ.”

Deuteronomi 32:13

Ɔbɔle ye atenaseɛ wɔ aseɛ ne aso mmokaa so, na ɔmane ye aseɛ ne aso aleɛ maa olili; ɔmane ye nyɔbotaen nu woɛ maa olili, ɔne nyɔboɛ aseɛ so olive ngoo,

Deuteronomi 33:29

O Yisrael, anya saleɛ! Nwa yeɛ ɔne wɔ bɛte pɛ ɔ? Mmenia bɔ AWURADE ale bɛ ɔ, ɔte w’akokyɛm bɔ ɔbɔ wɔ nwo waen ɔ, ɔne wɔ ngonim ngrandɛ! Wɔ pɔfoɛ mɔ kɔbrɛ bɛ nwo ase wɔ wɔ nyunu, nakoso wɔ de, ekotiatia b’asɔneyɛɛ nemɔ aso.”